రేపటి నుంచే ఈ 108MP కెమెరా ఫోన్‌ సేల్‌.. 6.78 అంగుళాల FHD+ డిస్‌ప్లే, 5010mAh బ్యాటరీ సహా..!

Alcatel V3 Series Sale : భారత్‌ మార్కెట్‌లోకి ప్రాన్స్‌కు చెందిన స్మార్ట్‌ఫోన్‌ల తయారీ సంస్థ అల్కాటెల్ నుంచి మూడు ఫోన్లు విడుదల అయ్యాయి. అల్కాటెల్ V3 సిరీస్‌ లో భాగంగా V3 క్లాసిక్‌, V3 ప్రో, V3 అల్ట్రా మోడల్స్‌ అందుబాటులోకి వచ్చాయి. ఈ సిరీస్‌ సేల్‌ రేపటి నుంచి ప్రారంభం కానుంది. ప్రముఖ ఇ-కామర్స్ సంస్థ ఫ్లిప్‌కార్ట్‌ ద్వారా కొనుగోలు చేయవచ్చు. ఈ అల్కాటెల్‌ స్మార్ట్‌ఫోన్‌ల స్పెసిఫికేషన్లు. ఫీచర్‌లు, ధర పూర్తి వివరాలు.

అల్కాటెల్‌ V3 సిరీస్‌ స్మార్ట్‌ఫోన్‌ ధర, ఆఫర్లు :
అల్కాటెల్‌ V3 క్లాసిక్‌ 5G స్మార్ట్‌ఫోన్‌ 4GB ర్యామ్ + 128GB స్టోరేజీ ధర రూ.12999, 6GB ర్యామ్ + 128GB స్టోరేజీ ధర రూ.14999 గా ఉంది. ఎంపిక చేసిన బ్యాంకు కార్డులతో రూ.1000 డిస్కౌంట్‌ను పొందవచ్చు. యాక్సెస్‌, ఐసీఐసీఐ, SBI, HDFC బ్యాంకు కార్డులపై ఈ ఆఫర్‌ ఉంది. ఈ ఫోన్‌ కాస్మిక్‌ గ్రే, హాలో వైట్‌ కలర్‌ వేరియంట్స్‌లో లభిస్తుంది.

అల్కాటెల్‌ V3 ప్రో 5G స్మార్ట్‌ఫోన్‌ 8GB ర్యామ్ + 256GB స్టోరేజీ ధర రూ.17999 గా ఉంది. ఎంపిక చేసిన బ్యాంకు కార్డులతో రూ.2000 డిస్కౌంట్‌ను పొందవచ్చు. అదే అల్ట్రా వేరియంట్‌ 6GB ర్యామ్‌ + 128GB స్టోరేజీ ధర రూ.19999, 8GB ర్యామ్‌ + 128GB స్టోరేజీ ధర రూ.21999 గా ఉంది. యాక్సెస్‌, ఐసీఐసీఐ, SBI, HDFC బ్యాంకు కార్డులతో రూ.2000 డిస్కౌంట్‌ను పొందవచ్చు.

అల్కాటెల్‌ V3 అల్ట్రా 5G స్మార్ట్‌ఫోన్ :
అల్కాటెల్‌ V3 అల్ట్రా 5G స్మార్ట్‌ఫోన్ ఆక్టా కోర్‌ మీడియాటెక్‌ డైమెన్సిటీ 6300 చిప్‌సెట్‌, ఆండ్రాయిడ్ 15 OS పైన పనిచేస్తుంది. 120Hz రీఫ్రెష్‌ రేట్‌ 6.78 అంగుళాల ఫుల్‌ HD+ NXTPAPER 2.5D డిస్‌ప్లేతో లాంచ్ అయింది. 33W వైర్‌ ఫాస్ట్‌ ఛార్జింగ్‌తో 5010mAh బ్యాటరీతో పనిచేస్తుంది.

కెమెరా విభాగం పరంగా ఈ ఫోన్‌ వెనుక వైపు ట్రిపుల్‌ కెమెరాలను కలిగి ఉంది. ఇందులో 108MP ప్రైమరీ కెమెరా, 5MP అల్ట్రావైడ్, 2MP మ్యాక్రో కెమెరాలను కలిగి ఉంది. సెల్ఫీ, వీడియో కాల్స్ కోసం 32MP కెమెరాతో అందుబాటులోకి వచ్చింది. మెరుగైన ఆడియో కోసం DTS X ఆధారిత డ్యూయల్‌ స్పీకర్‌లను కలిగి ఉంది.

అల్కాటెల్‌ V3 ప్రో 5G :
అల్కాటెల్‌ V3 ప్రో 5G 120Hz రీఫ్రెష్‌ రేట్‌తో 6.67 అంగుళాల HD+ NXTPAPER 2.5D డిస్‌ప్లేను కలిగి ఉంది. ఆక్టా కోర్‌ మీడియాటెక్‌ డైమెన్సిటీ 6300 చిప్‌సెట్‌, ఆండ్రాయిడ్ 15 OS పైన పనిచేస్తుంది. మరియు 50MP ప్రైమరీ కెమెరా, 5MP అల్ట్రావైడ్‌ లెన్స్‌ను కలిగి ఉంది. 8MP సెల్ఫీ కెమెరాను అమర్చారు. ఈ ఫోన్‌ 18W ఛార్జింగ్ సపోర్టుతో 5010mAh బ్యాటరీని కలిగి ఉంది.

అల్కాటెల్‌ V3 క్లాసిక్‌ 5G స్మార్ట్‌ఫోన్‌ :
అల్కాటెల్‌ V3 క్లాసిక్‌ 5G స్మార్ట్‌ఫోన్‌ ఆక్టా కోర్‌ మీడియాటెక్‌ డైమెన్సిటీ 6300 చిప్‌సెట్‌, ఆండ్రాయిడ్ 15 OS అవుట్‌ ఆఫ్‌ ది బాక్స్‌ పైన పనిచేస్తుంది. మరియు 120Hz రీఫ్రెష్‌ రేట్‌తో 6.67 అంగుళాల HD+ LCD 2.5D డిస్‌ప్లేను కలిగి ఉంది.

ఈ క్లాసిక్‌ మోడల్‌ 10W ఛార్జింగ్‌ సపోర్టుతో 5200mAh బ్యాటరీని కలిగి ఉంది. కెమెరా విభాగం పరంగా 50MP ప్రైమరీ కెమెరా, 0.08MP QVGA కెమెరాను కలిగి ఉంది. సెల్ఫీ, వీడియో కాల్స్‌ కోసం ముందు వైపు 8MP కెమెరాను అమర్చారు.