ఇంటర్నెట్ దగ్గర నుంచి టెక్నాలజీ వరకు, మీకు తెలియని ఆసక్తికర నిజాలు

ఆ రోజుల్లో ఇంటర్నెట్‌ని వినియోగించుకోవాలంటే..

1990లలో ఇంటర్నెట్‌ని వినియోగించుకోవాలంటే చాలా శ్రమపడాల్సి వచ్చేది. ఇంటర్నెట్‌ యాక్సెస్‌‌ను సులభతరం చేసిన సామన్య ప్రజలకు అందుబాటులోకి తీసుకురావాలంటే..? ఎఫ్‌టిపి, యూజ్‌నెట్‌, టెలినెట్‌, గోపెయిర్‌ లాంటి వివిధ ప్రోటోకాల్స్‌ సమ్మేళణంతో కూడిన ఇంటర్నెట్‌ అప్లికేషన్ అవసరమయ్యింది.

మోజైక్‌ ప్రోగ్రామింగ్..

ఈ అంశం పై దృష్టిసారించిన అమెరికాలోని నేషనల్‌ సెంటర్‌ ఫర్‌ సూపర్‌ కంప్యూటింగ్‌ అప్లికేషన్స్‌ (ఎన్‌సిఎస్‌ఎ) ఉద్యోగులైన మార్క్‌ అండ్రీసిన్‌, ఎరిక్‌ బీనాలు 1992 డిసెంబర్‌లో ఆరు వారాల పాటు శ్రమించి ఓ ప్రోగ్రామ్‌‌ను డిజైన్ చేసారు. దానికి మోజైక్‌ అని పేరు పెట్టారు. 1993 జనవరిలో అధికారికంగా మోజైక్‌ యాప్ విడుదలయ్యింది. మోజైక్‌ విడుదలతో ఇంటర్నెట్‌ యాక్సెస్‌లో విప్లవాత్మకమైన మార్పు వచ్చింది.

గ్రాఫికల్‌ యూజర్‌ ఇంటర్‌ఫేస్‌

గ్రాఫికల్‌ యూజర్‌ ఇంటర్‌ఫేస్‌ (జియుఐ)తో రూపొందించబడిన ఈ ప్రోగ్రామ్‌ ద్వారా మౌస్‌ని వినియోగించి పాయింట్‌ - అండ్‌ - క్లిక్‌ అనే పద్ధతితో కంప్యూటర్‌, ఇంటర్నెట్‌ మీద పెద్దగా అవగాహన లేనివారు సైతం ఇంటర్నెట్‌ యాక్సెస్‌ చేయడం ఎంతో సులభతరమైంది.

తొలి ఇంటర్నెట్ బ్రౌజర్ అప్లికేషన్...

మోజైక్‌ విండోలని ఫార్వర్డ్‌, బ్యాక్‌ బటన్స్‌ ద్వారా ఇంటర్నెట్‌లో ఒక పేజీ నుండి మరో పేజీకి ముందుకు, వెనుకకు వెళ్లడం, అనేక కొత్త అంశాలు దీనిలో రూపొందించడటంతో మోజైక్‌ తొలి ఇంటర్నెట్‌ బ్రౌజర్‌ అప్లికేషన్‌గా ఆవిర్భవించింది.

ఆనాటి నుంచి ఈనాటి వరకు..

ఇంటర్నెట్ అలానే టెక్నాలజీ విభాగంలో చోటుచేసుకున్న పలు ఆసక్తికర విషయాలను మీతో షేర్ చేసుకోవటం జరుగుతోంది...

32 సంవత్సరాల క్రితం..

32 సంవత్సరాల క్రితం 20ఎంబి సామర్థ్యం గల హార్డ్‌డ్రైవ్ బరువు 20 పౌండ్లు ఉండేది. ప్రస్తుతం అందుబాటులో ఉన్న మెమరీ కార్డ్‌లు గ్రాముల బరువుతో జీబీల కొద్ది డేటాను స్టోర్ చేయగలగుతున్నాయి.

నిమిషానికి 100 గంటల వీడియో..

యూట్యూబ్‌లో నిమిషానికి 100 గంటల వీడియో అప్‌లోడ్ అవుతోందట. తాజా గణాంకాల ప్రకారం ఈ నిడివి మరింత పెరిగే అవకాశం ఉంది.

కంప్యూటర్‌తో ఓడిపోయిన మనిషి..

2005లో ఏర్పాటు చేసిన హై-స్పెక్ కంప్యూటర్‌తో పోటీపడి ఇప్పటి వరకు ఏ మానవుడు చెస్ టోర్నమెంట్‌ను గెలవలేకపోయాడు.

