ఐఫోన్ 17 vs గెలాక్సీ S25+: ఆఫర్లలో ఏది బెస్ట్? అసలు తేడా ఇదే!

ఫ్లిప్‌కార్ట్ 'బిగ్ బిలియన్ డేస్' ఎర్లీ-బర్డ్ సేల్ ఈరోజు (సెప్టెంబర్ 24) నుంచే షురూ అయింది. అటు అమెజాన్ 'గ్రేట్ ఇండియన్ ఫెస్టివల్' కూడా అక్టోబర్ 8 నుంచి ప్రారంభం కానుంది. దీంతో తెలుగు రాష్ట్రాల్లో (తెలంగాణ, ఆంధ్రప్రదేశ్) కొత్త స్మార్ట్‌ఫోన్ కొనాలనుకునేవారు వెంటనే ఒక నిర్ణయానికి రాక తప్పదు. పోటీ మాత్రం చాలా తీవ్రంగా ఉంది! యాపిల్ 'ఐఫోన్ 17' ప్రొ-లెవల్ అప్‌గ్రేడ్స్‌తో వస్తుంటే.. సామ్‌సంగ్ 'గెలాక్సీ S25+' మాత్రం పవర్‌ఫుల్ Galaxy AI, ఫాస్ట్ ఛార్జింగ్, లాంగ్-టర్మ్ అప్‌డేట్ సపోర్ట్‌తో గట్టి సవాలు విసురుతోంది. మరి ఈ రెండింటిలో ఏది బెటర్ ఆప్షన్? నేటి ఆఫర్లలో ధరలు ఎలా ఉన్నాయో చూద్దాం.

పండుగ రష్‌లో MRP కంటే ఆఫర్లలో వచ్చే అసలు ధరలే ముఖ్యం. యాపిల్ ఇండియా స్టోర్‌లో ఐఫోన్ 17 ప్రారంభ ధర ₹99,900గా ఉంది. కానీ ఫ్లిప్‌కార్ట్ ఎర్లీ-బర్డ్ సేల్‌లో దీని ధర ₹80,000 లోపే ఉండబోతోందని స్పష్టం చేసింది. బ్యాంక్ కార్డ్ డిస్కౌంట్లు, ఎక్స్ఛేంజ్ ఆఫర్లు కలిపితే ఈ ధర మరింత తగ్గే అవకాశం ఉంది. ఇక సామ్‌సంగ్ గెలాక్సీ S25+ ఆన్‌లైన్‌లో దాదాపు ₹79,999 వద్ద అందుబాటులో ఉంది. Samsung.com ఈ వారం బ్యాంక్ డిస్కౌంట్లు, స్పెషల్ ఎక్స్ఛేంజ్ బోనస్‌లను అందిస్తోంది.

iPhone 17 vs Galaxy S25+: నేటి ధరలు, బ్యాంక్ అండ్ ఎక్స్ఛేంజ్ ఆఫర్ల వివరాలు

ప్రకటనల్లో కనిపించే ధరల కంటే కొనుగోలు చేసేటప్పుడు చెల్లించే తుది మొత్తం కొంత మారవచ్చు. యాపిల్ అధికారిక సైట్ క్యాష్‌బ్యాక్, ట్రేడ్-ఇన్ ఆఫర్లను అందిస్తోంది. ఫ్లిప్‌కార్ట్ కార్డ్ డిస్కౌంట్లు, ఎక్స్ఛేంజ్ ఆఫర్లతో ధర భారీగా తగ్గేలా చేస్తోంది. మరోవైపు సామ్‌సంగ్ S25+ పై ఇన్‌స్టాంట్ బ్యాంక్ డిస్కౌంట్, ₹10,000 వరకు అదనపు ఎక్స్ఛేంజ్ బోనస్, బైబ్యాక్ ప్రోగ్రామ్‌లను అందిస్తోంది. దీనివల్ల విద్యార్థులు, పాత ఫోన్ అప్‌గ్రేడ్ చేసుకునేవారికి బడ్జెట్ బాగా తగ్గుతుంది. కాబట్టి పేమెంట్ చేసేముందు మీ కార్డ్ అర్హత, EMI ఛార్జీలను ఒకసారి సరిచూసుకోండి.

