120 FPS గేమింగ్, డైమెన్సిటీ 7300 ప్రో చిప్‌సెట్, 1000Hz టచ్ రెస్పాన్స్‌తో CMF ఫోన్ 2 ప్రో.. ధర చాలా చీప్..!

CMF Phone 2 Pro Launching: నథింగ్ సంస్థ తమ బడ్జెట్-ఫ్రెండ్లీ బ్రాండ్ CMF నుంచి సరికొత్త స్మార్ట్‌ఫోన్‌ను తీసుకురావడానికి సిద్ధమైంది. అదే CMF ఫోన్ 2 ప్రో. ఈ ఫోన్ ఏప్రిల్ 28, 2025న సాయంత్రం 6:30 గంటలకు అధికారికంగా విడుదల కానుంది. తక్కువ ధరలో రాబోతున్న ఈ కొత్త ఆండ్రాయిడ్ ఫోన్‌పై ఇప్పటికే ఆసక్తి పెరుగుతోంది. కంపెనీ కూడా కొన్ని ముఖ్యమైన స్పెసిఫికేషన్లు, అద్భుతమైన అప్‌గ్రేడ్‌లను పంచుకుంది.

ఈ ఫోన్‌తో పాటు, CMF బడ్స్ 2, బడ్స్ 2a, బడ్స్ 2 ప్లస్ అనే కొత్త వైర్‌లెస్ ఇయర్‌బడ్స్‌ను కూడా నథింగ్ విడుదల చేయనుంది. అవి కూడా తక్కువ ధరల్లో మంచి ఫీచర్లను అందించనున్నాయి. అని ఇప్పుడు CMF ఫోన్ 2 ప్రో గురించి ఇప్పటివరకు మనకు తెలిసిన విషయాలేంటో స్పష్టంగా చూద్దాం.

* మెరుగైన వేగం, కొత్త ప్రాసెసర్

CMF ఫోన్ 2 ప్రో మీడియాటెక్ డైమెన్సిటీ 7300 ప్రో చిప్‌సెట్‌తో పనిచేస్తుంది. పాత CMF ఫోన్ 1లో ఉన్న డైమెన్సిటీ 7300 ప్రాసెసర్‌తో పోలిస్తే ఇది 10% వేగవంతమైన CPU పనితీరును, 5% మెరుగైన GPU పనితీరును అందిస్తుంది. అంతేకాదు, ఇందులో మీడియాటెక్ ఆరవ తరం NPU (న్యూరల్ ప్రాసెసింగ్ యూనిట్) కూడా ఉంది.

ఇది సెకనుకు 4.8 ట్రిలియన్ల పనులను (4.8 TOPS) చేయగలదు. అంటే, ఆర్టిఫిషియల్ ఇంటెలిజెన్స్ (AI) ఆధారిత ఫీచర్లను ఈ ఫోన్ చాలా సులభంగా, వేగంగా హ్యాండిల్ చేయగలదు. ఈ రోజుల్లో ఈ ఫీచర్లు వాడ లేకపోతే చాలా నష్టపోయినట్లే. ఈ ఫోన్‌తో ఎలాంటి ఏఐ యాప్ అయినా లేదంటే వెబ్‌సైట్ అయినా వాడొచ్చు.

* గేమింగ్, డిస్‌ప్లే అదుర్స్

CMF ఫోన్ 2 ప్రోలో బాటిల్‌గ్రౌండ్స్ మొబైల్ ఇండియా (BGMI) వంటి గేమ్‌లను సెకనుకు 120 ఫ్రేమ్‌ల (120 fps) వేగంతో ఆడవచ్చని నథింగ్ సంస్థ చెబుతోంది. ఇది గేమింగ్ అనుభవాన్ని మరో స్థాయికి తీసుకెళ్తుంది. టచ్ రెస్పాన్స్ కూడా చాలా వేగంగా ఉండటానికి 1,000Hz టచ్ శాంప్లింగ్ రేట్‌ను ఇది సపోర్ట్ చేస్తుంది.

నెట్‌వర్క్ పనితీరులో కూడా 53% మెరుగుదల ఉంటుందని సమాచారం. స్క్రీన్ సైజు పాత మోడల్ (6.67 అంగుళాలు) కంటే కొంచెం తగ్గి 6.3 అంగుళాలు ఉండొచ్చు, కానీ వేగవంతమైన రిఫ్రెష్ రేట్‌తో కూడిన అధిక నాణ్యత గల AMOLED డిస్‌ప్లే ఉంటుందని అంచనా వేస్తున్నారు.

* ఆపరేటింగ్ సిస్టమ్, ర్యామ్ వివరాలు

ఈ ఫోన్ సరికొత్త నథింగ్ OS 3.0 తో వస్తుంది. ఇది లేటెస్ట్ ఆండ్రాయిడ్ 15 ఆధారంగా పనిచేస్తుంది. మల్టీటాస్కింగ్, యాప్స్ వాడకం వేగంగా, సులభంగా ఉండేందుకు ఇందులో 8GB RAM ఉంటుందని భావిస్తున్నారు. డిజైన్ పరంగా చూస్తే, CMF ఫోన్ 2 ప్రో వెనుకవైపు ఓవల్ ఆకారంలో డ్యూయల్ కెమెరా సెటప్ ఉంటుంది.

పాత మోడల్ లాగే, ఇది కూడా మాడ్యులర్ డిజైన్‌తో వచ్చే అవకాశం ఉంది. అంటే, యూజర్లు ఫోన్ బ్యాక్ ప్యానెల్‌ను మార్చుకోవచ్చు లేదా స్టాండ్స్‌, ల్యాన్‌యార్డ్‌లు వంటి యాక్సెసరీలను జోడించుకోవచ్చు. ఫోన్ చూడటానికి అందంగా, చేతిలో పట్టుకోవడానికి సౌకర్యవంతంగా, సన్నగా, తేలికగా ఉంటుందని చెబుతున్నారు.

* విడుదల తేదీ, ధర & లభ్యత

ముందే చెప్పినట్లు, CMF ఫోన్ 2 ప్రో ఏప్రిల్ 28న సాయంత్రం 6:30 గంటలకు విడుదల కానుంది. దీన్ని ఫ్లిప్‌కార్ట్‌లో కొనుగోలు చేయవచ్చు (ఫ్లిప్‌కార్ట్ లిస్టింగ్ ద్వారా ఈ సమయం ఖరారైంది). ధర ఇంకా అధికారికంగా ప్రకటించలేదు కానీ, రూ.15,999కి విడుదలైన CMF ఫోన్ 1 మాదిరిగానే దీని ప్రారంభ ధర కూడా సుమారు రూ.16,000 ఉండవచ్చని అంచనా.

ఈ కొత్త ఫోన్‌తో పాటు బాక్స్‌లోనే ఛార్జర్ కూడా వస్తుంది. ఈ రోజుల్లో చాలా ఫోన్‌లతో ఛార్జర్ ఇవ్వడం లేదు, కాబట్టి ఇది నిజంగా అదనపు ఆకర్షణ.