రూ.11499 ధరకు 50MP కెమెరా, అల్ట్రాలింక్‌ ఫీచర్‌, AI బటన్‌తో 5G స్మార్ట్‌ఫోన్‌!

Infinix Hot 60 5G Smartphone : భారత్‌ మార్కెట్‌లో బడ్జెట్‌ ధరలో అనేక 5G స్మార్ట్‌ఫోన్‌లు అందుబాటులో ఉన్నాయి. ఇన్ఫినిక్స్‌ సంస్థ ఈ సంవత్సరం వివిధ ఫోన్‌లను లాంచ్ చేసింది. జులై నెలలో ఇన్ఫినిక్స్‌ హాట్‌ 60 5G+ స్మార్ట్‌ఫోన్‌ను లాంచ్ చేసింది. ఈ ఫోన్ ఆకట్టుకొనే డిజైన్‌తోపాటు HD+ డిస్‌ప్లే, 50MP కెమెరా, 5200mAh బ్యాటరీతో పనిచేస్తోంది.

రూ.11499 ధరకే :
ఇన్ఫినిక్స్‌ హాట్ 60 5G+ స్మార్ట్‌ఫోన్‌ ప్రస్తుతం ఫ్లిప్‌కార్ట్‌, ఇన్ఫినిక్స్‌ వెబ్‌సైట్‌లోనూ అందుబాటులో ఉంది. ప్రస్తుతం ఈ ఫోన్‌ 6GB ర్యామ్ + 128GB స్టోరేజీ ధర రూ.11499 గా ఉంది. దీంతోపాటు ఎంపిక చేసిన బ్యాంకు కార్డులపై డిస్కౌంట్‌ను పొందవచ్చు.

HD+ డిస్‌ప్లే, IP64 రేటింగ్ :
ఇన్ఫినిక్స్‌ హాట్ 60 5G+ స్మార్ట్‌ఫోన్‌ 120Hz రీఫ్రెష్‌ రేట్‌తో 6.7 అంగుళాల HD+ డిస్‌ప్లేతో అందుబాటులో ఉంది. ఈ డిస్‌ప్లే 700 నిట్స్‌ గరిష్ఠ బ్రైట్‌సెన్‌ను కలిగి ఉంది. ఈ హ్యాండ్‌సెట్‌ IP64 రేటింగ్‌తో డస్ట్‌, స్ల్పాష్‌ రెసిస్టెంట్‌గా ఉంది. ఈ ఫోన్ షాడో బ్లూ, టండ్ర గ్రీన్‌, కారమెల్‌ గ్లో కలర్ వేరియంట్స్‌లో అందుబాటులో ఉంది.

ఏఐ బటన్‌ :
ఈ హ్యాండ్‌సెట్ మీడియాటెక్ డైమెన్సిటీ 7020 SoC ప్రాసెసర్‌ ను కలిగి ఉంది. ఈ ప్రాసెసర్‌ 6GB LPDDR45x ర్యామ్, 128GB స్టోరేజీతో జతచేసి ఉంది. ఆండ్రాయిడ్‌ 15 ఆధారిత XOS 15 పైన పనిచేస్తోంది. ఈ ఫోన్ ఏఐ బటన్‌ను కలిగి ఉంది. ఈ బటన్ ద్వారా అనేక యాప్స్‌ను సులభంగా ఉపయోగించుకోవచ్చని ఇన్ఫినిక్స్ చెబుతోంది.

అల్ట్రాలింక్‌ ఫీచర్‌ :
ఈ ఫోన్‌లో అల్ట్రాలింక్‌ ఫీచర్‌ ఉంది. ఈ ఫీచర్‌తో బలహీనమైన నెట్‌వర్క్‌ లేదా పూర్తిగా నెట్‌వర్క్‌ కవరేజీ లేని ప్రాంతాల్లో ఈ ఫీచర్‌తో కాలింగ్‌ చేసుకోవచ్చు. అయితే ఈ ఫీచర్‌ ఇన్ఫినిక్స్‌ ఫోన్‌ల మధ్య మాత్రమే పనిచేస్తుంది. ఈ ఫోన్‌ AI వాయిస్‌ అసిస్టెంట్‌ Folax ను కూడా కలిగి ఉంది.

50MP కెమెరా :
కెమెరా విభాగం పరంగా వెనుక వైపు 50MP ప్రైమరీ కెమెరా, ముందు వైపు సెల్ఫీ, వీడియో కాల్స్‌ కోసం 8MP కెమెరాను కలిగి ఉంది. ఈ హ్యాండ్‌సెట్ డ్యూయల్‌ మోడల్‌ వీడియో రికార్డింగ్‌ ఫీచర్‌ను కలిగి ఉంది. దీంతోపాటు Super Night, Slow Motion, Beauty Portrairt వంటి ఫీచర్లను కలిగి ఉంది.

రివర్స్‌, బైపాస్‌ ఛార్జింగ్‌ :
ఇన్ఫినిక్స్ హాట్‌ 60 5G స్మార్ట్‌ఫోన్ 18W ఛార్జింగ్‌ సపోర్టుతో 5200mAh బ్యాటరీతో పనిచేస్తోంది. ఈ ఫోన్ బైపాస్‌ ఛార్జింగ్, రివర్స్‌ వైర్ ఛార్జింగ్ సపోర్టును కలిగి ఉంది. ఈ హ్యాండ్‌సెట్ సర్కిల్‌ టు సెర్చ్‌, ఏఐ కాల్‌ అసిస్టెంట్‌, ఏఐ రైటింగ్‌ అసిస్టెంట్‌ వంటి ఫీచర్లు ఉన్నాయి.

గేమింగ్ ఫీచర్లు :
ఈ హ్యాండ్‌సెట్‌ XBoost AI గేమ్‌ మోడ్‌, హైపర్‌ ఇంజన్ 5.0 లైట్‌ గేమింగ్‌ టెక్నాలజీని కూడా ఉంది. ఈ ఫోన్‌ 90fps ను సపోర్టు చేస్తుంది. ఈ ఫోన్‌ 5G, 4G, బ్లూటూత్‌, వైఫై, USB-C ఛార్జింగ్‌ పోర్టును కలిగి ఉంది.