మరోసారి లీకైన Google Pixel 3

గ్రూప్ సెల్ఫీ కోసం ‘టాప్ షాట్’..

ఇక హిడెన్ ఫీచర్స్ విషయానికి వచ్చేసరికి ఈ డివైస్‌లో ‘టాప్ షాట్' పేరుతో ఓ క్రేజీ ఫీచర్‌ను గూగుల్ లోడ్ చేసినట్లు తెలుస్తోంది. ఈ ఫీచర్ ద్వారా సెల్ఫీ స్టిక్స్‌తో పనిలేకుండా హై-క్వాలిటీ సెల్ఫీలను క్యాప్చుర్ చేసుకునే వీలుంటుందట. మరొక ఫీచర్‌లో భాగంగా పిక్సల్ 3, పిక్సల్ 3 ఎక్స్ఎల్ స్మార్ట్‌ఫోన్‌లకు సంబంధించి నోటిఫికేషన్‌లను డిసేబుల్ చేయాలనుకుంటున్నట్లయితే ఫోన్ ఫ్రంట్ కెమెరాకు కనిపించేలా ఫేస్ డౌస్ చేస్తే సరిపోతుందట.

బ్లాక్ మార్కెట్లో దొరుకుతోందా..?

ఇటీవల గూగుల్ 'పిక్సల్ 3 ఎక్స్ఎల్' స్మార్ట్‌ఫోన్‌కు సంబంధించి 9టు5గూగుల్ ఈ షాకింగ్ న్యూస్‌ను రివీల్ చేసింది. ఉక్రేనియన్ ఆరిజన్‌కు చెందిన ఓ వ్యక్తి వద్ద నుంచి ఈ వివరాలను సదరు న్యూస్ వెబ్‌సైట్ రాబట్టగలిగింది. ఇతని వద్ద పిక్సల్ 2 ఎక్స్ఎల్ స్మార్ట్‌ఫోన్‌లతో పాటు పిక్సల్ 3 ఎక్స్ఎల్‌ ఫోన్‌లు కూడా అమ్మకానికి సిద్ధంగా ఉన్నట్లు వెల్లడైంది. పిక్సల్ 3 ఎక్స్ఎల్ డివైస్‌ను ఏకంగా 2000 డాలర్లకు అతను విక్రయిస్తున్నట్లు తెలుస్తోంది. అక్టోబర్‌లో లాంచ్ కావల్సి ఉన్న ఈ డివైస్ మార్కెట్ ధర 900 నుంచి 1000 డాలర్లలోపు ఉండొచ్చని మార్కెట్ వర్గాలు అంచనా వేస్తున్నాయి.

ఇంటర్నెట్‌లో సర్క్యులేట్ అవుతోన్న ఫోటోలు..

ఈ ఎక్స్‌క్లూజివ్ డివైస్‌ను సెల్లర్ వద్ద నుంచి లండన్‌కు చెందని ఓ వ్యక్తి కొనుగోలు చేసినట్లు తాజా రిపోర్ట్స్ చెబుతున్నాయి. ఈ ఫోన్ కెమెరా ద్వారా క్యాప్చుర్ చేయబడిన ఫోటోలు ఇంటర్నెట్‌లో సర్క్యులేట్ అవుతున్నాయి. డీహెచ్ఎల్ లేదా ఫీడెక్స్ కొరియర్ ద్వారా ఈ డివైస్‌ను కొనుగోలుదారుడికి సదరు సెల్లర్ పంపి ఉండొచ్చని భావిస్తున్నారు. ఈ ఫోన్ కొనుగోలుకు సంబంధించిన పేమెంట్‌ను పేపాల్ లేదా బిట్ కాయిన్స్ ద్వారా చేసి ఉండొచ్చని 9టు5గూగుల్ భావిస్తోంది.

గూగుల్ పిక్సల్ 3 ఎక్స్ఎల్ స్పెసిఫికేషన్స్ (అన్‌అఫీషియల్)

6.7 అంగుళాల డిస్‌ప్లే (రిసల్యూషన్ కెపాసిటీ వచ్చేసరికి 2,960 x 1,440పిక్సల్స్), ఆండ్రాయిడ్ 9 Pie ఆపరేటింగ్ సిస్టం, క్వాల్కమ్ స్నాప్ డ్రాగన్ 845 ప్రాసెసర్, 4జీబి ర్యామ్, 64జీబి ఇంటర్నల్ స్టోరేజ్, 12.2 మెగా పిక్సల్ రేర్ ఫేసింగ్ కెమెరా, డ్యుయల్ ఫ్రంట్ కెమెరా, 3,430mAh బ్యాటరీ విత్ వైర్‌లెస్ ఛార్జింగ్.