ఐఫోన్ ఎక్స్.. 5 కొత్త పీచర్లు

డిజైనింగ్ పరంగా ఇప్పటి వరకు మార్కెట్లో లాంచ్ అయిన ఐఫోన్‌లతో పోలిస్తే, iPhone Xను పూర్తి భిన్నంగా రీడిజైన్ చేయటం జరిగింది.

By Sivanjaneyulu Bommu

Updated: Saturday, September 16, 2017, 10:38 [IST]

యాపిల్ ఐఫోన్ మార్కెట్లో లాంచ్ అయి 10 సంవత్సరాల పూర్తి అయిన సందర్భాన్ని పురస్కరించుకుని ఆ సంస్థ iPhone X పేరుతో స్పెషల్ ఎడిషన్‌ను ఫోన్‌ను మార్కెట్లో లాంచ్ చేసింది. ఐఫోన్ 10గా పిలవబడుతోన్న ఈ ఫోన్, ఇప్పటి వరకు మార్కెట్లో లాంచ్ అయిన ఐఫోన్‌లతో పోలిస్తే అట్రాక్టివ్ ఫీచర్లను కలిగి ఉంది. యాపిల్ ఐఫోన్ ఎక్స్ స్మార్ట్‌ఫోన్‌కు ప్రత్యేక ఆకర్షణగా నిలిచిన 5 స్పెషల్ ఫీచర్ల వివరాలు..

bezel-less edge-to-edge డిస్‌ప్లే..

డిజైనింగ్ పరంగా ఇప్పటి వరకు మార్కెట్లో లాంచ్ అయిన ఐఫోన్‌లతో పోలిస్తే, iPhone Xను పూర్తిగా రీడిజైన్ చేయటం జరిగింది. bezel-less edge-to-edge డిస్‌ప్లే, ఐఫోన్ ఎక్స్ ఫోన్‌కు ప్రధాన హైలైట్. ఈ మోడల్‌లో హోమ్ బటన్ కనిపించదు. స్టెయిన్‌లెస్ స్టీల్ బ్యాండ్స్ ఫోన్ లుక్‌నే మార్చివేసాయి. గ్లాస్ బాడీ ఫోన్‌కు ప్రొఫెషనల్ లుక్‌ను తీసుకువచ్చింది.

OLED స్ర్కీన్..

iPhone X స్మార్ట్‌ఫోన్‌కు మరో ప్రధానమైన హైలైట్ OLED స్ర్కీన్. అంతేకుండా ఈ స్మార్ట్‌ఫోన్ ఏకంగా 5.8 అంగుళాల స్ర్కీన్‌ను కలిగి ఉంది. డిస్‌ప్లే రిసల్యూషన్ విషయానికి వచ్చేసరికి 2436 x 1125పిక్సల్స్ విత్ 458 పీపీఐ.

FaceID..

iPhone X స్మార్ట్‌ఫోన్‌కు మరో ప్రధానమైన హైలైట్ FaceID. ఈ సెక్యూరిటీ ఫీచర్‌తో యూజర్ తన ముఖాన్నే పాస్‌వర్డ్‌గా సెట్ చేసుకుని ఫోన్‌ను అన్ లాక్ చేసే వీలుంటుంది. ఈ FaceID ఫీచర్‌ను మరింత శక్తివంతంగా తీర్చిదిద్దే క్రమంలో ట్రుడెప్త్ కెమెరాను యాపిల్ వినియోగించింది.

Animojis..

యాపిల్ తన iPhone X స్మార్ట్‌ఫోన్‌ ద్వారా సరికొత్త animated emojisను ప్రపంచానికి పరిచయం చేసింది. వీటిని Animojisగా యాపిల్ అభివర్ణిస్తోంది. ఈ యానిమోజిస్ అనేవి యూజర్ ఫేషియల్ ఎక్స్‌ప్రెషన్స్ ఆధారంగా సృష్టించబడతాయి. ఇందుకు అవసరమైన కస్టమ్ 3డీ వర్షన్స్‌ను FaceID ఫీచర్ సమకూరుస్తుంది.

వైర్‌లెస్ ఛార్జింగ్‌ను సపోర్ట్

iPhone X స్మార్ట్‌ఫోన్‌ వైర్‌లెస్ ఛార్జింగ్‌ను సపోర్ట్ చేస్తుంది. ఇందుకుగాను Qi అనే స్టాండర్డ్ టెక్నాలజీని ఉపయోగించకుంటుంది. iPhone X స్మార్ట్‌ఫోన్‌ను ఛార్జ్ చేసేందుకు AirPower పేరుతో ఓ మ్యాట్‌ను రూపొందిస్తున్నట్లు యాపిల్ అనౌన్స్ చేసింది.