స్మార్ట్‌ఫోన్‌కు భానిసయ్యారా..?

స్మార్ట్‌ఫోన్‌‌లకు భానిసలవుతున్న వారి సంఖ్య రోజురోజుకు పెరుగుతోంది. ఈ అలవాటను నిరోధించే క్రమంలో జర్మనీకి చెందిన సైకాలజిస్ట్ అలగ్జేండర్ స్టెయిన్‌హార్ట్ ఆఫ్‌టైమ్ పేరుతో ఓ అప్లికేషన్‌ను వృద్థి చేసారు. ఈ యాప్ రూపకల్పనకు హమ్‌బోల్డ్‌ట్ యూనివర్శిటీ ఆఫ్ బెర్లిన్, ప్రముఖ డిజైనర్ మైకెల్ డెట్ బార్న్‌లు స్టెయిన్‌హార్ట్‌కు తోడ్పాటునందించాయి.

ఈ యాప్‌ను వినియోగించటం ద్వారా మీ స్మార్ట్‌ఫోన్‌కు అందే ముఖ్యమైన అప్‌డేట్‌లను మిస్ కాకుండానే స్మార్ట్‌ఫోన్‌ వ్యసనాన్ని తగ్గించుకోవచ్చు. ఓ సర్వే ప్రకారం స్మార్ట్‌ఫోన్ యూజర్లు రోజుకు సగటున 63సార్లు తమ ఫోన్‌లను అన్‌లాక్ చేస్తున్నారట. ఆఫ్‌టైమ్ యాప్‌ను వినియోగించిన తరువాత ఈ సంఖ్య గణనీయంగా తగ్గిందని స్టెయిన్‌హార్ట్ ఒక ప్రకటనలో తెలిపారు. ఈ ఆఫ్‌టైమ్ యాప్ స్మార్ట్‌ఫోన్ వినియోగానికి సంబంధించి ప్రతిసారీ కాలపరిమితిని విధిస్తుంది. ఈ సమయంలోనే ముఖ్యమైన లావాదేవీలను నిర్వహించుకోవల్సి ఉంటుంది.

ప్రస్తుతం ఆఫ్‌టైమ్ యాప్ ఆండ్రాయిడ్ యూజర్లకు అందుబాటులో ఉంది. ఇన్స్‌స్టాల్ చేసుకునేందుకు క్లిక్ చేయండి.