కెమెరా అండ్ వీడియో స్టెబిలైజేషన్: ఐఫోన్ 17 vs గెలాక్సీ S25+

కంటెంట్ క్రియేటర్లకు ఐఫోన్ నాచురల్ స్కిన్ టోన్స్, అద్భుతమైన వీడియో స్టెబిలైజేషన్ బాగా నచ్చుతాయి. దీని డైనామిక్ రేంజ్, లో-లైట్ పెర్ఫార్మెన్స్ బాగున్నప్పటికీ, ఆల్ట్రావైడ్ కెమెరాకు ఇంకా కొన్ని ట్యూనింగ్స్ అవసరమని రివ్యూవర్లు చెబుతున్నారు. ఇక సామ్‌సంగ్ గెలాక్సీ S25+ న్యాచురల్ పోర్ట్రెయిట్స్, నైట్ సెల్ఫీలను క్లియర్‌గా అందిస్తుంది. అయితే నైట్ మోడ్‌లో కొన్నిసార్లు స్కిన్ టోన్స్ స్వల్పంగా వైట్‌గా మారుతున్నట్లు కొందరు గమనించారు. కానీ స్టెబిలైజేషన్, 8K వీడియో రికార్డింగ్ ఆప్షన్లలో మాత్రం సామ్‌సంగ్ ఇప్పటికీ బెస్ట్‌గా ఉంది.

పెర్ఫార్మెన్స్, BGMI గేమింగ్, ఛార్జింగ్: ఐఫోన్ 17 vs గెలాక్సీ S25+

ఎక్కువ సేపు ఫోన్‌ను వాడినప్పుడు లేదా హెవీ గేమింగ్ ఆడినప్పుడు ఐఫోన్ 17 ఇతర ఆండ్రాయిడ్ ఫోన్ల కంటే మెరుగైన స్టెబిలిటీని ప్రదర్శిస్తుంది. ఇండియా టుడే టెస్టుల్లో ఇది దాదాపు 70 శాతం స్టెబిలిటీని నమోదు చేసింది. కానీ గెలాక్సీ S25+ మాత్రం 3DMark స్ట్రెస్ రన్స్‌లో కొంత థ్రోట్లింగ్‌కు గురవుతోంది. కొన్ని రివ్యూలలో దీని స్టెబిలిటీ 50 శాతం కంటే తక్కువగా నమోదైంది. అయితే ఛార్జింగ్ విషయంలో సామ్‌సంగ్ పైచేయి సాధించింది. 45W ఛార్జింగ్‌తో దాదాపు ఒక గంటలోనే ఫుల్ అవుతుంది. అదే ఐఫోన్‌కి ఫుల్ ఛార్జ్ కావడానికి 70 నుంచి 80 నిమిషాల సమయం పడుతుంది.

AI ఫీచర్లు, భారతదేశానికి తగిన సపోర్ట్: iPhone 17 vs Galaxy S25+

సపోర్ట్ చేసే లాంగ్వేజ్‌ని ఎంచుకుంటే భారత్‌లోనూ యాపిల్ ఇంటెలిజెన్స్ (Apple Intelligence) పనిచేస్తుంది. ఇందులో రైటింగ్ టూల్స్, ఫోటోస్ క్లీన్ అప్ ఫీచర్లు ఉన్నాయి. సిరి AI ప్రస్తుతం బీటా వర్షన్‌లో అందుబాటులోకి వస్తోంది. ఇక గెలాక్సీ AIలోని లైవ్ ట్రాన్స్‌లేట్, ఇంటర్‌ప్రిటర్ వంటి ఫీచర్లు హిందీ, గుజరాతీ వంటి భారతీయ భాషలను కూడా సపోర్ట్ చేస్తాయి. నెట్‌వర్క్ పరంగా ఈ రెండు ఫోన్లు భారత్‌లోని కీలక 5G బ్యాండ్లు n77/n78 లను సపోర్ట్ చేస్తాయి. అంతేకాకుండా డ్యూయల్ సిమ్, భారత SAR లిమిట్స్, UPI యాప్‌లను ఎటువంటి ఆటంకం లేకుండా స్మూత్‌గా రన్ చేస్తాయి.

సెప్టెంబర్ 24 నాటి కొనుగోలుదారుల కోసం ఫైనల్ వర్డిక్ట్: స్టెడీ వీడియోలు, పర్ఫెక్ట్ కలర్స్ కావాలనుకునే కంటెంట్ క్రియేటర్లు ఐఫోన్ 17 వైపు మొగ్గు చూపవచ్చు. ఇక వేగవంతమైన ఛార్జింగ్ కోరుకునేవారు, కాస్త థ్రోట్లింగ్ ఉన్నా పరవాలేదు అనుకునే గేమర్లు గెలాక్సీ S25+ ని పరిశీలించవచ్చు. తరచుగా ప్రయాణాలు చేసేవారికి S25+ లోని విస్తృతమైన AI లాంగ్వేజ్ టూల్స్, ఏడేళ్ల సాఫ్ట్‌వేర్ అప్‌డేట్లు బాగా ఉపయోగపడతాయి. అయితే ఐఫోన్ 17 కొంటే మంచి రీసేల్ వాల్యూ లభిస్తుంది. కాబట్టి మీ అవసరాలు, బడ్జెట్, ఏ ఎకోసిస్టమ్ మీకు సరిపోతుందో చూసుకొని సరైన ఫోన్‌ను ఎంచుకోండి.