రూ. 69,999కే గూగుల్ పిక్సెల్ 11.. ఫ్లిప్‌కార్ట్ సేల్ మొదలైంది, బ్యాంక్ ఆఫర్లు, డీల్స్ ఇవే!

Published: Thursday, October 8, 2026, 12:44 [IST]

భారత్‌లో గూగుల్ పిక్సెల్ 11 కొనుగోలు చేయాలనుకునే వారికి అదిరిపోయే అవకాశం రానే వచ్చింది. అక్టోబర్ 8 అర్ధరాత్రి 12:00 గంటల (IST) నుంచే ఫ్లిప్‌కార్ట్ ప్లస్, బ్లాక్, ఫ్లిప్‌కార్ట్ క్రెడిట్ కార్డ్ హోల్డర్లకు 'ఎర్లీ యాక్సెస్' ప్రారంభం కానుంది. మిగతా కస్టమర్లందరికీ అక్టోబర్ 9 నుంచి ఈ సేల్ అందుబాటులోకి వస్తుంది. ఫ్లిప్‌కార్ట్‌లో కనిపిస్తున్న 'బిగ్ బిలియన్ డేస్' బ్యానర్ ప్రకారం ఈ ఫోన్ ఆఫర్‌లో "రూ. 69,999*" కే లభిస్తుందని ఉంది. అయితే దీని సాధారణ ఎంఆర్‌పీ ధరలు 256GB వేరియంట్‌కు రూ. 89,999, అలాగే 512GB వేరియంట్‌కు రూ. 1,04,999గా నిర్ణయించారు. ముందస్తు పిన్‌కోడ్ చెక్‌లో చూపిస్తున్న దాని ప్రకారం 'అక్టోబర్ 11, ఆదివారం కల్లా డెలివరీ' కానుంది.

బెస్ట్ డీల్స్ కోసం వెతికే వారికి బ్యాంక్ ఆఫర్లతోనే అసలు తగ్గే ధర ఎంతో తేలుతుంది. బిగ్ బిలియన్ డేస్ సేల్‌లో యాక్సిస్ బ్యాంక్, ఐసీఐసీఐ బ్యాంక్ కార్డులపై 10 శాతం తక్షణ డిస్కౌంట్ లభిస్తోంది. ఇందులో యాక్సిస్ బ్యాంక్ కార్డ్ డిస్కౌంట్ పరిమితి గరిష్టంగా రూ. 17,250 వరకు ఉంటే, ఐసీఐసీఐ 'ఫెస్టివ్ బొనాంజా' ఆఫర్ కింద గూగుల్ పిక్సెల్ 11పై "రూ. 10,000 వరకు డిస్కౌంట్" లభిస్తుందని పేర్కొన్నారు. ఇక గూగుల్ స్టోర్‌లో కొనేవారికి ఇఎమ్‌ఐపై రూ. 7,000 వరకు ఇన్‌స్టంట్ క్యాష్‌బ్యాక్‌తో పాటు రూ. 9,000 ఎక్స్ఛేంజ్ బోనస్ లభిస్తోంది. కార్డ్ నిబంధనలు బ్యాంకుని బట్టి మారుతుంటాయి.

Google Pixel 11 India Launch: Flipkart Sale Price, Bank Offers, and Best Deals 2026

గూగుల్ పిక్సెల్ 11 ఆఫర్ ధరలు, బ్యాంక్ ఆఫర్లు, డెలివరీ అంచనాలు

కింది పట్టికలోని ధరలను అవగాహన కోసం ఫ్లిప్‌కార్ట్ ఎంఆర్‌పీ ఆధారంగా ఇవ్వడం జరిగింది. అయితే బ్యాంక్ లిమిట్లు, అర్హతలు వర్తిస్తాయి. ఫ్లిప్‌కార్ట్ చూపిస్తున్న "రూ. 69,999*" బ్యానర్ ధర సాధారణంగా కార్డ్ డిస్కౌంట్, ఎక్స్ఛేంజ్ బోనస్ అన్నీ కలిపిన మొత్తం కాబట్టి చెకౌట్ సమయంలో వివరాలను సరిచూసుకోండి. ఒకవేళ మీ పిన్‌కోడ్‌కు డెలివరీ సమయం ఎక్కువగా ఉంటే, వేరే కలర్ లేదా వేరియంట్‌ను ఎంచుకుని ప్రయత్నించండి. ఎందుకంటే ఎర్లీ యాక్సెస్ సమయంలో వేరియంట్, ప్రాంతాన్ని బట్టి డెలివరీ తేదీలు మారే అవకాశం ఉంది.

