సరికొత్తగా ఐఫోన్ 8 ఈవెంట్, ఆహ్వానిస్తున్న ఆపిల్

మొత్తానికి ఆపిల్ త్వరలో జరగనున్న ఐఫోన్ 10వ వార్షికోత్సవ మెగా ఈవెంట్‌పై స్పందించింది.

By Hazarath

Published: Friday, September 1, 2017, 11:19 [IST]

మొత్తానికి ఆపిల్ త్వరలో జరగనున్న ఐఫోన్ 10వ వార్షికోత్సవ మెగా ఈవెంట్‌పై స్పందించింది. మార్కెట్‌లో ఎన్ని వార్తలు చక్కర్లు కొడుతున్నా.. ఏం మాట్లాడకుండా నిశబ్దంగా ఉన్న ఆపిల్‌ సెప్టెంబర్‌ 12న జరుగబోతున్న ఈ మెగా ఈవెంట్‌ను గురువారం ధృవీకరించేసింది.

ఈ లాంచ్‌ ఈవెంట్‌కు సంబంధించి, ఆహ్వానాలు కూడా పంపుతోంది. కాలిఫోర్నియా, కూపర్టినోలోని తమ కొత్త క్యాంపస్‌లో స్టీవ్‌ జాబ్స్‌ థియేటర్‌లో ఈవెంట్‌ను నిర్వహించబోతున్నట్టు ఆపిల్‌ తన ఆహ్వాన పత్రికల్లో పేర్కొంది. సగం కొరికిన ఆపిల్‌ కలర్‌ఫుల్‌ లోగోతో పాటు మెసేజ్‌ను కంపెనీ అందిస్తోంది.

చాలా ఢిపరెంట్ గా

ఈ ఆహ్వాన పత్రిక చాలా ఢిపరెంట్ గా కూడా ఉంది. మన ప్రదేశంలో కలుసుకుందాం.. స్టీవ్‌ జాబ్స్‌లో థియేటర్‌లో నిర్వహించబోతున్న తొలి ఈవెంట్‌కు అందరూ రావాలి'' అంటూ ఆహ్వానిస్తోంది.

ఐఫోన్‌ ప్రత్యేక వార్షికోత్సవ ఎడిషన్‌

ఈ లాంచ్‌ ఈవెంట్‌లోనే, ఐఫోన్‌ ప్రత్యేక వార్షికోత్సవ ఎడిషన్‌ ఐఫోన్‌ 8ను లాంచ్‌ చేయబోతున్నారని తెలుస్తోంది.

ఐఫోన్‌ 7, ఐఫోన్‌ 7 ప్లస్‌

ఐఫోన్‌ 8తో పాటు, ఐఫోన్‌ 7, ఐఫోన్‌ 7 ప్లస్‌ అప్‌డేటెడ్‌ స్మార్ట్‌ఫోన్లు ఐఫోన్‌ 7ఎస్‌, ఐఫోన్‌ 7ఎస్‌ ప్లస్‌లు లాంచ్‌ చేస్తున్నారని టెక్‌ వర్గాలు చెబుతున్నాయి. ఇదే సమయంలో ఆపిల్‌ కొత్త వాచ్‌ను కూడా ప్రవేశపెట్టబోతున్నారు.

డిస్‌ప్లే

5.8 అంగుళాల డిస్‌ప్లే, ఓలెడ్‌ స్క్రీన్‌తో ఇది మార్కెట్‌లోకి వస్తుంది. ఈ ఐఫోన్‌లో అతిపెద్ద మార్పు ఇదే. హైఎండ్‌ ఆండ్రాయిడ్‌ ఫోన్లకు ఉన్న మాదిరిగా అత్యంత పలుచనైన బెజెల్స్‌.