ఆకాష్ మొబైల్ విడుదల!

By Prashanth

Updated: Wednesday, January 23, 2013, 16:11 [IST]

దేశీయంగా కోన్కా (Konka) స్మార్ట్‌ఫోన్‌లను పంపిణి చేస్తున్న ప్రముఖ టెక్ బ్రాండ్ మాక్ మొబిలిటీ ‘ట్రయో’ బ్రాండ్ కింద మూడు సరికొత్త ఫీచర్ ఫోన్‌లను ఆవిష్కరించింది. అగ్ని, ఆకాష్, పృథ్వీ మోడళ్లలో ఈ హ్యాండ్‌సెట్‌లు లభ్యంకానున్నాయి. వీటి ధరలు రూ.1,199 నుంచి రూ.2,999 మధ్య ఉన్నాయి. 2.6 అంగుళాల డిస్‌ప్లే, 1400ఎమ్ఏహెచ్ బ్యాటరీ, జీపీఆర్ఎస్ కనెక్టువిటీ, స్టీరియో బ్లూటూత్ వంటి స్పెసిఫికేషన్‌లు ఈ మూడు ఫోన్‌లలో సమాన ప్రాతిపదికను కలిగి ఉంటాయి.

ఆకాష్ (టీ2424), అగ్ని(టీ2626) మోడళ్లు ఎంపీత్రీ ఇంకా ఎఫ్ఎమ్ స్టీరియోతో కూడిన కింగ్ మూవీ హైడెఫినిషన్ వీడియో ప్లేయర్ అప్లికేషన్‌ను కలిగి ఉంటాయి. అంతేకాకుండా ఈ రెండు హ్యాండ్‌సెట్‌లు1.3 మెగా పిక్సల్ కెమెరా ఫీచర్‌ను కలిగి 16జీబి మెమరీ కార్డ్‌ను సపోర్ట్ చేస్తాయి. మరో మోడల్ పృథ్వీ (టీ2020) వీజీఏ కెమెరాను కలిగి స్పెషల్ బాక్స్ స్పీకర్లతో ఉత్తమ క్వాలిటీ ఆడియోను ఉత్పత్తి చేస్తుంది.