షియోమికి షాక్, ఒకేసారి 3 ఫోన్లతో..

షియోమికి ధీటుగా మరో కంపెనీ ఇండియా మార్కెట్లోకి రానుంది. హాంగ్‌కాంగ్‌కు చెందిన ఇన్ఫినిక్స్ అనే కంపెనీ భారత స్మార్ట్‌ఫోన్ మార్కెట్‌లోకి రంగ ప్రవేశం చేయనున్నట్టు తెలిసింది.

By Hazarath

Published: Monday, July 31, 2017, 10:52 [IST]

షియోమికి ధీటుగా మరో కంపెనీ ఇండియా మార్కెట్లోకి రానుంది. హాంగ్‌కాంగ్‌కు చెందిన ఇన్ఫినిక్స్ అనే కంపెనీ భారత స్మార్ట్‌ఫోన్ మార్కెట్‌లోకి రంగ ప్రవేశం చేయనున్నట్టు తెలిసింది. ఈ కంపెనీకి చెందిన మోడల్స్‌ను అతి త్వరలో ఫ్లిప్‌కార్ట్ సైట్‌లో అమ్మకానికి ఉంచనున్నట్టు సమాచారం. ఇప్పటికే ఈ ఫోన్ల టీజర్ సోషల్ మీడియాలో హల్ చల్ చేస్తున్నాయి. కాగా ఈ కంపెనీకి చెందిన టీజర్ ను #GoBeyond హ్యాష్‌టాగ్ పేరిట ఫ్లిప్‌కార్ట్‌లో ఉంచారు. దీని ప్రకారం 'జీరో 4, జీరో 4 ప్లస్, నోట్ 4' పేరిట మూడు ఫోన్లను మొదట విడుదల చేస్తుందని తెలిసింది. ఫీచర్లు ఎలా ఉన్నాయంటే..

ఇన్ఫినిక్స్ జీరో 4 ఫీచర్లు

5.5 ఇంచ్ ఫుల్ హెచ్‌డీ ఐపీఎస్ డిస్‌ప్లే, 1.3 గిగాహెడ్జ్ ఆక్టాకోర్ ప్రాసెసర్, 3 జీబీ ర్యామ్, 16, 8 మెగాపిక్సల్ బ్యాక్, ఫ్రంట్ కెమెరాలు, 3000 ఎంఏహెచ్ బ్యాటరీ, ఆండ్రాయిడ్ 6.0 మార్ష్‌మాలో తదితర ఫీచర్లు ఉండనున్నట్టు సమాచారం.

జీరో 4 ప్లస్ స్మార్ట్‌ఫోన్‌ ఫీచర్లు

5.98 ఇంచ్ ఫుల్ హెచ్‌డీ ఐపీఎస్‌డిస్‌ప్లే, 2.1 గిగాహెడ్జ్ డెకా కోర్ ప్రాసెసర్, 4 జీబీ ర్యామ్, 32/64 జీబీ స్టోరేజ్, 20, 13 మెగాపిక్సల్ బ్యాక్, ఫ్రంట్ కెమెరాలు, 4000 ఎంఏహెచ్ బ్యాటరీ వంటి ఫీచర్లు ఇందులో ఉండనున్నాయి.

ఇన్ఫినిక్స్ నోట్ 4 ఫీచర్లు

5.7 ఇంచ్ ఫుల్ హెచ్‌డీ ఐపీఎస్ 2.5డి కర్వ్‌డ్ గ్లాస్ డిస్‌ప్లే, ఆక్టాకోర్ ప్రాసెసర్, 2 జీబీ ర్యామ్, 16 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, డ్యుయల్ సిమ్, ఆండ్రాయిడ్ 6.0 మార్ష్‌మాలో, 13, 8 మెగాపిక్సల్ బ్యాక్, ఫ్రంట్ కెమెరాలు, 4300 ఎంఏహెచ్ బ్యాటరీ ఫీచర్లు ఉండనున్నట్టు తెలిసింది.

అచ్చం షియోమీ ఫోన్లను

అతి త్వరలోనే ఈ ఫోన్లు భారత మార్కెట్‌లో అందుబాటులోకి రానున్నాయి. ఇంకా ఆశ్చర్యకరమైన విషయం ఏంటంటే ఈఫోన్లకు చెందిన డిజైన్ అచ్చం షియోమీ ఫోన్లను పోలి ఉండడం విశేషం.