బ్లాక్‌బెర్రీ KEYone వచ్చేసింది

సెక్యూరిటీ సెట్టింగ్స్‌ను యూజర్ తనకునచ్చినట్లుగా కస్టమైజ్ చేసుకునేందుకుగాను ఇన్‌బిల్ట్‌ DTEK అప్లికేషన్‌

By Sivanjaneyulu Bommu

Published: Sunday, February 26, 2017, 11:19 [IST]

బార్సిలోనాలో ప్రారంభమైన 2017 మొబైల్ వరల్డ్ కాంగ్రెస్‌ టెక్నాలజీ ఈవెంట్‌లో భాగంగా బ్లాక్‌బెర్రీ తన KEYone ఫోన్‌ను అనౌన్స్ చేసింది. ఈ ఫోన్‌నే బ్లాక్‌బెర్రీ Mercury అని కూడా గతంలో పిలిచారు. ఈ ఫోన్‌లోని సెక్యూరిటీ సెట్టింగ్స్‌ను యూజర్ తనకునచ్చినట్లుగా కస్టమైజ్ చేసుకునేందుకుగాను ఇన్‌బిల్ట్‌గా DTEK అప్లికేషన్‌ను బ్లాక్‌బెర్రీ అందిస్తోంది. బ్లాక్‌బెర్రీ డిజైన్ చేసిన చివరి స్మార్ట్‌ఫోన్ కూడా ఇదే కావటం విశేషం. అఫీషియల్ అనౌన్స్‌మెంట్‌కు ముందే ఈ ఫోన్‌కు సంబంధించిన వివరాలు లీక్ అవటంతో స్పెసిషికేషన్స్ ముందుగానే తెలిసిపోయాయి.

సస్పెన్స్ రేపుతోన్న నోకియా 3310, ఏమిటా కొత్త ఫీచర్..?

బ్లాక్‌బెర్రీ కీవన్ స్పెసిఫికేషన్స్

4.5 అంగుళాల టచ్‌స్ర్కీన్ (రిసల్యూషన్1080x 1620పిక్సల్స్, 420 పీపీఐ పిక్సల్ డెన్సిటీ) , ఫిజికల్ క్వర్టీ కీబోర్డ్, ఆండ్రాయిడ్ 7.1 నౌగట్ ఆపరేటింగ్ సిస్టం, క్వాల్కమ్ స్నాప్‌డ్రాగన్ 625 ప్రాసెసర్, 3జీబి ర్యామ్, 32జీబి ఇంటర్నల్ స్టోరేజ్, 12 మెగా పిక్సల్ రేర్ ఫేసింగ్ కెమెరా విత్ 4కే క్వాలిటీ వీడియో రికార్డింగ్, 8 మెగా పిక్సల్ ఫ్రంట్ ఫేసింగ్ కెమెరా, 3500 mAh బ్యాటరీ విత్ క్విక్ ఛార్జ్ 3.0 సపోర్ట్, సింగిల్ సిమ్ 4జీ సపోర్ట్, యూఎస్బీ టైప్ సీ సపోర్ట్, , ఇండియన్ మార్కెట్లో ఈ ఫోన్ ధర రూ.36,000 వరకు ఉండొచ్చని సమాచారం. ఏప్రిల్ మొదటి వారం నుంచి ప్రపంచవ్యాప్తంగా అమ్మకాలు ప్రారంభమయ్యే అవకాశం ఉంది.