మీ స్మార్ట్‌ఫోన్‌ సేప్టీ కోసం తీసుకోవాల్సిన జాగ్రత్తలు..

By Hazarath

| Published: Tuesday, February 23, 2016, 11:26 [IST]

ఈ రోజుల్లో స్మార్ట్‌ఫోన్ లేనివారు ఎవరూ ఉండరంటే అతిశయోక్తి కాదు. కనీసం వారి వారి బడ్జెట్ స్థాయిలో ఓ మంచి స్మార్ట్‌ఫోన్ ఉండి తీరాల్సిందే. రోజువారీ దినచర్యలో అది అంతలా పెనవేసుకుని పోయింది. పొద్దున ఫేస్ కడుక్కోకుండానే ఫేస్‌బుక్ అలాగే వాటర్ తాగకుండా వాట్సప్..టీ తాగకుండా ట్విట్టర్..ఇలా మన బతుకంతా స్మార్ట్‌ఫోన్ల మీదనే ఆధారపడిందనేది కాదనలేని వాస్తవం. అయితే ఫోన్ వాడేటప్పుడు మీరు ఇవి చేస్తున్నారా ఓ సారి చూడండి.

Read more : తక్కువ బడ్జెట్‌లో టాప్ లేపుతున్న 4జీ స్మార్ట్‌ఫోన్లు

మొదటిది

పాస్‌వర్డ్ అనేది చాలా ముఖ్యమైనది.. మీరు మీ ఫోన్లోని అన్ని యాప్‌లకు పాస్‌వర్డ్ ఇస్తున్నారా ఓ సారి చెక్ చేసుకోండి.

వైఫై కనెక్టింగ్

మీరు ఎక్కబ బడితే అక్కడ వైఫై కనెక్ట్ అవుతున్నారా..అయితే చాలా ప్రమాదం. మీ ఫోన్ హ్యాక్ అయ్యే ప్రమాదం కూడా ఉంది.

ఫోన్ క్లీనింగ్

మీరు మీ ఫోన్ రోజూ క్లీన్ చేస్తున్నారా కనీసం వారానికోసారైనా క్లీన్ చేస్తున్నారా చెక్ చేసుకోండి.అలా చేయకుంటే బ్యాక్టీరియా చేరే ప్రమాదం ఉంది. ఎప్పటికప్పుడు టిష్యూ పేపర్ తో క్లీన్ చేసుకోవడం మర్చిపోకండి.

ఫోన్ ఛార్జింగ్

మీరు మీ ఫోన్ చార్జింగ్ కరెక్ట్ గా పెడుతున్నారా ఓ సారి చెక్ చేసుకోండి. మీరు రాత్రంతా మీ ఫోన్ చార్జింగ్ పెట్టడం వల్ల బ్యాటరీ తొందరగా పాడయ్యే ప్రమాదం ఉంది. కాబట్టి ఛార్జ్ పుల్ కాగానే తీసేయండి.

యాంటి వైరస్

మీ స్మార్ట్ ఫోన్ అనేది చిన్న కంప్యూటర్ లాంటిది. కంప్యూటర్ కు యాంటి వైరస్ ఉన్నట్లుగానే మీ ఫోన్ కు యాంటీ వైరస్ ను వాడండి. మీరు ఇన్ స్టాల్ చేసే యాప్స్ నుంచి వైరస్ రాకుండా కాపాడుతుంది.