స్వాతంత్ర్య దినోత్సవ సేల్స్: అమెజాన్, ఫ్లిప్‌కార్ట్‌లో టాప్ బ్రాండ్స్ ఇవే.. కస్టమర్లు దేనికే ఫిదా?

భారత స్వాతంత్ర్య దినోత్సవ సేల్స్ సందర్భంగా ప్రముఖ ఈ-కామర్స్ ప్లాట్‌ఫామ్‌లలో స్మార్ట్‌ఫోన్ల విక్రయాలు జోరుగా సాగుతున్నాయి. అమెజాన్, ఫ్లిప్‌కార్ట్‌లలో బెస్ట్ సెలర్ ర్యాంకింగ్స్‌ను పరిశీలిస్తే.. బ్రాండ్ల ఆధిపత్యంలో భారీ మార్పులు కనిపిస్తున్నాయి. సేల్స్ పీక్ టైమ్‌లో గంటగంటకూ మారిన ట్రెండ్స్ చూస్తుంటే.. ఈ ఫెస్టివ్ సీజన్‌లో కస్టమర్ల నుంచి ఎంత భారీగా డిమాండ్ ఉందో అర్థమవుతోంది. ముఖ్యంగా లేటెస్ట్ ఫీచర్లతో వస్తున్న బడ్జెట్, మిడ్-రేంజ్ 5G ఫోన్లనే కొనుగోలుదారులు ఎక్కువగా ఇష్టపడుతున్నట్లు ఈ డేటా ద్వారా స్పష్టమవుతోంది.

రెండు ప్లాట్‌ఫామ్‌లలో నమోదైన విక్రయాల ఆధారంగా సౌత్ కొరియన్ టెక్ దిగ్గజం శామ్‌సంగ్ ఓవరాల్ లీడర్‌బోర్డ్‌లో అగ్రస్థానంలో నిలిచింది. మొత్తం స్మార్ట్‌ఫోన్ సేల్స్‌లో శామ్‌సంగ్ ఏకంగా 32 శాతం వాటాను సొంతం చేసుకుంది. ఇక టైర్-2, టైర్-3 నగరాల కొనుగోలు ట్రెండ్స్‌లో ఆధిపత్యం చెలాయించిన వివో రెండో స్థానాన్ని దక్కించుకుంది. ఎంట్రీ-లెవల్ మోడళ్లపై ఆకర్షణీయమైన ఆఫర్లు ప్రకటించిన రెడ్‌మీ మూడో స్థానంలో నిలిచింది. మరోవైపు క్లీన్ సాఫ్ట్‌వేర్ అనుభవాన్ని కోరుకునే వారి నుంచి మంచి డిమాండ్ లభించడంతో మోటోరోలా, ఐకూ ఫోన్లు లీడర్‌బోర్డ్‌లో ఊహించని విధంగా పైకి దూసుకొచ్చాయి.

వివిధ ధరల శ్రేణిలో అమెజాన్, ఫ్లిప్‌కార్ట్ స్మార్ట్‌ఫోన్ బ్రాండ్ లీడర్‌బోర్డ్

రూ. 13 వేల లోపు లభించే బడ్జెట్ కేటగిరీలో రెడ్‌మీ భారీ స్థాయిలో విక్రయాలను సాధించి ముందంజలో నిలిచింది. ఇక రూ. 13 వేల నుంచి రూ. 25 వేల మధ్య ఉండే మిడ్-రేంజ్ విభాగాన్ని శామ్‌సంగ్ కైవసం చేసుకుంది. రూ. 40 వేల వరకు ఉండే అప్పర్ మిడ్-రేంజ్ విభాగంలో పవర్‌ఫుల్ పర్ఫార్మెన్స్ ఇచ్చే ఐకూ ఫోన్లకు మంచి ఆదరణ లభించగా, రూ. 40 వేలకు పైబడిన ప్రీమియం కేటగిరీలో ఆపిల్ ఐఫోన్ల అమ్మకాలు ఒక్కసారిగా ఊపందుకున్నాయి.

ఈ రెండు ఈ-కామర్స్ ప్లాట్‌ఫామ్‌లలోనూ కస్టమర్ల కొనుగోలు నిర్ణయాలను ఇన్‌స్టంట్ బ్యాంక్ డిస్కౌంట్లు బాగా ప్రభావితం చేశాయి. నిర్దిష్ట క్రెడిట్ కార్డ్‌లు, ప్రమోషనల్ క్యాష్‌బ్యాక్ ఆఫర్ల ద్వారా కొనుగోలుదారులు 10 శాతం వరకు ఆదా చేసుకోలిగారు. ఫోన్ల ఎక్స్చేంజ్ వ్యాల్యూతో పాటు నో-కాస్ట్ ఈఎమ్‌ఐ (NCEMI) ఆప్షన్‌లను జోడించి నికర ధరను తగ్గించుకున్నారు. దీనికి తోడు ఈ హోరాహోరీ పోటీలో ఆర్టిఫిషియల్ ఇంటెలిజెన్స్ (AI) ఫీచర్లు ఉన్న మిడ్-రేంజ్ స్మార్ట్‌ఫోన్లను కొనుగోలు చేసేందుకు కూడా కస్టమర్లు ఎక్కువ ఆసక్తి చూపించారు.

భారత్‌లో వాల్యూ-ఫర్-మనీ 5G స్మార్ట్‌ఫోన్లకు అప్‌గ్రేడ్ అయ్యేందుకు వినియోగదారులు ఎంత ఆసక్తి చూపుతున్నారో ఈ పండుగ సేల్ ట్రెండ్స్ స్పష్టం చేస్తున్నాయి. అయితే ఆన్‌లైన్ చెకౌట్ ప్రక్రియ పూర్తిచేసే ముందు కార్ట్‌లోని ఫైనల్ ప్రైస్‌ను ఒకటికి రెండుసార్లు సరిచూసుకోవడం మంచిది. బ్యాంక్ డిస్కౌంట్లు, ఎక్స్ఛేంజ్ బోనస్‌లను సరిగ్గా లెక్క వేసుకుంటే సేల్స్ సమయంలో బెస్ట్ డీల్ సొంతం చేసుకోవచ్చు. దీనివల్ల నమ్మకమైన బ్రాండెడ్ డివైజ్‌లను మార్కెట్లో అత్యంత పోటీ ధరలకు పొందేందుకు వీలవుతుంది.