భారీ బ్యాటరీతో, 6ఇంచ్ ఓలెడ్ డిస్‌ప్లేతో Gionee M7 Power స్మార్ట్‌ఫోన్

జియోనీ తన నూతన స్మార్ట్‌ఫోన్ 'ఎం7 పవర్‌'ను తాజాగా విడుదల చేసింది. ప్రస్తుతానికి ఇది చైనాలో మాత్రమే లభ్యమవుతోంది. కొన్ని రకాల యునిక్యూ ఫీచర్‌తో వచ్చిన ఈ ఫోన్ వినియోగదారులను ఆకట్టుకుంటుందని కంపెనీ చెబుతోంది. గోల్డ్ , బ్లాక్, బ్లూ కలర్స్‌లో ఈ ఫోన్ లభిస్తోంది. ఇంకో ప్రత్యేకత ఏంటంటే ఈ ఫోనుకు ఐఫోన్ 8, గెలాక్సీ నోట్ 8లకు ఉన్నగ్లాస్ అలాగే మెటల్ డిజైన్ ఉంది. రెండు మోడల్స్ లో వచ్చిన ఈ ఫోన్ వినియోగదారులకు రూ.19,590 ధరకు లభిస్తున్నది.

జియోనీ ఎం7 పవర్ ఫీచర్లు

6 ఇంచ్ హెచ్‌డీ ప్లస్ డిస్‌ప్లే, 1440 x 720 పిక్సల్స్ స్క్రీన్ రిజల్యూషన్, 1.4 గిగాహెడ్జ్ ఆక్టాకోర్ స్నాప్‌డ్రాగన్ 435 ప్రాసెసర్, 4 జీబీ ర్యామ్, 64 జీబీ స్టోరేజ్, 256 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.1 నూగట్, హైబ్రిడ్ డ్యుయల్ సిమ్, 13 మెగాపిక్సల్ బ్యాక్ కెమెరా, 8 మెగాపిక్సల్ సెల్ఫీ కెమెరా, ఫింగర్‌ప్రింట్ సెన్సార్, 4జీ వీవోఎల్‌టీఈ, బ్లూటూత్ 4.2, 5000 ఎంఏహెచ్ బ్యాటరీ, ఫాస్ట్ చార్జింగ్.