శ్యామ్‌సంగ్, ఎల్‌జి స్మార్ట్ ఫోన్స్ మద్య 4జి యుద్దం

By Super

Updated: Wednesday, July 13, 2011, 11:50 [IST]

నిన్నటి వరకు ప్రపంచం మొత్తం 3జిలో ఊగిసలాడింది. మల్టీమీడియా మొబైల్ ఫోన్స్ వచ్చిన తర్వాత స్మార్ట్ పోన్స్ మద్య భీకరమైన పోటీ వాతావరణం ఏర్పడింది. ఒక ఫోన్‌ని విడుదల చేస్తే దానిని తలదన్నే మరోక ఫోన్ అతి తక్కువ సమయంలో కనిపిస్తున్న రోజులివి. కొత్త కొత్త ఫీచర్స్, కొత్త ఐడియాస్‌తో రోజురోజుకీ మొబైల్ ప్రపంచం అంతా మారిపోతుంది. శ్యామ్‌సంగ్, ఎల్‌జి రెండు కంపెనీలు కూడా స్మార్ట్ ఫోన్స్‌ని తయారు చేయడంలో అందవేసిన చేయి. ఇప్పటివరకు మొబైల్ ఇండస్ట్రీలో తమయొక్క ఉత్పత్తులను విడుదల చేసి తమకంటూ ఓ బ్రాండ్ వాల్యూని సోంతం చేసుకున్న కంపెనీలు.

ఇండియాలో మద్య తరగతి కుటుంబ ప్రజలు ఎక్కువ. వారిని దృష్టిలో పెట్టుకోని మొబైల్ ఫోన్స్‌ని తయారు చేయడంలో ఈ రెండు కంపెనీలది కూడా ప్రత్యేకమైన శైలి. ఈరోజు మనం ఎల్‌జి, శ్యామ్‌సంగ్ కంపెనీలకు సంబంధించి రెండు స్మార్ట్ పోన్స్‌ల ఫీచర్స్‌ని చూద్దాం. ఆ రెండు మోడల్స్ ఎల్‌జి ధ్రిల్స్, శ్యామ్‌సంగ్ ఎగ్జిబిట్. రెండు మోడల్స్ కూడా 4జి కేటగిరికి సంబంధించిన స్మార్ట్ ఫోన్స్. రెండు స్మార్ట్ ఫోన్స్ కూడా చూడడానికి కార్పోరేట్ లుక్ తోటి, చాలా అందంగా, స్టయిల్‌గా ఉన్నాయి. రెండు మొబైల్స్ కూడా టచ్ స్క్రీన్ డిప్లే మొబైల్ పోన్స్. ఎల్‌జి ధ్రిల్ డిప్లే సైజు శ్యామ్ సంగ్ ఎగ్జిబిట్‌తో పోల్చితే చాలా పెద్దది.

రెండు స్మార్ట్ ఫోన్స్ కూడా మల్టీమీడియా, ఎంటర్ట్ న్మెంట్‌ని దృష్టిలో పెట్టుకోని రూపోందించడం జరిగింది. మల్టీమీడియా ఫార్మెట్స్ అయిన MP3, MP4, WAV, WMV లాంటి వాటన్నింటిని సపోర్ట్ చేస్తుంది. దీనితో పాటు ఆడియో, వీడియో ప్లేబ్యాక్, రికార్డింగ్ ఫెసిలటీ కూడా అదనపు ప్రత్యేకం. ఇక ఎల్‌జి విషయానికి వస్తే 3డి స్క్రీన్‌ని కలిగి ఉండడంతో 3జి కంటెంట్ ప్లేబ్యాక్‌ని ఇది సపోర్ట్ చేస్తుంది. రెండు ఫోన్స్ కూడా 3.5mm ఆడియో జాక్స్‌ని కలిగి ఉన్నాయి. ఇక కెమెరా విషయానికి వస్తే ఇక్కడ మీరు కొంచెం నిరాశకు గురి కావాల్సి వస్తుంది. ఎల్‌జి ధ్రిల్ మాత్రం 5మెగా ఫిక్సల్ కెమెరాని కలిగి ఉండగా, అదే శ్యామ్‌సంగ్ ఎగ్జిబిట్ మాత్రం 3 మెగా ఫిక్సల్ కెమెరాని కలిగి ఉంది.

ఎల్‌‌జి ధ్రిల్ 1080p వీడియో రికార్డింగ్‌ని సపోర్ట్ చేస్తే శ్యామ్‌సంగ్ ఎగ్జిబిట్ మాత్రం విజిఎ క్వాలిటీ రికార్డింగ్‌ని అందిస్తుంది. ఇక లెటేస్ట్ కమ్యానికేషన్ టెక్నాలజీలు అయిన బ్లూటూత్, వై-పై లాంటి వాటిని సపోర్ట్ చేస్తాయి. శ్యామ్‌సంగ్ ఎగ్జిబిట్ ఇంటర్నెట్ డెటా ట్రాన్పర్ ఎల్‌జి ద్రిల్‌తో పోల్చితే చాలా స్పీడ్‌గా ఉంటుంది. ప్రస్తుతానికి ఈ రెండు మొబైల్స్‌ ధరలు మాత్రం బయటకు వెల్లిడంచ లేదు.