మరో చరిత్రను లిఖించే దిశగా ఇస్రో అడుగులు

By Hazarath

Published: Tuesday, March 29, 2016, 18:39 [IST]

ఎన్నో రికార్డులను తన కిరీటంలో నింపుకున్న భారత అంతరిక్ష పరిశోధన సంస్థ ఇస్రో ఇప్పుడు చరిత్రలో మరో రికార్డు సృష్టించేందుకు సిద్ధమవుతోంది. మొత్తం ఏకకాలంలో చిన్నా పెద్ద అన్నీ కలిపి 22 ఉపగ్రహాలను అంతరిక్షంలోకి పంపేందుకు చకచకా అడుగులు వేస్తోంది. ఈ ప్రయోగం మేలో జరగనుందని తెలుస్తోంది. పీఎస్ఎల్వీసీ -34 ద్వారా భారత్ కార్టోశాట్2సీని ప్రయోగించబోతున్న ఇస్రో .. అమెరికా, కెనడా, ఇండోనేషియా, జర్మనీ తదితర దేశాలకు చెందిన 21 ఉపగ్రహాలనూ అదే ప్రయోగంలో అంతరిక్షంలోకి పంపబోతున్నట్లు విక్రమ్ సారాభాయ్ అంతరిక్ష కేంద్రం డైరెక్టర్ కె.శివన్ వెల్లడించారు.

Read more : మాకు మీరే దిక్కంటున్న అగ్రరాజ్యం

2008 లో 10 ఉపగ్రహాలను ఒకేసారి పంపామని, ఇప్పుడు దానికి రెట్టింపు ఉపగ్రహాల ప్రయోగానికి సిద్ధమవుతున్నామని చెప్పారు. శ్రీహరికోటలోని సతీశ్ ధావన్ స్పేస్ సెంటర్ ఆ ప్రయోగానికి వేదిక కాబోతోందన్నారు. ఇక ఇండోనేషియాకు చెందిన లపాన్ఏ 3, జర్మనీకి చెందిన బిరోస్, ఎంవీవీ, అమెరికాకు చెందిన స్కైశాట్ జెన్2-1తో పాటు ఇతర ఉపగ్రహాలను పంపుతున్నట్లు ఇస్రో వర్గాలు తెలిపాయి. కాగా, 2013 లో ఒకేసారి 29 ఉపగ్రహాలను పంపిన నాసా ప్రపంచ రికార్డును సృష్టించింది. దేశానికే తలమానికంగా నిలిచిన ఇస్రో గురించి కొన్ని నిజాలను తెలుసుకుందాం.

Read more : మార్స్‌పై అన్వేషణకు ఇస్రో వెంట పడుతున్న నాసా

1

1969లో సరిగ్గా ఇండిపెండెన్స్ డే రోజున ఇస్రో పురుడుపోసుకుంది. దీనికి పురుడుపోసిన వారు విక్రం సారాభాయి.

2

SLV-3 మొట్టమొదటి ఇండియా స్వదేశీ ఉపగ్రహ ప్రయోగం. దీన్ని దివంగత మాజీ రాష్ర్టపతి ఎపిజె అబ్దుల్ కలాం సారధ్యంలో ప్రయోగించారు. కలాం ప్రాజెక్ట్ డైరక్టర్ గా ఉన్నారు.