అంతరిక్ష పరిశోధనలు ముమ్మరం..

అంతరిక్ష పరిశోధనలకు సంబంధించి మరింత నాణ్యమైన టెక్నాలజీ అందుబాటులోకి రావటంతో మన విశ్వానికి సంబంధించిన దృశ్యాలను మునుపటితో పోలిస్తే మరింత అర్థవంతంగా చూడగలుగుతున్నాం.

600 కోట్ల మొబైల్ ఫోన్‌లు

1990లో మొబైల్ ఫోన్‌లను ఉపయోగించే వారి సంఖ్య 10 లక్షలంటే. ఇప్పుడా సంఖ్య 500 నుంచి 600 కోట్ల మధ్య ఉందట.

ఇంటర్నెట్‌లో ఎంత డేటా ఉందో తెలుసా..?

ఇంటర్నెట్‌లో 1.3 ట్రిలియన్ గిగాబైట్స్ డేటా ఉందట.ఈ డేటాను లోడ్ చేయాలంటే 75 బిలియన్ 16జీబి ఐప్యాడ్ యూనిట్లు అవసరమవుతాయట.

880 బిలియన్‌ల ఫోటోలు

2014లో ప్రపంచవ్యాప్తంగా 880 బిలియన్‌ల ఫోటోలు చిత్రీకరించబడ్డాయట. అంటే ప్రపంచంలోని ప్రతి ఒక్కరు సగటున 123 ఫోటోలు చిత్రీకరించకున్నట్లు అర్థం. ఈ సంవత్సరం ఈ సంఖ్య మరింత పెరిగే అవకాశం..

టెక్నాలజీతో వైద్య రంగంలో విప్లవాత్మక మార్పులు..

టెక్నాలజీ కారణంగా వైద్య రంగంలో చోటుచేసుకున్న విప్లవాత్మక మార్పుల కారణంగా మహమ్మారి పోలియోను 99శాతం నివారించగలిగాం.

టెక్నాలజీ రాకతో పెరిగిన ఆహార ఉత్పత్తి..

టెక్నాలజీ అందుబాటులోకి రావటంతో 1961 నుంచి ప్రపంచ ఆహార ఉత్పత్తి 25 శాతం పెరిగింది.

మెరుగైన కమ్యూనినకేషన్ వ్యవస్థ ఏర్పాటు..

1940లో ప్రతి లక్ష మందిలో 300 మంది యుద్ధం కారణంగా మరణించారు. ఇప్పుడు ఆ పరిస్థితులు లేవు. శాంతి స్థాపన కోసం మెరుగైన కమ్యూనినకేషన్ వ్యవస్థను ఏర్పాటు చేసేందుకు ప్రపంచదేశాలు ఆరాటపడుతున్నాయి.

మనుషుల ఆయుర్థాయాన్ని పెంచుతోన్న టెక్నాలజీ

వైద్య రంగంలో చోటుచేసుకున్న విప్లవాత్మక మార్పులు మనుషుల ఆయుర్థాయాన్నిపెంచగలుగుతున్నాయి.

వికిపీడియా ఆవిర్భావం..

2001లో ప్రారంభమైన వికిపీడియా ప్రపంచ సమాచారాన్ని మనకందిస్తోంది.

చంద్రుడి పై పరిశోధనలు..

టెక్నాలజీ సహాయంతో చంద్రుడి పై కాలుమోపి అక్కడ స్థిరమైన నివాసాన్ని ఏర్పాటు చేసుకునేందుకు మనిషి తహతహలాడుతున్నాడు.

స్మార్ట్‌ఫోన్ ప్రపంచాన్ని శాసిస్తోంది

పూర్తిస్థాయి కమ్యూనికేషన్ ఫీచర్లతో స్మార్ట్‌ఫోన్ ప్రపంచాన్ని శాసిస్తోంది. ఆధునిక మనుషులకు అవసరమైన నిత్యావసర వస్తువుల్లో స్మార్ట్‌ఫోన్ ఒకటి.

క్యాన్సర్ మరణాలు తగ్గుదల..

ఆధునిక టెక్నాలజీ కారణంగా వైద్య రంగంలో చోటు చేసుకున్న విప్లవాత్మక మార్పులు 1991 నుంచి 2010 వరకు క్యాన్సర్ మరణాలను 20శాతం వరకు తగ్గించగలిగాయి.

భవిష్యత్ గరించి ఆలోచిస్తోన్న ప్రపంచం..

ఆధునిక కమ్యూనికేషన్ టెక్నాలజీ స్పూర్తితో, ప్రపంచవ్యాప్తంగా 58శాతం జనాభా తమ భవిష్యత్ గరించి ఆలోచించటం ప్రారంభిస్తోంది.