భారీ ఆఫర్లతో పిక్సల్ 2, పిక్సల్ 2 XL ఫ్రీ ఆర్డర్లు షురూ..

గూగుల్‌ కొత్తగా తీసుకొచ్చిన పిక్సెల్‌ 2, పిక్సెల్‌ 2 ఎక్స్‌ఎల్‌ ఫ్లాగ్‌షిప్‌ స్మార్ట్‌ఫోన్ల ప్రీ-ఆర్డర్లు భారత్‌లో స్టార్ట్ అయ్యాయి.

By Hazarath

Published: Saturday, October 28, 2017, 13:20 [IST]

గూగుల్‌ కొత్తగా తీసుకొచ్చిన పిక్సెల్‌ 2, పిక్సెల్‌ 2 ఎక్స్‌ఎల్‌ ఫ్లాగ్‌షిప్‌ స్మార్ట్‌ఫోన్ల ప్రీ-ఆర్డర్లు భారత్‌లో స్టార్ట్ అయ్యాయి. ఐఫోన్‌ ఎక్స్‌ ప్రీ-ఆర్డర్లు స్టాక్ అవుట్ అయిన నేపధ్యంలో ఈ ఫోన్ల ప్రీ ఆర్డర్లు ఇప్పుడు ఆసక్తిని కలిగిస్తున్నాయి. ఫ్లిప్‌కార్ట్‌ ఎక్స్‌క్లూజివ్‌గా వీటిని అందిస్తోంది. నవంబర్‌ 2 నుంచి పిక్సెల్‌ 2 స్మార్ట్‌ఫోన్‌ను, నవంబర్‌ 15 నుంచి పిక్సెల్‌ 2 ఎక్స్‌ఎల్‌ స్మార్ట్‌ఫోన్‌ను డెలివరీ చేయనున్నట్టు పేర్కొంది. ఈ సందర్భంగా కొన్ని ఎక్స్‌క్లూజివ్‌ ప్రీ-ఆర్డర్‌ ఆఫర్లను ఫ్లిప్‌కార్ట్‌ ప్రవేశపెట్టింది.

50 శాతం బైబ్యాక్‌ గ్యారెంటీ..

పిక్సెల్‌ నుంచి అప్‌గ్రేడ్‌ అయిన కొనుగోలుదారులకు 50 శాతం బైబ్యాక్‌ గ్యారెంటీని అందిస్తోంది. హెచ్‌డీఎఫ్‌సీ బ్యాంకు క్రెడిట్‌ కార్డుల ద్వారా ఈఎంఐ లావాదేవీలు జరిపితే రూ.8000 క్యాష్‌బ్యాక్‌ను, ఎంపికచేసిన ఫోన్‌ మోడల్స్‌ ను ఎక్స్చేంజ్‌ చేసి వీటిని కొంటే రూ.5000 తగ్గింపును ఆఫర్‌ చేస్తున్నట్టు ఫ్లిప్‌కార్ట్‌ తెలిపింది.

ఎయిర్‌టెల్‌ 120 జీబీ డేటా

గూగుల్‌ టెలికాం ఆపరేటర్లతో కూడా భాగస్వామ్యం ఏర్పరుచుకుంది. ఈ భాగస్వామ్యంలో ఎయిర్‌టెల్‌ ఈ ఫోన్ ప్రీ-ఆర్డర్‌ చేసుకునే కొనుగోలుదారులకు ఆరు నెలల పాటు అదనంగా 120 జీబీ డేటాను అందించనున్నారు.

రిలయన్స్‌ జియో..

రిలయన్స్‌ జియో యూజర్లైతే ఏకంగా మొత్తంగా రూ.14,999 ప్రయోజనాలను పొందనున్నారు. అంటే ఏడాది పాటు అపరిమిత వాయిస్‌ కాలింగ్‌, 750జీబీ డేటా, ఎస్‌ఎంఎస్లు, రూ.9999 విలువైన జియో యాప్స్ వీరికి అందనున్నాయి.