ఫెస్టివ్ సేల్‌లో 5G ఫోన్ల ధరలు తగ్గుతాయా? PLI ఎఫెక్ట్, బెస్ట్ డీల్స్ కోసం ఈ టిప్స్ ఫాలో అవ్వండి!

ఫిలిప్‌కార్ట్, అమెజాన్లు ఫెస్టివ్ సేల్ తేదీలు ప్రకటించిన సమయంలోనే ప్రభుత్వ ఇన్సెంటివ్స్ (PLI) డేటా బయటకొచ్చింది. ప్రొడక్షన్ లింక్డ్ ఇన్సెంటివ్ (PLI) చెల్లింపులు వేగవంతం కావడంతో, స్మార్ట్‌ఫోన్ బ్రాండ్లు కూడా సరికొత్త ప్రైస్ కార్డులతో సిద్ధమవుతున్నాయి. అయితే పండగ సేల్‌లో ₹10 వేల లోపు, అలాగే ₹10 వేల నుంచి ₹15 వేల బడ్జెట్‌లోని 5G ఫోన్ల ధరలు మరింత తగ్గుతాయా లేదా అనేదే ఇప్పుడు పెద్ద ప్రశ్న. అమెజాన్ సేల్ అక్టోబర్ 8న ప్రారంభమవుతుండగా, అదే రోజున ఫిలిప్‌కార్ట్ ఎర్లీ యాక్సెస్ కూడా మొదలవుతోంది. ఆ తర్వాత మెయిన్ సేల్ షురూ కానుంది. కాబట్టి సరిగ్గా ప్లాన్ చేసుకుని కొనుగోలు చేయడం చాలా కీలకం.

జూన్ నాటికి అందుబాటులో ఉన్న లేటెస్ట్ నివేదికల ప్రకారం.. పిఎల్ఐ పథకం కింద ప్రభుత్వం ₹36,754 కోట్లు మంజూరు చేసింది. అందులో ఒక్క లార్జ్-స్కేల్ ఎలక్ట్రానిక్స్ రంగానికే దాదాపు ₹19,091 కోట్లు లభించాయి. ఈ నిధులు లోకల్ తయారీదారులకు నేరుగా ఫోన్ల MRPలను తగ్గించకుండా, ఆఫర్లు ఇచ్చేందుకు దోహదపడతాయి. అయితే ఈ ఏడాది మెమరీ కాంపోనెంట్స్ ధరలు భారీగా పెరగడం, మొబైల్స్‌పై 18 శాతం జీఎస్టీ ఉండటంతో నేరుగా అసలు ధరలు (స్టిక్కర్ ప్రైస్) తగ్గే అవకాశం తక్కువగా ఉంది. అందుకే ఫోన్ల ఎంఆర్‌పీ తగ్గడం కంటే.. కార్డ్ డిస్కౌంట్లు, ఎక్స్ఛేంజ్ బోనస్‌లు వంటి వివిధ ఆఫర్ల ద్వారానే కస్టమర్లకు ఎక్కువ లబ్ధి చేకూరే అవకాశం ఉంది.

పిఎల్ఐ లబ్ధి - ₹10 వేల లోపు, ₹10k–₹15k 5G ఫోన్ల ధరలు ఎలా ఉండబోతున్నాయి?

ఎంట్రీ లెవెల్ 5G మోడళ్ల ఎంఆర్‌పీల్లో పెద్దగా మార్పులు ఉండకపోవచ్చు. కానీ బ్యాంక్ డిస్కౌంట్లు, అదనపు ఎక్స్ఛేంజ్ బోనస్, కూపన్లతో ఇవి తక్కువ ధరకే లభించే ఛాన్స్ ఉంది. కొన్ని బ్రాండ్లు అదే ధరకు ఎక్కువ ర్యామ్ (RAM) లేదా స్టోరేజ్ వేరియంట్లను అందించే అవకాశం కూడా ఉంది. అక్టోబర్ 8న ఎర్లీ యాక్సెస్ ప్రారంభమైన వెంటనే ప్రధాన బ్రాండ్ల ప్రైస్ కార్డ్స్ బయటకు వస్తాయి. దానికి పోటీగా ఇతర బ్రాండ్లు కూడా గంటల వ్యవధిలోనే ఆఫర్లను మారుస్తాయి. మొదటిసారి 5G ఫోన్ కొనాలనుకునే వారికి ఈ బడ్జెట్ విభాగంలోనే అత్యంత ఆకర్షణీయమైన డీల్స్ దక్కే అవకాశం ఉంది.

₹15k–₹20k 5G ఫోన్లు: ఆఫర్లు ఎక్కడ లభిస్తాయి?

ఈ ప్రైస్ రేంజ్‌లో సేల్ మొదటి రోజే అదిరిపోయే ఆఫర్లు అందుబాటులోకి వస్తాయి. కార్ట్ కూపన్లు, ఎక్స్ఛేంజ్ బూస్టర్లు, యాక్సెసరీస్ బండిల్స్ లభిస్తాయి. నేరుగా బంపర్ డిస్కౌంట్లు ఇవ్వకుండా, ₹1,000 వర్త్ కూపన్లు, బ్యాంక్ ఆఫర్లతో పాటు ఎక్స్ఛేంజ్ తగ్గింపులను కలిపి అందిస్తాయి. కెమెరా ప్రియులు పెద్ద సెన్సార్లు, ఆప్టికల్ ఇమేజ్ స్టెబిలైజేషన్ (OIS) ఉన్న ఫోన్లపై దృష్టి పెట్టాలి. గేమింగ్ లవర్లు ఫోన్ వేడెక్కకుండా స్థిరమైన పర్ఫార్మెన్స్ ఇచ్చే మోడళ్లను ఎంచుకోవాలి. బ్యాటరీకి ప్రాధాన్యత ఇచ్చేవారు కనీసం 6-7 గంటల స్క్రీన్-ఆన్ టైమ్, నమ్మకమైన 67W ఫాస్ట్ ఛార్జింగ్‌కు మొగ్గు చూపడం మంచిది.

మంచి 5G ఫోన్ కొనే ముందు క్విక్ చెక్‌లిస్ట్

మీ పాత ఫోన్‌కు మంచి ఎక్స్ఛేంజ్ వ్యాల్యూ వస్తున్నా, లేదా బ్యాంక్ ముందస్తు ఆఫర్లు బాగున్నా వెంటనే కొనుగోలు చేయవచ్చు. లేదంటే, అన్ని రకాల ఆఫర్లు కలిపి వచ్చే అక్టోబర్ 8-9 తేదీల వరకు వేచి చూడటం మంచిది. ₹15 వేల లోపు ఫోన్లపై అత్యంత భారీ తగ్గింపులు లభిస్తుండగా, ₹15k–₹20k విభాగంలో అదనపు ప్రయోజనాలతో కూడిన బండిల్ ఆఫర్లు కనిపిస్తాయి. పిఎల్ఐ పథకం తెచ్చిన తయారీ తోడ్పాటుతో బ్రాండ్లు ఇచ్చే ఆఫర్లను వాడుకోండి.. అలాగే ఈ చెక్‌లిస్ట్ సహాయంతో మీ అవసరానికి సరిపోయే బెస్ట్ 5G ఫోన్‌ను ఎంచుకోండి.