బాత్రూమ్ సింక్ తో Twitter ఆఫీస్ లోకి ఎంట్రీ ఇచ్చిన Elon Musk ! ఎందుకు ...వివరాలు?

టెస్లా CEO ఎలోన్ మస్క్ యొక్క $44 బిలియన్ల ట్విట్టర్ డీల్ ముగింపు దశకు చేరుకుంది. మస్క్ ట్విటర్‌ను కొనుగోలు చేసేందుకు బ్యాంకులు $13 బిలియన్ల వరకు ఆఫర్ చేస్తున్నాయి. కాబట్టి ట్విట్టర్ డీల్ ఎలాగైనా ఈ వారం చివరికల్లా క్లోజ్ అయ్యే అవకాశం ఉంది. ఈ నేపథ్యంలో మస్క్ ట్విట్టర్ ఆఫీస్‌లోకి అడుగుపెట్టిన తీరు ఇంటర్నెట్‌లో వైరల్‌గా మారింది.

ట్విట్టర్ ప్రధాన కార్యాలయాన్ని ఎలాన్ మస్క్ సందర్శించారు

కాలిఫోర్నియాలోని శాన్ ఫ్రాన్సిస్కోలోని ట్విట్టర్ ప్రధాన కార్యాలయాన్ని ఎలాన్ మస్క్ సందర్శించారు. $44 బిలియన్ల ట్విట్టర్ డీల్ ముగియడంతో మస్క్ ఈ కార్యాలయంలోకి వచ్చారు . కానీ వచ్చినప్పుడు, అతను ఖాళీ చేతులతో రాలేదు. చేతిలో ఒక వస్తువును తీసుకు వచ్చాడు ఇప్పుడు అందరు దీని గురించే మాట్లాడుకుంటున్నారు. మరి అది ఏమిటి ,ఇతను ఎందుకిలా చేసాడు అనే విషయాలు ఇక్కడ తెలుసుకోండి.

 

ట్విట్టర్‌కి టాయిలెట్ సింక్‌కి సంబంధం ఏమిటో...?

మీరు ఎవరినైనా కలవడానికి ఒక ప్రదేశానికి వెళితే, ఆ ప్రదేశం మరియు పరిస్థితికి తగినది తీసుకోవడం ఆచారం. అయితే విభిన్నంగా పనులు చేసే ప్రపంచంలోనే అత్యంత ధనవంతుడు ఎలోన్ మస్క్ మాత్రం అందుకు భిన్నంగా ట్విట్టర్ ఆఫీస్‌కి తీసుకొచ్చాడు. అంటే మస్క్ టాయిలెట్ సింక్‌తో ట్విట్టర్ ఆఫీస్‌కు వెళ్లాడు. ట్విట్టర్‌కి టాయిలెట్ సింక్‌కి సంబంధం ఏమిటో తెలియదా? దీనిపై మస్క్  వివరణ ఇచ్చారు.

ట్విట్టర్ పేజీలో

ట్విట్టర్ ఆఫీస్ లోపల బాత్రూమ్ సింక్ ఉన్న దృశ్యాన్ని మస్క్ స్వయంగా తన ట్విట్టర్ పేజీలో పోస్ట్ చేశారు. ఎలోన్ మస్క్ ఈ వీడియోను తన ట్విట్టర్ పేజీలో "Entering Twitter HQ - let that sink in!" అనే క్యాప్షన్‌తో అప్‌లోడ్ చేశాడు. మరియు ఈ ట్వీట్ అతని ట్విట్టర్ పేజీలో పిన్ చేయబడింది. అంటే ఈ ట్వీట్ తన ట్విట్టర్ పేజీలో ప్రధాన ట్వీట్‌గా మార్చబడింది.

ఈ ట్వీట్ తో ఈసారి ట్విటర్ డీల్ పూర్తి కావడం దాదాపు ఖాయం అని అంటున్నారు.

అంతకుముందు, మస్క్ మార్చిలో ట్విట్టర్‌ను కొనుగోలు చేసే ఆలోచనలో ఉన్నాడు. అయితే జూన్‌లో మస్క్ ఈ ఒప్పందం నుంచి వైదొలిగాడు. మస్క్ ట్విట్టర్‌ను కొనుగోలు చేస్తున్నట్లు ప్రకటించి, ఆపై వెనక్కి తగ్గిన తర్వాత దావా వేశారు. అయితే ఇంతలో మస్క్ మళ్లీ ట్విట్టర్‌ని కొనుగోలు చేసేందుకు ఆసక్తి చూపారు. మళ్ళీ, మస్క్ కొనుగోలు చేయాలనుకోవడానికి కారణం తెలియదు. అయితే మరోవైపు ఈ వ్యాజ్యాన్ని విచారించిన కోర్టు ట్విట్టర్ కొనుగోలు ఒప్పందాన్ని అక్టోబర్ 27లోగా పూర్తి చేయాలని ఆదేశించింది.

ట్విట్టర్‌ను కొనుగోలు చేయడానికి

వాల్ స్ట్రీట్ జర్నల్‌లో ప్రచురించిన సమాచారాన్ని పరిశీలిస్తే, మస్క్ ట్విట్టర్‌ను కొనుగోలు చేయడానికి మద్దతుగా బ్యాంకులు 13 బిలియన్ డాలర్లను పంపడం ప్రారంభించినట్లు సమాచారం. కాబట్టి మస్క్ ట్విటర్‌ను కొనుగోలు చేయడం దాదాపుగా పూర్తయిన ఒప్పందం. ఈ వారం చివరి నాటికి ఈ డీల్ ముగిసే అవకాశం ఉంది. అలాగే, శుక్రవారం నాటికి ట్విట్టర్‌ను కొనుగోలు చేయడానికి మస్క్ మొత్తం నిధులను అందుకోనున్నట్లు నివేదికలు చెబుతున్నాయి.

మస్క్ ట్విట్టర్ డీల్

మస్క్ ట్విట్టర్ డీల్ నుండి ఎందుకు వైదొలిగాడు మరియు కొనుగోలు చేయడానికి ఆసక్తిని ఎందుకు వ్యక్తం చేసాడు అనేది అస్పష్టంగా ఉంది. నివేదికల ప్రకారం, మస్క్ త్వరలో ట్విట్టర్‌ను కొనుగోలు చేస్తే అనేక మార్పులు చేయవచ్చని భావిస్తున్నారు.