ఫేస్‌‍బుక్ కొత్త ‘ట్విస్ట్’

ప్రముఖ సామాజిక సంబంధాల వెబ్‌సైట్ ఫేస్‌బుక్ కొత్త ‘ట్విస్ట్’కు తెరలేపింది. టెక్నాలజీ ప్రపంచాన్ని ఆశ్చర్యానికి గురి చేస్తూ జనవరి 15న ఓ ప్రత్యేక కార్యక్రమానికి ఫేస్‌బుక్ శ్రీకారం చుట్టింది. ఈ కార్యక్రమంలో ఫేస్‌బుక్ చేపట్టబోయే ఆవిష్కరణకు సంబంధించి సర్వత్రా ఉత్కంఠ వాతావరణం నెలకుంది. ఈ వేదిక ద్వారా చేపట్టబోయే ఆవిష్కరణల పై భిన్న వాదనలు వ్యక్తమవుతున్నాయి.

ఇన్స్‌టాగ్రామ్ తరహాలో సరికొత్త సర్వీస్‌ను ఫేస్‌బుక్ పరిచయం చేయనుందని పలువురు అభిప్రాయపడుతుంటే మరి కొందరు మాత్రం ఓ ప్రత్యేక స్మార్ట్‌ఫోన్ ఈ వేదిక ద్వారా పరిచయం కాబోతుందని జోశ్యం చెబుతున్నారు. గతనివేదికలను పరిశీలించినట్లయితే ఫేస్‌బుక్ ఓ ప్రత్యేక స్మార్ట్‌ఫోన్‌కు రూపకల్పన చేస్తున్నట్లు వార్తలు వినిపించాయి. ఫోన్ ఊహాజనిత స్పెసిఫికేషన్‌లను పరిశీలిస్తే..... ఆండ్రాయిడ్ 4.1 జెల్లీబీన్ ఆపరేటింగ్ సిస్టం, 1.4గిగాహెట్జ్ డ్యూయల్ కోర్ క్వాల్కమ్ స్నాప్‌డ్రాగెన్ ఎస్4 ప్రాసెసర్.

హెచ్‌టీసీ ఈ ఫోన్‌ను డిజైన్ చేస్తున్నట్లు అప్పట్లో వార్తలు వినిపించాయి. ఏదేమైనప్పటికి ఫేస్‌బుక్ చేపట్టబోయే ఆవిష్కరణకు సంబంధించి నెలకున్న సందిగ్ధతకు తెరపడాలంటే జనవరి 15వ తేది వరకు ఎదురుచూడక తప్పదు.

ఫేస్‌బుక్ ఆఫీసులు (వరల్డ్ వైడ్)

Read In English