రూ.8000 కంటే తక్కువ ధరలో 50MP కెమెరాను కలిగిన స్మార్ట్‌ఫోన్‌లు.. ఫ్లిప్‌కార్ట్‌లో సేల్‌..!

ఫ్లిప్‌కార్ట్‌ బిగ్‌ సేవింగ్‌ డేస్‌ సేల్‌ (Flipkart Big Saving Day Sale 2025) ప్రారంభం అయింది. ఈ సేల్‌ మార్చి 13 వ తేదీ వరకు జరగనుంది. ఈ సేల్‌లో భాగంగా అనేక కేటగిరీల ఉత్పత్తులను డిస్కౌంట్‌ ధరలకు కొనుగోలు చేయవచ్చు. తక్కువ ధరలో స్మార్ట్‌ఫోన్‌లు, స్మార్ట్‌టీవీ, ఇయర్‌బడ్స్‌, ట్యాబ్లెట్‌, ల్యాప్‌టాప్‌, AC, కూలర్‌ సహా ఇతర గృహోపకరణాలను సొంతం చేసుకోవచ్చు. కొత్తగా అందుబాటులోకి వచ్చిన స్మార్ట్‌ఫోన్‌లను కూడా ఈ సేల్‌లో భాగంగా కొనుగోలు చేయవచ్చు.

ఈ ఫ్లిప్‌కార్ట్‌ సేల్‌లో భాగంగా HDFC బ్యాంకు కార్డులపై గరిష్ఠంగా 10 శాతం డిస్కౌంట్‌ను పొందవచ్చు. దీంతోపాటు ఫ్లిప్‌కార్ట్‌ యాక్సెస్‌ బ్యాంకు కార్డులతో కొనుగోలు చేస్తే 5 శాతం క్యాష్‌బ్యాక్‌ను పొందవచ్చు. దీంతోపాటు పాత వస్తువులు ఎక్స్చేంజీ చేసుకొనేందుకు అవకాశం ఉంది.

ఈ సేల్‌లో భాగంగా రూ.8000 కంటే తక్కువ ధరలో 50MP ప్రైమరీ కెమెరా కలిగిన (Smartphones with 50MP Primary Camera under Rs8000) స్మార్ట్‌ఫోన్‌లు ఉన్నాయి. ఈ జాబితాలో ఈ సంవత్సరం లాంచ్‌ అయిన ఫోన్‌ల నుంచి గత ఏడాది విడుదల అయిన హ్యాండ్‌సెట్‌లు కూడా ఉన్నాయి. ఈ జాబితాలో ఫ్లిప్‌కార్ట్‌లో అందుబాటులో ఉన్న ఫోన్‌ల పూర్తి వివరాలు.

మోటో G05 స్మార్ట్‌ఫోన్‌ :
మోటో G05 స్మార్ట్‌ఫోన్‌ 4GB ర్యామ్ + 64GB స్టోరేజీ వేరియంట్‌ ధర రూ.6,999 గా ఉంది. ఫ్లిప్‌కార్ట్‌ యాక్సెస్‌ బ్యాంకు కార్డులతో 5 శాతం డిస్కౌంట్‌ను పొందవచ్చు. ఈ ఫోన్ 6.67 అంగుళాల HD+ డిస్‌ప్లేను కలిగి ఉంది. ఈ డిస్‌ప్లే కార్నింగ్‌ గొరెల్లా గ్లాస్ 3 రక్షణ పొందుతుంది.

మీడియాటెక్‌ హీలియో G81 Extreme SoC ప్రాసెసర్‌ ఆండ్రాయిడ్‌ 15 ఆధారిత Hello UI (స్కిన్‌ ఆన్‌ టాప్‌) OS ను కలిగి ఉంది. ఈ ఫోన్‌ 18W వైర్‌ ఛార్జింగ్ సపోర్టుతో 5200mAh బ్యాటరీతో పనిచేస్తోంది. క్వాడ్‌ పిక్సల్‌ టెక్నాలజీతో కూడిన 50MP ప్రైమరీ, 8MP సెల్ఫీ కెమెరాను కలిగి ఉంది. ఈ ఫోన్‌ ప్లమ్‌ రెడ్‌ పారెస్ట్ గ్రీన్‌ కలర్‌ వేరియంట్స్ లభిస్తుంది.

శాంసంగ్‌ గెలాక్సీ F05 స్మార్ట్‌ఫోన్ :
శాంసంగ్‌ గెలాక్సీ F05 స్మార్ట్‌ఫోన్ 4GB ర్యామ్ + 64GB స్టోరేజీ వేరియంట్ ధర రూ.6,249 గా ఉంది. ఈ ఫోన్‌ 6.7 అంగుళాల HD+ డిస్‌ప్లేను కలిగి ఉంది. ఈ హ్యాండ్‌సెట్‌ తక్కువ ధరలో అందుబాటులో ఉన్నా.. ప్రీమియం లుక్‌ను కలిగి ఉంటుంది. 25W వైర్‌ ఫాస్ట్‌ ఛార్జింగ్‌ సపోర్టుతో 5000mAh బ్యాటరీని కలిగి ఉంది.

మీడియాటెక్‌ హీలియో G85 ప్రాసెసర్‌ను కలిగి ఉంది. మరియు ఆండ్రాయిడ్‌ 14 ఆధారిత One UI 5 OS తో పనిచేస్తోంది. ఈ ఫోన్ వెనుక వైపు డ్యూయల్‌ కెమెరాలను కలిగి ఉంది. 50MP + 2MP కెమెరాతోపాటు 8MP సెల్ఫీ కెమెరాను కలిగి ఉంది.

పోకో C75 5G :
వీటితోపాటు పోకో C75 5G హ్యాండ్‌సెట్ భారీ డిస్‌ప్లేతోపాటు 50MP ప్రైమరీ కెమెరాను కలిగి ఉంది. ఈ హ్యాండ్‌సెట్ 4GB ర్యామ్ + 64GB స్టోరేజీ వేరియంట్ ధర రూ.7999 గా ఉంది. ఈ ఫోన్ 6.88 అంగుళాల HD+ డిస్‌ప్లేను కలిగి ఉంది. 18W ఛార్జింగ్ సపోర్టుతో 5160mAh బ్యాటరీని కలిగి ఉంది.

ఈ హ్యాండ్‌సెట్ స్నాప్‌డ్రాగన్‌ 4s జెన్‌ 2 ప్రాసెసర్‌ను కలిగి ఉంది. ఆండ్రాయిడ్‌ 14 ఆధారిత HyperOS తో పనిచేస్తుంది. కెమెరా పరంగా ఈ హ్యాండ్‌సెట్ 50MP కెమెరాతోపాటు మరో లెన్స్‌ను కలిగి ఉంది. వీటితోపాటు 5MP సెల్ఫీ కెమెరాను అమర్చారు.