డ్రైవింగ్ చేస్తున్న సమయంలో మెసేజ్‌కు రిప్లై ఇవ్వాల్సి వస్తే..?

సాధ్యమైనంత వరకు టెక్స్టింగ్‌లకు దూరంగా ఉండండి

డ్రైవింగ్ చేస్తున్న సమయంలో సాధ్యమైనంతవరకు వరకు ఫోన్ టెక్స్టింగ్‌లకు దూరంగా ఉండండి. అత్యవసర పరిస్థితుల్లో కొన్ని ముఖ్యమైన మెసేజ్‌లకు వెంటనే స్పందించాల్సి ఉంటుంది. ఇలాంటి సమయంలో హ్యాండ్స్- ఫ్రీ మెసేజింగ్ ఆప్షన్‌ను మీరు ఎంపిక చేసుకున్నట్లయితే రిస్క్ కాస్త తగ్గుతుంది. ఆండ్రాయిడ్ అలానే ఐఓఎస్ ప్లాట్‌ఫామ్‌లలో వాయిస్ కమాండ్స్ ఆధారంగా మెసెజ్‌లను టాకిల్ చేసే విధానాన్ని ఇప్పుడు చూద్దాం...

‘Google Now' పేరుతో శక్తివంతమైన టూల్‌...

ఆండ్రాయిడ్ స్మార్ట్‌ఫోన్ యూజర్ల కోసం గూగుల్ ‘Google Now' పేరుతో శక్తివంతమైన టూల్‌ను లాంచ్ చేసింది. వాయిస్ కమాండ్స్ ఆధారంగా స్పందించే ఈ హ్యాండ్స్ - ఫ్రీ టూల్ మీ వాయిస్ కమాండ్స్ ఆధారంగా పనిచేస్తుంది. ఇంటర్నెట్‌కు కనెక్ట్ అయి ఉన్న మీ ఆండ్రాయిడ్ ఫోన్‌లో మైక్రోఫోన్‌కు వినిపించేలా "OK, Google" అని చెప్పండి. వెంటనే ‘Google Now' మీ మాటలు వినే ప్రయత్నం చేస్తుంది.

మెసేజ్‌లను కూడా చదువుతోంది...

ఇప్పుడు గూగుల్ నౌ వాయిస్ కమాండ్ ఫీచర్ ఇన్ బాక్స్‌‌కు వచ్చే మెసేజ్‌లను కూడా చదువుతోంది. ‘Google Now' వాయిస్ టూల్‌ను ఉపయోగించుకుని మీ ఫోన్‌కు వచ్చిన చివరి సందేశాన్ని చెక్ చేసుకోవాలనుకుంటే ఫోన్ మైక్రోఫోన్ కు వినిపించేలా "OK, Google" show my last messages on phone అని కమాండ్ ఇవ్వండి. వెంటనే గూగుల్ మీ ఫోన్ చివరిగా వచ్చిన 5 మెసేజ్‌లను చూపిస్తుంది. ఆ మెసేజ్‌లను మీరు వినాలనుకుంటే ‘గూగుల్ నౌ' ఆ మెసెజ్‌లను చదివి వినిపించటంతో పాటు రిప్లై ఇవ్వమంటారా అని కూడా అడుగుతుంది.

ఐఫోన్‌ కోసం సిరి...

గూగుల్ నౌ తరహాలోనే యాపిల్ కూడా తన ఐఫోన్‌లకు సిరి (Siri) పేరుతో పర్సనల్ వాయిస్ అసిస్టెంట్ ఫీచర్‌ను అందిస్తోంది. ఈ హ్యాండ్స్ ఫ్రీ టూల్ ద్వారా ఐఫోన్ యూజర్లు వాయిస్ కమాండ్స్ ఆధారంగా మెసేజ్‌లకు రిప్లై ఇవ్వొచ్చు.

సిరి ఫీచర్ ముందుకు ప్రొసీడ్ అవ్వాలంటే...

ఐఫోన్ యూజర్లు ఈ సౌకర్యాన్ని ఉపయోగించుకోవాలంటే ముందుగా Siri ఫీచర్‌ను తమ ఫోన్‌లలో ఎనేబుల్ చేసుకోవల్సి ఉంటుంది. సిరి ఎనేబుల్ అయిన తరువాత యాక్టివేట్ చేసుకునేందుకు ఫోన్ మైక్రోఫోన్‌కు వినిపించేలా "Hey, Siri" Read my text messages అని వాయిస్ కమాండ్ ఇస్తే చాలు, వెంటనే మీ ఫోన్ మెసెజ్‌లను లొకేట్ చేసి Siri వాటిని చదవటం ప్రారంభిస్తుంది. ముందుగా మొదటి మెసేజ్‌ను చదివి రిప్లై ఇవ్వమంటారా అని అడుగుతుంది. మీరు సింపుల్‌గా YES లేదా NO అని చెప్పటం ద్వారా సిరి ఫీచర్ ముందుకు ప్రొసీడ్ అవుతుంది.