వేరియంట్	ఎంఆర్‌పీ (ఫ్లిప్‌కార్ట్)	ప్రకటించిన బీబీడీ ధర	10% బ్యాంక్ ఆఫర్‌తో (అంచనా)	గూగుల్ స్టోర్‌లో అంచనా ధర
256GB	రూ. 89,999	రూ. 69,999*	పరిమితులకు ముందు సుమారు రూ. 80,999	రూ. 7,000 ఇఎమ్‌ఐ క్యాష్‌బ్యాక్ + రూ. 9,000 ఎక్స్ఛేంజ్‌తో రూ. 73,999
512GB	రూ. 1,04,999	లిస్ట్ చేయలేదు	పరిమితులకు ముందు సుమారు రూ. 94,499	ఇదే తరహా ఎంఆర్‌పీ వర్తిస్తే సుమారు రూ. 88,999

ఫ్లిప్‌కార్ట్ వర్సెస్ గూగుల్ స్టోర్ చూసుకుంటే... ఏది బెటర్ అనేది డెలివరీ వేగం, అదనపు ప్రయోజనాలపై ఆధారపడి ఉంటుంది. ఫ్లిప్‌కార్ట్ ఎర్లీ యాక్సెస్, ప్లస్/బ్లాక్ మెంబర్‌షిప్, విస్తృతమైన ఈకార్ట్ నెట్‌వర్క్ వల్ల తొలి విడతలోనే వేగంగా డెలివరీ అయ్యే అవకాశం ఉంది. దీనికి పోటీగా గూగుల్ స్టోర్ 3 నెలల యూట్యూబ్ ప్రీమియం, 6 నెలల జెమిని గూగుల్ AI ప్రో సబ్‌స్క్రిప్షన్ ఉచితంగా ఇస్తోంది. వీటితో పాటు క్యాషిఫై ద్వారా సులువైన ఎక్స్ఛేంజ్, ఎంపిక చేసిన పార్ట్‌నర్ ధరలకు సమానంగా ప్రైస్ ప్రొటెక్షన్ ప్రయోజనాలను ఇస్తోంది. కాబట్టి మీకు ఏది ముక్యమో చూసుకుని నిర్ణయం తీసుకోండి.

గూగుల్ పిక్సెల్ 11 ఇండియా స్పెసిఫికేషన్లు, ఏఐ ఫీచర్లు, అప్‌డేట్ పాలసీ

భారత్‌లో అందుబాటులోకి వచ్చిన మోడళ్లలో 12GB ర్యామ్‌తో పాటు 256GB లేదా 512GB స్టోరేజ్ ఆప్షన్లు ఉన్నాయి. ఇవి గూగుల్ టెన్సార్ G6 ప్రొసెసర్, 5x ఆప్టికల్, 30x సూపర్‌జూమ్‌తో కూడిన ట్రిపుల్ రియర్ కెమెరా సెటప్‌తో వస్తున్నాయి. ఇందులో 3,000 నిట్స్ పీక్ బ్రైట్‌నెస్‌ ఇచ్చే 6.3-అంగుళాల యాక్టువా డిస్‌ప్లే, 25W వరకు పిక్సెల్‌స్నాప్ మ్యాగ్నెటిక్ వైర్‌లెస్ ఛార్జింగ్ సపోర్ట్, ఆండ్రాయిడ్ 17 వర్షన్ ఉంటాయి. అంతేకాకుండా 7 ఏళ్ల పాటు ఓఎస్, సెక్యూరిటీ, పిక్సెల్ డ్రాప్ అప్‌డేట్లను గూగుల్ అందించనుంది.

మీరు అత్యంత తక్కువ ధరకు ఈ ఫోన్ కొనాలనుకుంటే, అర్ధరాత్రి 12 గంటలకు ఫ్లిప్‌కార్ట్ కార్ట్‌లో రూ. 69,999 ఆఫర్ వచ్చిందో లేదో ఒకసారి రీచెక్ చేయండి. ఆ తర్వాత గూగుల్ స్టోర్ ఇఎమ్‌ఐ క్యాష్‌బ్యాక్, ఎక్స్ఛేంజ్ కాంబోతో పోల్చి చూడండి. డెలివరీ స్పీడ్ ముఖ్యమనుకుంటే 256GB వేరియంట్, ఎక్కువ 4K వీడియోలు తీసే అలవాటు ఉంటే 512GB వేరియంట్ ఎంచుకోవడం మంచిది. ఏది ఏమైనా పేమెంట్ చేసే ముందే బ్యాంక్ కార్డ్ ఆఫర్లను సెట్ చేసుకుని, మీ పిన్‌కోడ్‌కు డెలివరీ టైమ్‌ని సరిచూసుకోండి.