రూ.15,000 లోపు బడ్జెట్ 5G ఫోన్ల కోసం జనం ఎగబడుతున్నారు.. సేల్స్‌లో రికార్డు సృష్టిస్తున్న టాప్ మొబైళ్లు ఇవే!

అక్టోబర్ 22, 23 తేదీల్లో అమెజాన్, ఫ్లిప్‌కార్ట్ పండుగ సేల్స్ ఒక్కసారిగా పీక్స్‌కు చేరాయి. ట్రెండింగ్ చార్ట్‌లు గంటగంటకూ మారిపోతూ తీవ్ర ఉత్కంఠను రేపాయి. రెండు ప్లాట్‌ఫామ్‌లలోనూ రూ.15,000 లోపు లభించే బడ్జెట్ 5G ఫోన్లపై కొనుగోలుదారులు విపరీతంగా ఆసక్తి చూపారు. అక్టోబర్ 21న అమెజాన్ తన ‘రీలోడెడ్’ సేల్‌తో ఆఫర్లను, స్టాక్‌ను రీఫ్రెష్ చేయగా.. ఫ్లిప్‌కార్ట్‌లో రికార్డు స్థాయిలో కస్టమర్లు ఒకేసారి లాగిన్ అవ్వడంతో డిమాండ్ తీవ్రంగా పెరిగింది. ఇక స్టాక్ ఖాళీ అవ్వడం, ఫాస్ట్ డెలివరీ ఆప్షన్లే కస్టమర్ల కొనుగోలు నిర్ణయాలను ప్రధానంగా ప్రభావితం చేశాయి.

తాజా లైవ్ ట్రెండ్స్ చూస్తే పరిస్థితి చాలా స్పష్టంగా అర్థమవుతోంది. అమెజాన్ ‘ఎలక్ట్రానిక్స్ బెస్ట్ సెలర్స్’ లిస్ట్‌లో iQOO Z10x 5G టాప్-3లో చోటు దక్కించుకోగా, శామ్‌సంగ్ గెలాక్సీ M05 టాప్-5లో నిలిచింది. ఇక ఫ్లిప్‌కార్ట్‌లో రూ.15,000 లోపు కేటగిరీలో రెడ్‌మి 13C 5G, శామ్‌సంగ్ గెలాక్సీ F15 5G ఫోన్‌లకు మంచి ఆదరణ లభించింది. కేవలం కెమెరాపైనే దృష్టిపెట్టే మిడ్-రేంజ్ ఫోన్ల కంటే బడ్జెట్ 5G మోడళ్లకే కస్టమర్లు ఎక్కువ జైకొడుతున్నారని ఈ ట్రెండ్ స్పష్టం చేస్తోంది.

రూ.15,000 లోపు హాట్ కేకుల్లా అమ్ముడవుతున్న టాప్ ఫోన్లు ఇవే!

ఈ మధ్యాహ్నం సేల్ ట్రెండ్స్ పరిశీలిస్తే.. రూ.15,000 బడ్జెట్‌లో 5 మోడళ్లు దుమ్మురేపుతున్నాయి. iQOO Z10x 5G, శామ్‌సంగ్ గెలాక్సీ M05, రెడ్‌మి 13C 5G, శామ్‌సంగ్ గెలాక్సీ F15 5Gలతో పాటు పోకో బడ్జెట్ 5G వేరియంట్లు విపరీతంగా అమ్ముడవుతున్నాయి. ముఖ్యంగా 6GB/128GB, 8GB/128GB వేరియంట్లకు విపరీతమైన డిమాండ్ కనిపిస్తోంది. ధరలు సమానంగా ఉన్నప్పుడు మెట్రో నగరాల్లో ఫాస్ట్ డెలివరీ ఆప్షన్ ఉన్న ఫోన్లకే కస్టమర్లు ఓటేశారు. అలాగే స్టాక్ అయిపోవడంతో ర్యాంకింగ్‌లు కూడా నిమిషాల్లో మారిపోయాయి.

అమెజాన్, ఫ్లిప్‌కార్ట్‌లో బడ్జెట్ 5G విన్నర్స్ వీరే..

అనవసరమైన హంగుల కంటే మంచి ప్రాసెసర్, పెద్ద బ్యాటరీ, ఎక్కువ స్టోరేజ్ ఉన్న ఫోన్లకే కొనుగోలుదారులు ప్రాధాన్యమిచ్చారు. అందుకే అమెజాన్‌లో iQOO Z10x 5G టాప్ చార్ట్స్‌లో నిలవగా.. ఫ్లిప్‌కార్ట్‌లో రెడ్‌మి 13C 5G, గెలాక్సీ F15 5G దూసుకెళ్తున్నాయి. స్టూడెంట్స్ ఎక్కువగా గేమింగ్ కోసం 8GB RAM వేరియంట్లను ఇష్టపడగా, వేగవంతమైన షిప్పింగ్, నచ్చిన కలర్ అందుబాటులో ఉండటమే సేల్స్‌ను డిసైడ్ చేశాయి.

రాబోయే 48 నుంచి 72 గంటల్లో ఈ పండుగ సేల్స్ మరింత ఊపందుకునే అవకాశం ఉంది. అమెజాన్ ‘రీలోడెడ్’ సేల్ ద్వారా కొత్త స్టాక్, మైండ్ బ్లోయింగ్ బ్యాంక్ ఆఫర్లను తిరిగి తీసుకురానుంది. ఫ్లిప్‌కార్ట్ బిగ్ బిలియన్ డేస్ ద్వారా పాపులర్ 5G ఫోన్లపై ఫ్లాష్ డీల్స్, కొత్త కలర్ ఆప్షన్లను అందుబాటులోకి తేనుంది. అయితే కొనేముందు వివిధ వేరియంట్ల ధరల వ్యత్యాసాలు, మీ సిటీకి డెలివరీ అయ్యే సమయాన్ని ఒకటికి రెండుసార్లు చెక్ చేసుకోవడం మంచిది.