భారత్‌లో నవంబర్ 1 నుంచి యాపిల్ కొత్త ఐఫోన్‌ల విక్రయాలు!

అంతర్జాతీయ మార్కెట్లో తాము నూతనంగా ఆవిష్కరించిన ఐఫోన్ 5ఎస్, ఐఫోన్5సీ స్మార్ట్‌ఫోన్‌లను భారత్ సహా 12 దేశాల్లో నవంబర్ 1 నుంచి అధికారికంగా విక్రయించనున్నట్లు యాపిల్ బుధవారం ఒక ప్రకటనలో పేర్కొంది. ఇదే ప్రకటనలో భాగంగా ఐఫోన్ 5ఎస్, ఐఫోన్5సీ స్మార్ట్‌ఫోన్ లను 34 దేశాల్లో అక్టోబర్ 25 నుంచి విక్రియించనున్నట్లు యాపిల్ పేర్కొంది. ప్రస్తుతం యాపిల్ కొత్త వర్షన్ ఐఫోన్‌లు యూఎస్, ఆస్ట్రేలియా, కెనడా, చైనా, ఫ్రాన్స్, జర్మనీ, హాంగ్ కాంగ్, జపాన్, ప్యూర్టో రికో, సింగపూర్ ఇంకా యూకే దేశాల్లో లభ్యమవుతున్నాయి.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.

ఐఫోన్ 5ఎస్ ప్రధాన స్పెసిఫికేషన్‌లు:

4 అంగుళాల రెటీనా మల్టీటచ్ స్ర్కీన్ (రిసల్యూషన్ 1136*640పిక్సల్స్, 326 పీపీఐ), ఐఓఎస్7 ఆపరేటింగ్ సిస్టం, ఫోన్ బరువు 112 గ్రాములు, ఏ7 చిప్ 64- బిట్ ఆర్కిటెక్షర్, ఎమ్7 మోషన్ ప్రాసెసర్, ఇంటర్నల్ మెమరీ 16/32/64జీబి, జీపీఎస్, గ్లోనాస్, డిజిటల్ కంపాస్, వై-ఫై, సెల్యులర్, బ్లూటూత్, సిరి, 8 మెగా పిక్పల్ ప్రైమరీ కెమెరా, 1.2 మెగా పిక్సల్ ఫ్రంట్ కెమెరా.

ఐఫోన్ 5సీ స్పెసిఫికేషన్‌లు:

పటిష్టమైన పాలికార్బొనేట్ ప్లాస్టిక్ డిజైనింగ్,4 అంగుళాల రెటీనా డిస్‌ప్లే (రిసల్యూషన్ 640 x 1136పిక్సల్స్), యాపిల్ ఏ6 చిప్‌సెట్, ఐఓఎస్ 7 ఆపరేటింగ్ సిస్టం (200 కొత్త ఫీచర్లను సపోర్ట్ చేస్తుంది), 8 మెగా పిక్సల్ రేర్ కెమెరా, 100 ఎంబీపీఎస్ ఎల్‌టీఈ కనెక్టువిటీ, వై-ఫై ఏ/బి/జి/ఎన్, బ్లూటూత్ 4.0.