Infinix S5 Pro: సరసమైన ధరలో పాప్-అప్ సెల్ఫీ కెమెరా ఫోన్

ఈ కొత్త స్మార్ట్‌ఫోన్‌తో ఇన్ఫినిక్స్ సంస్థ ఇప్పుడు S5 సిరీస్‌లో మూడు స్మార్ట్‌ఫోన్‌లను అందిస్తుంది. ఇన్ఫినిక్స్ S5 మరియు S5 లైట్‌ స్మార్ట్‌ఫోన్‌లతో పాటు ప్రీమియం ఫీచర్లతో మరో ఎంట్రీ లెవల్ స్మార్ట్‌ఫోన్‌గా ఇన్ఫినిక్స్ S5 ప్రో ఇండియాలోకి ప్రవేశిస్తున్నది.

ధరల వివరాలు

ఇన్ఫినిక్స్ S5 ప్రో USP యొక్క పాప్-అప్ సెల్ఫీ కెమెరాను కలిగి ఉండి కేవలం ఒకే ఒక వేరియంట్ తో వస్తుంది. 4GB RAM మరియు 64GB స్టోరేజ్ వేరియంట్ తో మాత్రమే లభించే ఈ ఫోన్ యొక్క ధర రూ.9,999 లుగా ఉన్నది. పాప్-అప్ సెల్ఫీ కెమెరా గల హానర్ 9X మరియు టెక్నో కామన్ 15 ప్రోలు వరుసగా రూ.13,999 మరియు రూ.14,999 ధరను కలిగి ఉన్నాయి.

సేల్స్ ఆఫర్స్

ఇన్ఫినిక్స్ S5 ప్రోను మార్చి 13 నుంచి ఆన్‌లైన్‌లో ఫ్లిప్‌కార్ట్ ద్వారా కొనుగోలు చేయవచ్చు. దీనిని నెలకు రూ.840 EMI ధరతో కొనుగోలు చేయవచ్చు. రిలయన్స్ జియోతో ప్రత్యేకమైన ఆఫర్ కూడా అందిస్తుంది. ఇందులో భాగంగా వినియోగదారులు రూ.50 చొప్పున 24 వోచర్ల రూపంలో రూ.1,200 క్యాష్‌బ్యాక్ ను పొందవచ్చు.

స్పెసిఫికేషన్స్

ఇన్ఫినిక్స్ S5 ప్రో యొక్క డిస్ప్లే విషయానికొస్తే ఇది 20: 9 కారక నిష్పత్తి మరియు 90.5 శాతం స్క్రీన్-టు-బాడీ రేషియోతో గల 6.53-అంగుళాల హెచ్‌డి+ రిజల్యూషన్ తో వస్తుంది. దీని యొక్క డిస్ప్లే మెరుగైన బెజెల్స్ నిర్మాణంను కలిగి ఉంటుంది. అలాగే ముందు మరియు వెనుక వైపున 2.5D గొరిల్లా గ్లాస్ ప్రొటెక్షన్ ను కూడా కలిగి ఉంది.

కెమెరా సెటప్

ఇన్ఫినిక్స్ S5 ప్రో స్మార్ట్‌ఫోన్‌ వెనుక వైపు ట్రిపుల్ రియర్ కెమెరా సెటప్ ను కలిగి ఉంటుంది. ఇందులో మెయిన్ కెమెరా 48 మెగాపిక్సెల్ సెన్సార్‌తో మరియు రెండు 2-మెగాపిక్సెల్ కెమెరాలు డీప్ సెన్సార్‌ మరియు తక్కువ కాంతి సెన్సార్‌లతో వస్తాయి. ఇది వెనుక భాగంలో డ్యూయల్ ఎల్ఈడి ఫ్లాష్ లను కలిగి ఉంటుంది. ఇందులోని డీప్ సెన్సార్‌ మోడ్ తక్కువ కాంతిలో కూడా తొమ్మిది రకాల సన్నివేశాలను గుర్తించగలదు. పోర్ట్రెయిట్ లెన్స్ అనుకూలీకరించదగిన సామర్థ్యంను కలిగిఉంటుంది. సెల్ఫీలు మరియు వీడియో కాలింగ్ కోసం ముందు భాగంలో 16 మెగాపిక్సెల్ సెన్సార్‌తో పాప్-అప్ సెల్ఫీ కెమెరాను కలిగి ఉంటుంది.

ఇన్ఫినిక్స్ S5 ప్రో స్మార్ట్‌ఫోన్‌ కెమెరా ఇంటర్‌ఫేస్‌తో గూగుల్ లెన్స్ ఇంటిగ్రేషన్ ను అందిస్తుంది. ఇది మీడియాటెక్ హెలియో P35 SoC ఆధారంగా రన్ అవుతుంది. ఇది 4GB ర్యామ్ మరియు 64GB స్టోరేజ్ తో జత చేయబడి వస్తుంది. ఇది SD కార్డ్ స్లాట్ ను కలిగి ఉండి మెమొరీని 256GB వరకు విస్తరించడానికి వీలును కలిగి ఉంటుంది. ఈ స్మార్ట్‌ఫోన్ ఆండ్రాయిడ్ 10 ఆధారంగా XOS 6.0 డాల్ఫిన్ ఓఎస్‌తో రన్ అవుతుంది.

బ్యాటరీ

ఇన్ఫినిక్స్ ఎస్ 5 ప్రో 4,000 ఎమ్ఏహెచ్ బ్యాటరీతో ప్యాక్ చేయబడి వస్తుంది. ఇది ఒక ఛార్జీమీద 28 గంటల మ్యూజిక్ ప్లేబ్యాక్‌ను అందిస్తుంది. ఈ ఫోన్‌లోని కనెక్టివిటీ ఎంపికలలో 4G LTE, వై-ఫై 802.11 a/b/g/n, బ్లూటూత్ 5.0, మరియు GPS ఫీచర్లు ఉన్నాయి. తాజా ఇన్ఫినిక్స్ ఫోన్ 162.5x76.88x8.95 mm పరిమాణంను కలిగి ఉండి 194 గ్రాముల బరువును కలిగి ఉంటుంది.