అదిరిపోయే ఫీచర్లతో ఐఫోన్ 17 స్మార్ట్‌ఫోన్‌ వచ్చేసింది.. A19 చిప్‌సెట్‌, 48MP కెమెరా..!

ఆపిల్ ఇవాళ Awe Dropping Event నిర్వహించింది. ఇందులో ఐఫోన్ 17 సిరీస్‌ ను లాంచ్‌ చేసింది. ఈ సిరీస్‌లో భాగంగా ఐఫోన్ 17, ఐఫోన్ ఎయిర్‌, ఐఫోన్ 17 ప్రో, ఐఫోన్ 17 ప్రో మ్యాక్స్‌ మోడల్స్‌ ను లాంచ్ చేసింది. దీంతోపాటు వాచ్‌ 11 సిరీస్‌, ఎయిర్‌పాడ్స్‌ ప్రో 3 ను కూడా విడుదల చేసింది. ఈ కథనంలో ఐఫోన్ 17 (iPhone 17 Smartphone) గురించి తెలుసుకుందాం.

ఐఫోన్ 17 మోడల్ స్పెసిఫికేషన్‌లు, ఫీచర్లు :
ఐఫోన్ 17 మోడల్‌ 6.3 అంగుళాల ప్రో మోషన్‌ OLED సూపర్ రెటీనా XDR డిస్‌ప్లేను కలిగి ఉంది. 120Hz రీఫ్రెష్‌ రేట్‌, 3000 నిట్స్‌ పీక్ బ్రైట్‌నెస్‌ను కలిగి ఉంది. ఈ డిస్‌ప్లే సన్నని బోర్డర్‌ను కలిగి ఉంది. Always On Display ఫీచర్‌ను సపోర్టు చేస్తుంది. సిరామిక్‌ షీల్డ్‌ 2 ప్రొటెక్షన్‌ను పొందుతుంది.

A19 చిప్‌సెట్‌ :
ఈ ఐఫోన్ 17 స్మార్ట్‌ఫోన్ ఆపిల్‌ కు చెందిన A19 చిప్‌సెట్‌తో పనిచేస్తుంది. గత సిరీస్‌లతో పోలిస్తే మెరుగైన పనితీరును అందిస్తుంది. iOS 26 OS పైన పనిచేస్తుంది. మరియు neural ఇంజిన్‌ను కలిగి ఉంది. ఈ ఫోన్ 256GB స్టోరేజీ వేరియంట్‌ నుంచి అందుబాటులోకి వచ్చింది.

కెమెరా విభాగం పరంగా డ్యూయల్ ఫ్యూజన్‌ కెమెరా సిస్టమ్‌ను కలిగి ఉంది. వెనుక వైపు రెండు కెమెరాలను కలిగి ఉంది. OIS (ఆప్టికల్‌ ఇమేజ్ స్టెబిలైజేషన్‌), f/1.6 అపేచర్‌తో 48MP ప్రైమరీ కెమెరా, 48MP అల్ట్రావైడ్‌ కెమెరాను కలిగి ఉంది. సెల్ఫీ, వీడియో కాల్స్ కోసం f/2.2 అపేచర్‌తో 18MP సెంటర్‌ స్టేజ్‌ కెమెరాను అమర్చారు.

10 నిమిషాల ఛార్జింగ్‌ తో :
ఈ ఫోన్ ఫాస్ట్‌ ఛార్జింగ్ తో కూడిన బ్యాటరీని కలిగి ఉంది. ఐఫోన్ 16 తో పోలిస్తే 8 గంటలు అధికంగా బ్యాటరీ లైఫ్ రానుందని చెబుతోంది. మరియు కేవలం కొన్ని నిమిషాల్లోనే 50 శాతం ఛార్జింగ్‌ పూర్తి చేస్తుందని చెబుతోంది. కేవలం 10 నిమిషాల్లోనే 8 గంటల వీడియో ప్లేబ్యాక్‌ను అందిస్తుంది.

యాక్షన్‌ బటన్ :
ఈ ఫోన్‌ యాక్షన్‌ బటన్‌, కెమెరా కంట్రోల్ బటన్‌ లను కలిగి ఉంటాయి. మరియు ఈ మోడల్‌ IP68 రేటింగ్‌ తో డస్ట్‌ మరియు వాటర్‌ రెసిస్టెంట్‌ గా ఉంది. లిక్విడ్‌ గ్లాస్ డిజైన్‌ ను కలిగి ఉంది. బ్లూటూత్‌ 6, వైఫై 7, eSIM సపోర్టుతో అందుబాటులోకి వచ్చింది.

ఐఫోన్ 17 ధర, సేల్ వివరాలు :
ఐఫోన్ 17 స్మార్ట్‌ఫోన్ 256GB స్టోరేజీ వేరియంట్ ధర రూ.82,900 గా ఉంది. అదే 512GB స్టోరేజీ వేరియంట్ ధర రూ.1,02,900 గా ఉంది. ఈ ఫోన్ సేల్‌ ముందస్తు ఆర్డర్‌ లు సెప్టెంబర్ 12 వ తేదీ సాయంత్రం 5:30 PM IST నుంచి ప్రారంభం కానుంది. అదే సెప్టెంబర్ 19 నుంచి సేల్ ప్రారంభం కానుంది.