ఐఫోన్ 16 ప్లస్‌పై ఏకంగా రూ.15,000 డిస్కౌంట్.. 6.7-అంగుళాల డిస్‌ప్లే, 48MP కెమెరా దీని సొంతం..!

iPhone 16 Plus discount: ఐఫోన్ 16 ప్లస్ (iPhone 16 Plus) కోసం ఎదురుచూస్తున్న వారికి ఇది నిజంగా శుభవార్త. ఫ్లిప్‌కార్ట్ (Flipkart) ఇప్పుడు ఈ ఫోన్ 128 GB మోడల్‌పై భారీ డిస్కౌంట్‌ను ప్రకటించింది. దీంతో ఈ ప్రీమియం ఫోన్ కొనడం గతంలో కంటే చాలా సులభమైంది. అసలు ధర రూ.89,900 ఉండగా, ఫ్లిప్‌కార్ట్ ఇప్పుడు రూ.79,999కే లిస్ట్ చేసింది.

అంటే నేరుగా రూ.9,901 తగ్గింపు లభిస్తోంది. ఎంపిక చేసిన కొన్ని బ్యాంకుల క్రెడిట్ కార్డులను ఉపయోగించి (EMI లేకుండా) కొనుగోలు చేస్తే, అదనంగా మరో రూ.5,000 తగ్గింపు పొందవచ్చు. అంటే, మొత్తం మీద దాదాపు రూ.14,901 (సుమారు రూ.15,000) ఆదా అవుతుంది. పాత స్మార్ట్‌ఫోన్‌ను ఎక్స్‌ఛేంజ్ చేసుకుంటే ఫోన్ ధర మరింత తగ్గుతుంది.

* ఈ డీల్ ఎందుకంత స్పెషల్..
సాధారణంగా ఐఫోన్లపై ఇలాంటి ఆఫర్లు రావడం చాలా అరుదు. ముఖ్యంగా ఫోన్ విడుదలైన ఇంత తక్కువ సమయంలో ఇలాంటి డిస్కౌంట్ ఊహించలేనిది. యాపిల్ ఉత్పత్తుల ధరలు అంత త్వరగా తగ్గవు. అలాంటిది, ఫ్లాట్ డిస్కౌంట్, బ్యాంక్ ఆఫర్ కలిపి దాదాపు రూ. 15,000 తగ్గడం నిజంగా పెద్ద విషయం.

* ఐఫోన్ 16 ప్లస్ ముఖ్య ఫీచర్లు..
ఐఫోన్ 16 ప్లస్‌లో పెద్ద 6.7-అంగుళాల సూపర్ రెటినా XDR OLED డిస్‌ప్లే ఉంది. ఇది అద్భుతమైన రంగులను, స్పష్టమైన వివరాలను చూపిస్తుంది. దీనిలో యాపిల్ A18 చిప్‌ను వాడారు, ఫోన్ చాలా వేగంగా పనిచేస్తుంది. 4,674 mAh బ్యాటరీ కెపాసిటీతో వస్తుంది. బ్యాటరీ లైఫ్ దీనికి అతి పెద్ద ప్లస్ పాయింట్.

ఒక్కసారి ఛార్జ్ చేస్తే దాదాపు 27 గంటల పాటు వీడియోలు చూడొచ్చని యాపిల్ చెబుతోంది. దీని వెనుకవైపు 48MP మెయిన్ కెమెరా, 12MP అల్ట్రా-వైడ్ లెన్స్ ఉన్నాయి. ముందువైపు 12MP కెమెరా ఇచ్చారు. ఫోన్ డిజైన్‌లో అల్యూమినియం ఫ్రేమ్ ఉపయోగించారు. నీరు, దుమ్ము నుంచి రక్షణ కోసం IP68 రేటింగ్ కూడా ఉంది.

* ఏవి బాగున్నాయి, ఏవి బాలేవు..?
డిస్‌ప్లే చూడటానికి చాలా బాగుంది, ఫోన్ చేతిలో పట్టుకుంటే ప్రీమియం ఫీలింగ్ వస్తుంది. గేమింగ్ ఆడటానికి, ఒకేసారి ఎక్కువ పనులు చేయడానికి (మల్టీటాస్కింగ్), మంచి క్వాలిటీ ఫోటోలు, వీడియోలు తీయడానికి ఇది అద్భుతంగా పనిచేస్తుంది. ముఖ్యంగా బ్యాటరీ లైఫ్ ఎక్కువసేపు వస్తుంది కాబట్టి, ఫోన్ ఎక్కువగా వాడేవారికి ఇది బాగా నచ్చుతుంది.

అయితే, కొన్ని విషయాలు నిరాశపరచవచ్చు. డిస్‌ప్లే రిఫ్రెష్ రేట్ ఇప్పటికీ 60Hz మాత్రమే ఉంది. ఈ ధరలో వస్తున్న ఇతర ఫోన్లతో పోలిస్తే ఇది కొంచెం పాత టెక్నాలజీలా అనిపిస్తుంది. అలాగే, ఫాస్ట్ ఛార్జింగ్ సపోర్ట్, ఆల్వేస్-ఆన్ డిస్‌ప్లే వంటి ఫీచర్లు ఇందులో లేవు.

అంతేకాకుండా, USB-C పోర్ట్ ఉన్నా, అది కేవలం USB 2.0 వేగాన్ని మాత్రమే సపోర్ట్ చేస్తుంది. యాపిల్ ఇంటెలిజెన్స్ (Apple Intelligence) ఫీచర్లు కూడా కొన్న వెంటనే అందుబాటులో ఉండవు.