అమెజాన్, ఫ్లిప్‌కార్ట్ సేల్: ఐఫోన్ 16, 15 ధరలు చూస్తే షాక్ అవ్వాల్సిందే!

అక్టోబర్ 13న అమెజాన్ గ్రేట్ ఇండియన్ ఫెస్టివల్, ఫ్లిప్‌కార్ట్ బిగ్ బిలియన్ డేస్ సేల్స్‌లో ఐఫోన్ల కోసం కస్టమర్లు భారీగా పోటీపడుతున్నారు. ఎస్‌బీఐ బ్యాంక్ డిస్కౌంట్లు, కూపన్లు కలిపితే అమెజాన్‌లో ఐఫోన్ 16 (128GB) ఎఫెక్టివ్ ధర రూ.70,000 సమీపానికి చేరుతోంది. ఇక ఫ్లిప్‌కార్ట్‌లో నేటి పార్ట్‌నర్ బ్యాంక్ ఆఫర్లు, ఎక్స్ఛేంజ్ బోనస్‌లతో ఐఫోన్ 15 (128GB) మోడల్ సుమారు రూ.63,999 వద్ద లభిస్తూ అందరి దృష్టినీ ఆకర్షిస్తోంది.

కొత్తగా వచ్చిన బేస్ మోడల్ ఐఫోన్ 16కే డిమాండ్ విపరీతంగా ఉంది. అమెజాన్ ఫెస్టివల్ సేల్‌లో టాప్ పిక్స్‌లో ఒకటిగా నిలిచిన ఈ ఫోన్‌ను ముంబై, ఢిల్లీ, బెంగళూరు, హైదరాబాద్‌లలోని కొందరు ఎంపిక చేసిన కస్టమర్లకు నిమిషాల్లోనే డెలివరీ చేస్తున్నారు. ధరలు పెరగడం లేదా స్టాక్ అయిపోక ముందే దక్కించుకోవాలని కస్టమర్లు ఆరాటపడుతుండటంతో ఈ స్పీడ్ డెలివరీ క్రేజ్ మరింత పెరిగింది.

అత్యధికంగా అమ్ముడవుతున్న ఐఫోన్లు: GIF/BBD సేల్‌లో మోడల్, స్టోరేజ్ వివరాలు

రూ. 72,000 లోపే ఎఫెక్టివ్ ధరకు వస్తుండటంతో ఈరోజు ఐఫోన్ 16 128GB సేల్స్‌లో దూసుకుపోతోంది. ఇక కార్డ్ బెనిఫిట్స్‌తో తక్కువ ధరకే లభిస్తుండటంతో విద్యార్థులు, బడ్జెట్ బయేర్స్ ఫ్లిప్‌కార్ట్‌లో ఐఫోన్ 15 128GB వైపు మొగ్గు చూపుతున్నారు. కెమెరా ఫీచర్లు, ప్రోరెస్ (ProRes) రికార్డింగ్ కోసం ఎక్కువ స్టోరేజ్ అవసరం కాబట్టి ప్రో లవర్స్ 256GB వైపు చూస్తున్నారు. కంటెంట్ క్రియేటర్లకు ఫ్లిప్‌కార్ట్‌లో అందుబాటులో ఉన్న 16 ప్రో 256GB బెస్ట్ ఆప్షన్‌గా నిలుస్తోంది.

అక్టోబర్ 13 బ్యాంక్ ఆఫర్లు, EMI పరిమితులు

అమెజాన్‌లో SBI క్రెడిట్, డెబిట్, EMI చెల్లింపులపై 10% ఇన్‌స్టంట్ డిస్కౌంట్ లభిస్తోంది. దీనికి ఎక్స్ఛేంజ్ ఆఫర్, నో-కాస్ట్ EMI కూడా జత చేసుకోవచ్చు. ఇక ఫ్లిప్‌కార్ట్‌లో Axis, ICICI బ్యాంక్ కార్డ్స్‌పై 10% ఇన్‌స్టంట్ డిస్కౌంట్ ఇస్తున్నారు. సరిపోయే లావాదేవీలపై Axis బ్యాంక్ తగ్గింపు గరిష్టంగా ₹17,250 వరకు ఉండగా, చాలా ICICI కార్డ్‌లపై ప్రాథమిక పరిమితి ₹1,500గా ఉంది. ఆఫర్ల పూర్తి వివరాల కోసం ప్రాడక్ట్ పేజీలను చూడటం మంచిది.

ఈరోజు డెలివరీ తేదీలు, లభ్యత వివరాలు

అమెజాన్ నాలుగు ప్రధాన మెట్రో నగరాల్లో ఐఫోన్ 16ను నిమిషాల వ్యవధిలోనే డెలివరీ చేస్తున్నప్పటికీ, ఇతర ప్రాంతాల్లో పిన్‌కోడ్, డిమాండ్‌ను బట్టి సమయం మారుతుంది. ఫ్లిప్‌కార్ట్‌లో కూడా ప్రాడక్ట్, లొకేషన్ ఆధారంగా డెలివరీ సమయాలు ఉంటాయని, పీక్ అవర్స్‌లో ఈ డెలివరీ తేదీలు మారవచ్చని స్పష్టం చేసింది. ఇక ఆఫ్‌లైన్‌లో కొనుగోలు చేసేవారు స్టోర్లలో లభించే ఆపిల్ ట్రేడ్-ఇన్ (Apple Trade In) ద్వారా పాత ఫోన్‌ ఇచ్చి కొత్త ఐఫోన్‌పై తక్షణ క్రెడిట్ పొందవచ్చు.

ఏ ఫోన్ కొంటే బెస్ట్? కొనుగోలుదారుల కోసం క్విక్ సజెషన్స్: తక్కువ బడ్జెట్‌లో ఐఫోన్ అనుభూతిని పొందాలనుకునే విద్యార్థులు, మొదటిసారి iOS ఉపయోగిస్తున్న వారు ఫ్లిప్‌కార్ట్‌లో ఐఫోన్ 15 128GB ఎంచుకోవడం మంచిది. ఆపిల్ ఇంటెలిజెన్స్ (Apple Intelligence) కావాలనుకునే సాధారణ వినియోగదారులు అమెజాన్‌లో ఇప్పుడు తక్కువ ధరకు దొరుకుతున్న ఐఫోన్ 16 128GB కొనవచ్చు. క్రియేటర్లు, గేమర్లు ఎక్స్ఛేంజ్ బోనస్‌తో పాటు Axis లేదా ICICI బ్యాంక్ ఆఫర్లు సరిగ్గా కలిసొచ్చే వరకు ఐఫోన్ 16 ప్రో 256GB కోసం వేచి చూడడం బెటర్.