40 Mpతో 3 కెమెరాల స్మార్ట్‌ఫోన్,అదరగొడుతున్న ఫీచర్లు,బడ్జెట్ ధర

| Published: Tuesday, April 24, 2018, 15:00 [IST]

ఆపిల్, శాంసంగ్, షియోమి ఇంకా ఇతర కంపెనీల హైఎండ్ స్మార్ట్‌ఫోన్లను సవాల్ చేస్తే హువాయి కంపెనీ తన కొత్త ఫ్లాగ్ షిప్ డివైస్ ను మార్కెట్లోకి దించింది. ఈ రోజే ఇండియా మార్కెట్లో దీన్ని లాంచ్ చేసింది. హువాయి పీ20 ప్రొను ఈ రోజు హువాయి కంపెనీ భారత మార్కెట్‌లో విడుదల చేసింది. అద్భుత ఫీచర్లతో ఈ ఫోన్ ఇతర ఫోన్లను సవాల్ చేసేందుకు రెడీ అయింది. ఇందులో 6.1 ఇంచుల సైజ్ ఉన్న భారీ ఫుల్ వ్యూ డిస్‌ప్లేను ఏర్పాటు చేశారు. ఈ డిస్‌ప్లే పై భాగంలో ఐఫోన్ 10 తరహాలో నాచ్ ఉంటుంది. ఇవే కాక తొలిసారిగా మొబైల్ మార్కెట్లో 3 కెమెరాల ఫోన్ సందడి చేయనుందని కంపెనీ తెలిపింది. ఫీచర్లు, ధర ఇతర వివరాలను పరిశీలిస్తే..

ఫ్లిప్‌కార్ట్ గ్రాండ్ గాడ్జెట్ సేల్, 70 శాతం వరకు తగ్గింపు

40, 20, 8 మెగాపిక్సల్ కెపాసిటీ ఉన్న మూడు కెమెరాలు

ఈ ఫోన్‌లో వెనుక భాగంలో 40, 20, 8 మెగాపిక్సల్ కెపాసిటీ ఉన్న మూడు కెమెరాలను ఏర్పాటు చేశారు. వీటితో తీసుకునే ఫొటోలు, వీడియోలు నాణ్యంగా ఉంటాయి. 3ఎక్స్ వరకు ఆప్టికల్ జూమ్‌ను ఉపయోగించి ఈ కెమెరాల ద్వారా ఫొటోలను తీసుకోవచ్చు.

ఫోన్ ముందు భాగంలో

ఇక ఫోన్ ముందు భాగంలో ఉన్న 24 మెగాపిక్సల్ సెల్ఫీ కెమెరా ద్వారా డివైస్‌ను ఫేస్ సహాయంతో అన్‌లాక్ చేయవచ్చు. వీడియోలను చాలా నెమ్మదిగా షూట్ చేసుకునేందుకు సూపర్ స్లో మోషన్ సపోర్ట్‌ను ఏర్పాటు చేశారు. ఈ ఫోన్‌లో ఉన్న అల్ట్రా స్నాప్‌షాట్ మోడ్ ద్వారా కేవలం 0.3 సెకండ్ల వ్యవధిలోనే ఫొటోలను తీసుకోవచ్చు.

మిడ్‌నైట్ బ్లూ కలర్‌లో ..

హువావే పీ20 ప్రొ స్మార్ట్‌ఫోన్ కేవలం మిడ్‌నైట్ బ్లూ కలర్‌లో మాత్రమే విడుదల కాగా రూ.64,999 ధరకు వినియోగదారులకు అమెజాన్ సైట్ ద్వారా ప్రత్యేకంగా లభ్యం కానుంది. మే 3వ తేదీ నుంచి ఈ ఫోన్‌కు విక్రయాలు ప్రారంభం కానున్నాయి.

పీ 20 లైట్‌

దీంతో పాటు హువాయి కంపెనీ పీ 20 లైట్‌ను కూడా మార్కెట్లో ప్రవేశపెట్టింది. ఈ ఫోన్ కూడా అమెజాన్ డాట్ ఇన్ లో మే 3వ తేదీ నుంచి విక్రయాలు ప్రారంభం కానున్నాయి. కంపెనీ దీని ధరను 19,999 రూపాయలుగానూ కంపెనీ నిర్ణయించింది. కాగా ఇందులో 24 ఎంపీ సెల్ఫీ కెమెరా ప్రధాన ఆకర్షణగా నిలవనుంది.

హువావే పీ20 ప్రొ ఫీచర్లు

6.1 ఇంచ్ ఫుల్ హెచ్‌డీ ప్లస్ ఓలెడ్ డిస్‌ప్లే, 2240 x 1080 పిక్సల్స్ స్క్రీన్ రిజల్యూషన్, ఆక్టాకోర్ హువాయి కైరిన్ 970 ప్రాసెసర్, 6 జీబీ ర్యామ్, 128 జీబీ స్టోరేజ్, ఆండ్రాయిడ్ 8.1 ఓరియో, డ్యుయల్ సిమ్, 40, 20, 8 మెగాపిక్సల్ ట్రిపుల్ బ్యాక్ కెమెరాలు, 24 మెగాపిక్సల్ సెల్ఫీ కెమెరా, ఐపీ 67 వాటర్, డస్ట్ రెసిస్టెన్స్, యూఎస్‌బీ టైప్ సి, డాల్బీ అట్మోస్, డ్యుయల్ 4జీ వీవోఎల్‌టీఈ, డ్యుయల్ బ్యాండ్ వైఫై, బ్లూటూత్ 4.2 ఎల్‌ఈ, ఎన్‌ఎఫ్‌సీ, 4000 ఎంఏహెచ్ బ్యాటరీ, ఫాస్ట్ చార్జింగ్.