రూ.15 వేల లోపు బెస్ట్ ఫోన్ల కోసం ఎగబడుతున్న జనం.. సేల్స్‌లో టాప్ లేపుతున్న మొబైల్స్ ఇవే!

భారత్‌లో పండుగ సీజన్ స్మార్ట్‌ఫోన్ సేల్స్ హడావుడి ఈరోజు (అక్టోబర్ 9న) పీక్స్‌కు చేరింది. అక్టోబర్ 8 అర్ధరాత్రి నుంచే అమెజాన్ 'గ్రేట్ ఇండియన్ ఫెస్టివల్' అందరికీ అందుబాటులోకి రాగా, భారీ ఆఫర్లతో మొబైల్ డీల్స్ దుమ్మురేపుతున్నాయి. ఇక ఫ్లిప్‌కార్ట్ 'బిగ్ బిలియన్ డేస్' కూడా ఈరోజు పూర్తిస్థాయిలో ఊపందుకోవడంతో రూ.15,000 లోపు కేటగిరీలో పోటీ తీవ్రమైంది. బడ్జెట్ ధరకు ఫోన్ కొనాలనుకునేవారు ఆఫర్లు, బ్యాంక్ కార్డు డిస్కౌంట్లతో తక్కువ ధరలకే కొనేందుకు ఎగబడుతున్నారు. దీంతో రియల్ టైమ్ సేల్స్ ర్యాంకింగ్స్ క్షణక్షణం మారిపోతున్నాయి.

మధ్యాహ్నం 2 గంటల సమయానికి నిర్వహించిన లైవ్ ట్రాకింగ్‌లో.. అమెజాన్ ఎలక్ట్రానిక్స్ బెస్ట్‌సెల్లర్స్ జాబితాలోకి రెడ్‌మి A4 5G దూసుకొచ్చింది. బడ్జెట్ బయ్యర్లు దీన్ని విపరీతంగా కొనుగోలు చేస్తున్నట్లు ఇది స్పష్టం చేస్తోంది. మరోవైపు, ఫ్లిప్‌కార్ట్‌లో రూ.15,000 లోపు కేటగిరీలో శామ్‌సంగ్ గెలాక్సీ F06 5G కింద "ఓన్లీ ఫ్యూ లెఫ్ట్" (కొద్ది మాత్రమే మిగిలాయి) అని చూపిస్తోంది. అంటే దీనికి స్టాక్ తీవ్ర కొరత ఉందని అర్థమవుతోంది. ఇక నేటి ప్రైస్ ట్రాకర్ల ప్రకారం.. మోటో G34 5G బేస్ వేరియంట్ ధర రూ.11,999గా, రియల్‌మి P1 5G ధర దాదాపు రూ.13,999గా ఉంది.

రూ.15,000 లోపు బెస్ట్ స్మార్ట్‌ఫోన్ సేల్స్ లీడర్‌బోర్డ్

నిన్న సేల్ ప్రారంభమైనప్పటి నుంచి బ్రాండ్ ట్రెండ్స్ వేగంగా మారుతున్నాయి. ఫ్లిప్‌కార్ట్ బడ్జెట్ సెగ్మెంట్‌లో శామ్‌సంగ్, స్వదేశీ బ్రాండ్ లావా ముందంజలో ఉండగా.. ప్రైస్ ట్రాకర్లు పొకో, రియల్‌మి, మోటోరోలా ఫోన్లను నేటి టాప్ రూ.15,000 లోపు పిక్స్‌గా పేర్కొంటున్నాయి. 2026లో ఈ బడ్జెట్ కేటగిరీలో విపరీతమైన పోటీ ఉండే అవకాశం ఉందని, అందుకే బ్యాంక్ కార్డ్ డిస్కౌంట్లతో కంపెనీలు భారీ ఆఫర్లు ప్రకటిస్తున్నాయని విశ్లేషకులు చెబుతున్నారు. దీంతో ప్రతీ గంటకూ టాప్ ఫోన్ల ర్యాంకింగ్స్ మారిపోతున్నాయి.

స్టూడెంట్స్ ఛాయిస్: 5G బ్యాండ్లు, బ్యాటరీ, కెమెరాకే తొలి ప్రాధాన్యం

విద్యార్థులు, మొదటిసారి 5G ఫోన్ కొనేవారు ప్రధానంగా నెట్‌వర్క్ కనెక్టివిటీ (5G బ్యాండ్లు), 5,000–6,000mAh పెద్ద బ్యాటరీ, నమ్మకమైన 50-మెగాపిక్సెల్ కెమెరాలకే మొదటి ప్రాధాన్యం ఇస్తున్నారు. అందుకే మోటో G34 5G, రియల్‌మి P1 5G ఫోన్లు నేడు ఎక్కువగా కొనుగోలుదారుల కార్ట్‌లలో నిలిచిపోతున్నాయి. ఇక శామ్‌సంగ్ F06 5G స్టాక్ అలెర్ట్‌లతో అందరి దృష్టిని ఆకర్షిస్తోంది. కొనేముందు ఫైనల్ ఆఫర్ ధరను పోల్చేటప్పుడు RAM, స్టోరేజ్ వేరియంట్లను ఒకటికి రెండుసార్లు సరిచూసుకోవడం మంచిది.

"బెస్ట్‌సెల్లర్" ట్యాగ్‌ను సరిచూసుకోండి.. కొత్త సెలర్ల జోలికి వెళ్లకండి

అమెజాన్‌లో ఫోన్ కొనేటప్పుడు 'ప్రొడక్ట్ డిటైల్స్'లోకి వెళ్లి 'బెస్ట్ సెలర్స్ ర్యాంక్' సరిచూసుకోండి. ఇది కేవలం రివ్యూల ఆధారంగా కాకుండా, ఇటీవల జరిగిన కొనుగోళ్ల ఆధారంగా తరచుగా అప్‌డేట్ అవుతుంది. దీన్ని కేటగిరీలోని టాప్ 100 లిస్ట్‌తో క్రాస్ చెక్ చేయండి. అలాగే ఫ్లిప్‌కార్ట్‌లో అయితే వారంటీ ఇబ్బందులు లేకుండా ఉండటానికి 'F-అస్యూర్డ్' (F-Assured) ట్యాగ్ ఉన్న, మంచి రేటింగ్ ఉన్న సెలర్ల నుంచి మాత్రమే కొనడం మేలు. లైట్నింగ్ డీల్స్ సమయంలో రేటింగ్స్, హిస్టరీ సరిగ్గా లేని కొత్త సెలర్ల వద్ద హడావుడిగా కొనుగోలు చేయకండి.

ఈరోజు రాత్రి సేల్స్ కోసం రియల్‌మి P1 5G, పొకో X6 నియో 5G, మోటో G34 5G ఫోన్లపై కన్నేసి ఉంచండి. సాయంత్రం బ్యాంక్ కార్డ్ ఆఫర్లు అప్‌డేట్ అయ్యాక, అలాగే అర్ధరాత్రి కొత్త స్టాక్ అందుబాటులోకి వచ్చినప్పుడు మీ కార్ట్‌ను మళ్లీ రీచెక్ చేసుకోండి. రెండు సేల్ ప్లాట్‌ఫారమ్‌లు రోజువారీ అప్‌డేట్లను ఇస్తుండటంతో.. రూ. 15,000 లోపు విభాగానికి సంబంధించి నేటి ప్రైస్ ట్రాకర్లలో సరికొత్త ఆఫర్ ధరలు కనిపిస్తున్నాయి.