రూ.499కే Redmi Note 4 ఫోన్..?

ఇంటర్నెట్‌లోకి కొత్త కొత్తగా పట్టుకొస్తున్న కొన్ని వెబ్‌సైట్‌లు నెటిజనులను మోసం చేయటమే లక్ష్యంగా పనిచేస్తు్న్నాయి. వాటిలో ఒకటైన http://mi-offers.com/ షియోమీ రెడ్మీ నోట్ 4 స్మార్ట్‌ఫోన్‌ను కేవలం రూ.499కే అందిస్తున్నట్లు చెబుతుతోంది. ఇటువంటి నకిలీ ఈ-కామర్స్ వెబ్‌సైట్‌లను గూగుల్ ఎప్పటికప్పుడు నిరోధిస్తున్నప్పటికి కొన్ని లూప్ హోల్స్ ఆధారంగా చేసుకుని చెకింగ్‌లను హ్యాకర్లు బైపాస్ చేయగలుగుతున్నారు.

నకిలీ అమెజాన్ లోగోను తయారు చేసుకున్న ఈ సైట్ రూ.12,999 ఖరీదు చేసే రెడ్మీ నోట్ 4 ఫోన్‌ను రూ.499కే ఇస్తున్నామని చెప్పుకుంటోంది. ఆవేశపడి ఈ ఆఫర్ పై క్లిక్ చేసినట్లయితే హ్యాకర్లు హానికర ప్రోగ్రామ్‌ను మీ డివైస్‌ల్లోకి ప్రవేశపెట్టి మీ ఫోన్ లేదా కంప్యూటర్‌లోని వ్యక్తిగత సమాచారాన్ని దొంగిలించటంతో పాటు బ్యాంక్ అకౌంట్ పాస్‌వర్డ్‌లను కూడా లూటీ చేసే ప్రమాదముందని నిపుణులు హెచ్చరిస్తున్నారు.