ఐకూ 16 కోసం ఆగాలా? లేక ఐకూ 15 కొనేయాలా? మీ కన్ఫ్యూజన్ పోగొట్టే అసలు నిజం ఇదే!

ఐకూ 16 (iQOO 16) ఫ్లాగ్‌షిప్ ఫోన్‌ ఈ రాత్రి 7 గంటలకు చైనాలో గ్రాండ్‌గా లాంచ్ కాబోతోంది. టెక్ లవర్స్ అందరి చూపు ఇప్పుడు దీనిపైనే ఉంది. మరోవైపు, ఫ్లిప్‌కార్ట్ 'బిగ్ బిలియన్ డేస్' సేల్ కూడా మొదలవుతోంది. అక్టోబర్ 8న ఎర్లీ యాక్సెస్ ఉండగా, అక్టోబర్ 9 నుంచి మెయిన్ సేల్ షురూ కానుంది. మరి ఈ టైమ్‌లో కళ్లుచెదిరే 2K 165Hz డిస్‌ప్లేతో వచ్చే ఐకూ 16 కోసం ఆగడం మేలా? లేక బిగ్ బిలియన్ డేస్ సేల్‌లో ఐకూ 15 డీల్ పట్టేయడం మంచిదా? ఒకసారి వివరాలు చూద్దాం.

ముఖ్యంగా డిస్‌ప్లే విభాగంలోనే పెద్ద సర్‌ప్రైజ్ ఉండబోతోంది. ఐకూ 16లో శామ్‌సంగ్ తయారీ 2K 165Hz ప్యానెల్‌ను ఇస్తున్నట్లు స్పష్టమైన సంకేతాలు వచ్చాయి. ఇది సరికొత్త M16 OLED మెటీరియల్‌తో వస్తోంది కాబట్టి విజువల్స్ ఇంకా బ్రైట్‌గా, పవర్ ఎఫిషియంట్‌గా ఉంటాయి. ఇక ప్రస్తుతం ఉన్న ఐకూ 15 గురించి చెప్పాలంటే.. ఇందులోనూ షార్ప్‌గా ఉండే 2K-క్లాస్ 144Hz LEAD OLED డిస్‌ప్లే ఉంది. 2,160Hz PWM డిమ్మింగ్, 6,000 నిట్స్ పీక్ బ్రైట్‌నెస్‌తో నేరుగా ఎండలో చూసినా స్క్రీన్ చాలా క్లియర్‌గా కనిపిస్తుంది, కళ్లకు కూడా శ్రమ ఉండదు.

డిస్‌ప్లే, పెర్ఫార్మెన్స్: ఐకూ 16 వర్సెస్ ఐకూ 15

గేమింగ్ విషయానికి వస్తే.. ఐకూ 16లో రాబోయే నెక్స్ట్-జెన్ చిప్‌సెట్, అడ్వాన్స్‌డ్ రే ట్రేసింగ్ పర్ఫార్మెన్స్‌ను నెక్స్ట్ లెవెల్‌కు తీసుకెళ్తాయి. ఇక ఐకూ 15లో ఇచ్చిన 8,000mm² వేపర్ ఛాంబర్.. BGMI, కాల్ ఆఫ్ డ్యూటీ వంటి పవర్ ఫుల్ గేమ్‌లు ఆడేటప్పుడు ఫ్రేమ్ రేట్ పడిపోకుండా చూస్తుంది. నార్మల్ సెట్టింగ్స్‌లో గేమింగ్ ఆడితే.. ఎలాంటి హీటింగ్ ఇష్యూస్ లేకుండా స్థిరంగా 120fps ఇస్తుందని పలు స్వతంత్ర టెస్టుల్లో నిరూపితమైంది.

కెమెరా, బ్యాటరీ: ఐకూ 16 వర్సెస్ ఐకూ 15

కంటెంట్ క్రియేటర్లకు కెమెరా, బ్యాటరీ లైఫ్ చాలా కీలకం. ఐకూ 15లో కంట్రోల్డ్ HDR, పగటి వెలుతురులో నేచురల్ స్కిన్ టోన్స్, స్థిరమైన వీడియో రికార్డింగ్ బాగున్నాయని రివ్యూలు చెప్తున్నాయి. అయితే కొన్నిసార్లు కలర్ డ్రిఫ్ట్ సమస్య కనిపిస్తుందని కొందరు రివ్యూయర్లు పేర్కొన్నారు. ఇకపోతే, ఇందులో ఏకంగా 100W వైర్డ్ ఛార్జింగ్ సపోర్ట్‌తో 7,000mAh భారీ బ్యాటరీ ఇచ్చారు. దీనికి USB పవర్ డెలివరీ, PPS సపోర్ట్ కూడా ఉంది. బాక్స్‌లోనే ఛార్జర్ లభిస్తుంది.

భారత్‌లో ధర, నెట్‌వర్క్ వివరాలు: ఐకూ 16 వర్సెస్ ఐకూ 15

భారత్‌లో ఐకూ 15 బేస్ వేరియంట్ ప్రారంభ ధర ₹72,999గా ఉంది. హార్డ్‌వేర్‌తో పాటు సాఫ్ట్‌వేర్ సపోర్ట్ విషయంలోనూ ఇది అదరగొడుతోంది. ఐదేళ్ల ఆండ్రాయిడ్ అప్‌డేట్స్, ఏడేళ్ల సెక్యూరిటీ అప్‌డేట్స్‌ ఇస్తామని కంపెనీ హామీ ఇచ్చింది. ఇండియాలో ఇప్పటికే OriginOS 7 ప్రివ్యూ అందుబాటులోకి వచ్చింది. నెట్‌వర్క్ విషయానికి వస్తే.. ఇండియన్ 5G కోసం n28, n77, n78 బ్యాండ్లకు ఐకూ 15 సపోర్ట్ చేస్తుంది. నెట్‌వర్క్ అందుబాటులో ఉన్న చోట VoNR ఎనేబుల్ చేసుకోవచ్చు. అలాగే SAR వ్యాల్యూస్ సరిచూసుకోవడానికి *#07# డయల్ చేయవచ్చు.

సరియైన కూలింగ్ సిస్టమ్, సుదీర్ఘమైన బ్యాటరీ లైఫ్, బిగ్ బిలియన్ డేస్‌లో బెస్ట్ వ్యాల్యూ ఫర్ మనీ కోరుకుంటే.. ఇప్పుడే ఐకూ 15 కొనుగోలు చేయడం ఉత్తమమైన నిర్ణయం. అలా కాకుండా అల్ట్రా లేటెస్ట్ డిస్‌ప్లే, అప్‌గ్రేడెడ్ కెమెరాలు కావాలి.. ఇండియా లాంచ్ టైమ్‌లైన్‌కు కాస్త వేచి చూడగలరు అనుకుంటే ఐకూ 16 కోసం ఆగడం మంచిది. ముఖ్యంగా భారీ బ్యాటరీ, స్థిరమైన పెర్ఫార్మెన్సే మీ ప్రాధాన్యత అయితే, ఇప్పుడు లభించే ఆఫర్లలోనే ఐకూ 15ను సొంతం చేసుకోవడం చాలా సులభం, లాభదాయకం.