చైనా మొబైల్ తయారీ దిగ్గజం కూల్‌ప్యాడ్ తన నూతన స్మార్ట్‌ఫోన్ నోట్ 6 ను తాజాగా ఇండియాలో విడుదల చేసింది. ఆకట్టుకునే ఫీచర్లతో ఈ ఫోన్ ఇండియా మార్కెట్లోకి ఎంటరయింది. ఇందులో 5.5 ఇంచుల సైజ్ ఉన్న భారీ డిస్‌ప్లేను ఏర్పాటు చేశారు. ముందు భాగంలో 8, 5 మెగాపిక్సల్ కెపాసిటీ ఉన్న రెండు కెమెరాలను అమర్చారు. వీటికి ఫ్లాష్ సదుపాయం ఉంది. వెనుక భాగంలో 13 మెగాపిక్సల్ కెమెరాను ఏర్పాటు చేశారు. ఫోన్ ముందు భాగంలో హోమ్ బటన్ కింద ఫింగర్‌ప్రింట్ సెన్సార్‌ను ఏర్పాటు చేశారు.
ఈ ఫోన్‌లో మెమొరీ కార్డు కోసం డెడికేటెడ్ స్లాట్‌ను అమర్చారు. 4070 ఎంఏహెచ్ కెపాసిటీ ఉన్న భారీ బ్యాటరీని ఇందులో ఏర్పాటు చేయడం వల్ల బ్యాటరీ బ్యాకప్ బాగా వస్తుంది. కేవలం గోల్డ్ రంగులో మాత్రమే విడుదలైన ఈ ఫోన్ 3/4 జీబీ ర్యామ్ వేరియెంట్లలో రూ.8,999, రూ.9,999 ధరలకు వినియోగదారులకు లభ్యమవుతున్నది.
కూల్ ప్యాడ్ నోట్ 6 ఫీచర్లు
5.5 ఇంచ్ ఫుల్ హెచ్‌డీ డిస్‌ప్లే, 1920 x 1080 పిక్సల్స్ స్క్రీన్ రిజల్యూషన్, ఆక్టాకోర్ స్నాప్‌డ్రాగన్ 435 ప్రాసెసర్, 3/4 జీబీ ర్యామ్, 32/64 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.1 నూగట్, డ్యుయల్ సిమ్, 13 మెగాపిక్సల్ బ్యాక్ కెమెరా, 8, 5 మెగాపిక్సల్ డ్యుయల్ సెల్ఫీ కెమెరాలు, 4జీ వీవోఎల్‌టీఈ, బ్లూటూత్ 4.0, 4070 ఎంఏహెచ్ బ్యాటరీ.
జియో 8జిబి డేటా ఉచితం,ఎటువంటి పరిమితులు లేవు !
ఈ ఫోన్ లాంచ్ సంగతి అలా ఉంచితే కూల్‌ప్యాడ్, లీఎకో సంస్థలు కలిసి కూల్ 2 పేరిట మరో స్మార్ట్‌ఫోన్‌ను విడుదల చేయనున్నాయి. ఈ ఫోన్ ధర వివరాలను ఇంకా ఈ కంపెనీలు వెల్లడించలేదు. ఇందులో పలు ఆకట్టుకునే ఫీచర్లను యూజర్లకు అందివ్వనున్నారు. గతంలో కూల్ 1 అనే స్మార్ట్‌ఫోన్‌ను ఈ రెండు కంపెనీలే సంయుక్తంగా తయారు చేసి విడుదల చేసిన విషయం విదితమే.
కూల్‌ప్యాడ్ కూల్ 2 ఫీచర్లు
5.7 ఇంచెస్ హెచ్‌డీ ప్లస్ డిస్‌ప్లే, 720 x 1440 పిక్సల్స్ స్క్రీన్ రిజల్యూషన్, 1.5 గిగాహెడ్జ్ ఆక్టాకోర్ ప్రాసెసర్, 4 జీబీ ర్యామ్, 64 జీబీ స్టోరేజ్, డ్యుయల్ సిమ్, ఆండ్రాయిడ్ 7.0 నూగట్, 13, 0.3 మెగాపిక్సల్ డ్యుయల్ బ్యాక్ కెమెరాలు, 8 మెగాపిక్సల్ సెల్ఫీ కెమెరా, 4జీ వీవోఎల్‌టీఈ, 3200 ఎంఏహెచ్ బ్యాటరీ.
