ఇన్ఫినిక్స్ GT 50 ప్రో లాంచ్ డేట్ ఫిక్స్.. గేమింగ్ ప్రియుల కోసం 'హైడ్రోఫ్లో' కూలింగ్ విండోతో అదిరిపోయే డిజైన్!

ఇన్ఫినిక్స్ తన కొత్త స్మార్ట్‌ఫోన్ GT 50 ప్రోను అక్టోబర్ 27న భారత్‌లో లాంచ్ చేయనున్నట్లు అధికారికంగా ప్రకటించింది. ప్రముఖ ఈ-కామర్స్ సైట్ ఫ్లిప్‌కార్ట్ ద్వారా మాత్రమే ఇది అందుబాటులోకి రానుంది. గేమింగ్ ప్రియులను ఆకట్టుకునేలా ప్రత్యేక డిజైన్‌తో వస్తున్న ఈ ఫోన్‌లో 'హైడ్రోఫ్లో' లిక్విడ్ కూలింగ్ సిస్టమ్ బయటకు కనిపించేలా ఒక స్పెషల్ 'విండో'ను అందించారు. ప్రస్తుతం నడుస్తున్న అక్టోబర్ పండగ సేల్స్ ముగిసిన వెంటనే ఈ ఫోన్ మార్కెట్‌లోకి వస్తుండటం విశేషం.

ఇన్ఫినిక్స్ సిగ్నేచర్ ‘సైబర్ మెకా’ డిజైన్‌తో పాటు, ఇందులో కొత్తగా ‘ఎక్స్‌ప్లిసిట్ వ్యూపోర్ట్ డిజైన్’ను తీసుకువస్తున్నారు. దీనివల్ల ఫోన్ లోపల ఉండే కూలింగ్ ఛానెల్స్ బయటకు స్పష్టంగా కనిపిస్తాయి. భారత్‌లో ఇది ‘బ్లాక్ అబీస్’, ‘రెడ్ బ్లేజ్’ రంగుల్లో లభించనుంది. ఈ పండగ సీజన్‌లో భారత్‌లో ఇటువంటి డిజైన్‌తో వస్తున్న తొలి ఫోన్ ఇదేనని కంపెనీ చెబుతోంది.

ఇన్ఫినిక్స్ GT 50 ప్రో ఇండియా లాంచ్: ఫ్లిప్‌కార్ట్ ఎక్స్‌క్లూజివ్, హైడ్రోఫ్లో కూలింగ్ విండో!

ఈ ఫోన్ లాంచ్‌పై ఆసక్తిని పెంచేందుకు ఫ్లిప్‌కార్ట్‌లో ఇన్ఫినిక్స్ ఒక మైక్రోసైట్‌ను ఏర్పాటు చేసింది. ఇందులో క్లిక్ ఛాలెంజ్ ద్వారా యూజర్లు పలు రివార్డులు గెలుచుకునే అవకాశం కల్పించింది. ఇక గేమింగ్ ఎకోసిస్టమ్‌లో భాగంగా, ఎక్కువసేపు గేమ్స్ ఆడేవారి కోసం ‘GT మాగ్‌ఛార్జ్ కూలర్ 2.0’, బైపాస్ ఛార్జింగ్‌కు సపోర్ట్ చేసే ‘GT గేమింగ్ కిట్’ వంటి యాక్సెసరీలను కూడా పరిచయం చేస్తోంది. లాంచ్‌కు ముందే యూజర్లు ఈ రివార్డులు, యాక్సెసరీలను సొంతం చేసుకోవచ్చు.

BBD / GIF సేల్స్‌లో కొనేయాలా? లేదా ఈ ఫోన్ కోసం ఆగాలా?

ఫ్లిప్‌కార్ట్ ‘బిగ్ బిలియన్ డేస్’ అక్టోబర్ 9న (అక్టోబర్ 8న ఎర్లీ యాక్సెస్), అమెజాన్ ‘గ్రేట్ ఇండియన్ ఫెస్టివల్’ అక్టోబర్ 8న ప్రారంభమయ్యాయి. మీకు ఇప్పుడే అర్జెంట్‌గా ఫోన్ కావాలి, మంచి కెమెరా లేదా క్లీన్ సాఫ్ట్‌వేర్ ఉన్న ఫోన్ ముఖ్యం అనుకుంటే.. ప్రస్తుతం నడుస్తున్న సేల్స్‌లోనే కొనుగోలు చేయడం మంచిది. అలా కాకుండా, డిఫరెంట్ లిక్విడ్ కూలింగ్ లుక్, ప్రత్యేకమైన GT గేమింగ్ యాక్సెసరీలు కావాలనుకుంటే మాత్రం మరో రెండు వారాలు ఆగడమే మంచి నిర్ణయం.

ధర, వేరియంట్లు, మొదటి సేల్ ఆఫర్ల వివరాలను కంపెనీ ఇంకా గోప్యంగా ఉంచింది. కాబట్టి బడ్జెట్ చూసుకుని ఫోన్ కొనేవారు అధికారిక ప్రకటనా వరకు వేచి చూడటం శ్రేయస్కరం. ఎప్పటిలాగే బ్యాంక్ ఆఫర్లు, నో-కాస్ట్ ఈఎమ్‌ఐ, ఎక్స్ఛేంజ్ బోనస్‌లు ఉండే అవకాశం ఉంది. మీకు ఈ ఫోన్ నచ్చితే.. ఇప్పటి నుంచే ఫ్లిప్‌కార్ట్‌లో అలర్ట్స్ సెట్ చేసుకొని, నచ్చిన కలర్ ఎంచుకోండి. లాంచ్ రోజు ధర, ఆఫర్లు చూసి ఫైనల్ నిర్ణయం తీసుకోండి!