ఆపిల్ నుంచి ఒకేసారి మూడు ఐఫోన్లు, భారీ డిస్‌ప్లే, బడ్జెట్ ధర..

 

బడ్జెట్‌ ధరలో ఐఫోన్‌ ఎక్స్‌ను..

బడ్జెట్‌ ధరలో ఐఫోన్‌ ఎక్స్‌ను ఆపిల్ కంపెనీ ప్రవేశపెట్టనున్నట్లు తెలుస్తోంది. గతేడాది మార్కెట్లో కనువిందు చేసిన ఐఫోన్ ఎక్స్‌ను ఈ సారి 6.1 అంగుళాల ఎల్‌సీడీ డిస్‌ప్లే తో మార్కెట్లోకి తీసుకురానుందని మింగ్‌-చి కుయో చెబుతున్నారు.

రూ. 40 వేల నుంచి రూ. 50 వేల మధ్యలో..

మాక్ రూమర్స్ ప్రకారం 6.1 అంగుళాల ఎల్‌సీడీ డిస్‌ప్లే కలిగిన iPhone X ధర యుఎస్ మార్కెట్లో 700 నుంచి 800 డాలర్ల మధ్యలో ఉండవచ్చని అంచనాలు వెలువడుతున్నాయి. మన కరెన్సీలో ఇది రూ. 40 వేల నుంచి రూ. 50 వేల మధ్యలో ఉండే అవకాశం ఉంది.

ఎల్‌సీడీ ప్యానల్స్‌

కాగా ఇంతకు ముందు ఫోన్లలా ఇది OLED displayతో వచ్చే అవకాశం లేదని తెలుస్తోంది. ఈ వెర్షన్‌ కోసం జపాన్‌ డిస్‌ప్లే 70 శాతం ఎల్‌సీడీ ప్యానల్స్‌ను సరఫరా చేస్తుందని కేజీఐ సెక్యురిటీస్‌ విశ్లేషకుడు మింగ్‌-చి కుయో చెబుతున్నారు.

 

పెద్ద బ్యాటరీ..

ఆల్ట్రా స్లిమ్‌ బెజెల్స్‌లో రూపొందుతున్న ఈ ఫోన్‌కు, ఫేస్‌ ఐడీ, యానిమోజీస్‌ ఉంటాయని తాజా రిపోర్టు పేర్కొంది. 2017 ఐఫోన్‌ ఎక్స్‌ కంటే కూడా పెద్ద బ్యాటరీని ఇది కలిగి ఉంటుందట. అల్యూమినియం ఫ్రేమ్‌, నో 3డీ టచ్‌, సింగిల్‌ రియర్‌ కెమెరా దీనిలో మిగతా ఫీచర్లు.

అచ్చం ఐఫోన్‌ ఎస్‌ఈ2 మాదిరిగా..

మరికొన్ని అంచనాల ప్రకారం ఈ ఐఫోన్‌ ఎక్స్‌, అచ్చం ఐఫోన్‌ ఎస్‌ఈ2 మాదిరిగా ఉండనున్నట్టు తెలుస్తోంది. అదేవిధంగా వైర్‌లెస్‌ ఛార్జింగ్‌ సపోర్టుతో ఐఫోన్ ఎస్‌ఈ 2 కూడా మార్కెట్‌లోకి వస్తున్నట్టు డిజిటైమ్స్‌ రిపోర్టు సంకేతాలిచ్చింది.

మిగతా రెండు ఐఫోన్లు..

2018లో రాబోతున్న మిగతా రెండు ఐఫోన్లు ఐఫోన్‌ ఎక్స్‌(2018), ఐఫోన్‌ ఎక్స్‌ ప్లస్‌లు 6.5 అంగుళాల, 5.8 అంగుళాల డిస్‌ప్లేలను కలిగి ఉన్నట్టు కూడా కుయో రిపోర్టు చేశారు. ఐఫోన్‌ ఎక్స్‌ ప్లస్‌కు 4జీబీ ర్యామ్‌, అతిపెద్ద 3300-3400 ఎంఏహెచ్‌ బ్యాటరీ ఉండనున్నాయి.