7000mAh భారీ బ్యాటరీ, 144Hz రీఫ్రెష్ రేట్‌, 50MP ప్రైమరీ కెమెరాతో 5G స్మార్ట్‌ఫోన్‌.. రేపే విడుదల..!

ఐకూ నియో 10 స్మార్ట్‌ఫోన్ (iQOO Neo 10 Smartphone) భారత్‌ మార్కెట్‌లో రేపు విడుదల కానుంది. ఈ ఫోన్‌ గురించి ఇప్పటికే అనేక వివరాలు వెల్లడయ్యాయి. ఈ ఫోన్ 1.5K రిజల్యూషన్‌తో అమోలెడ్‌ డిస్‌ప్లేను కలిగి ఉంది. అయితే ఈ ఫోన్ 7000mAh భారీ బ్యాటరీతో విడుదల కానుంది. మార్చి నెలలో విడుదల అయిన ఐకూ నియో 10R స్మార్ట్‌ఫోన్ 6400mAh బ్యాటరీతో అందుబాటులోకి వచ్చింది. ఈ ఫోన్‌ అమెజాన్ ద్వారా కొనుగోలు చేసేందుకు అందుబాటులో ఉంటుంది.

5500 నిట్స్‌ పీక్‌ బ్రైట్‌నెస్‌ :
ఐకూ నియో 10 స్మార్ట్‌ఫోన్ డిజైన్ ఇప్పటికే విడుదల అయింది ఈ ఫోన్ ఇన్‌ఫెన్నోరెడ్‌ మరియు టైటానియం క్రోమ్ కలర్‌ వేరియంట్స్‌లో లభిస్తుంది. మరియు ఈ ఫోన్ 8.09mm థిక్‌నెస్‌ను కలిగి ఉంటుంది. ఈ ఫోన్‌ 144Hz రీఫ్రెష్‌ రేట్‌తో 1.5K రిజల్యూషన్‌తో అమోలెడ్ డిస్‌ప్లేను కలిగి ఉంటుంది. ఈ డిస్‌ప్లే 5500 నిట్స్‌ పీక్‌ బ్రైట్‌నెస్‌ను కలిగి ఉంటుంది.

స్నాప్‌డ్రాగన్ చిప్‌సెట్‌ :
ఈ హ్యాండ్‌సెట్‌ స్నాప్‌డ్రాగన్‌ 8s జెన్‌ 4 చిప్‌సెట్‌తో పనిచేస్తుంది. దీంతోపాటు సూపర్‌ కంప్యూటింగ్‌ చిప్‌ Q1 ను కూడా కలిగి ఉంటుంది. స్నాప్‌డ్రాగన్ చిప్‌సెట్‌ గరిష్ఠంగా LPDDR5x ర్యామ్‌, UFS 4.1 స్టోరేజీని సపోర్టు చేస్తుంది. ఈ ఫోన్‌ 7000mm Sq వేపర్‌ కూలింగ్‌ ఛాంబర్‌ను కలిగి ఉంటుంది.

ఈ ఫోన్‌ గేమింగ్‌ సమయంలో 144fps తో అందుబాటులోకి వస్తుంది. దీంతోపాటు 2.42 మిలియన్‌ AnTuTu స్కోర్‌ను కలిగి ఉంటుందని ఐకూ చెబుతోంది. మల్టీ టాస్కింగ్‌, గేమింగ్‌ కోసం ఈ ఫోన్లు అత్యంత అనుకూలంగా ఉంటాయని తెలుస్తోంది.

50MP కెమెరా :
కెమెరా విభాగం పరంగా వెనుక వైపు డ్యూయల్‌ కెమెరాలను కలిగి ఉంటుంది. ఇందులో OIS సపోర్టుతో 50MP సోనీ IMX882 ప్రైమరీ కెమెరా, 8MP అల్ట్రావైడ్‌ కెమెరాను కలిగి ఉంటుంది. సెల్ఫీ, వీడియో కాల్స్‌ కోసం 32MP కెమెరాను కలిగి ఉంటుంది. ఈ కెమెరాలు 60fps వద్ద 4K వీడియో రికార్డింగ్‌ను సపోర్టు చేస్తాయి.

7000mAh భారీ బ్యాటరీ :
ఐకూ స్మార్ట్‌ఫోన్‌ 120W ఫ్లాష్‌ ఛార్జ్‌ ఫాస్ట్‌ ఛార్జింగ్‌ సపోర్టుతో 7000mAh బ్యాటరీతో పనిచేస్తుంది. ఈ ఫోన్‌ విడుదల అనంతరం ఐకూ ఇ-స్టోర్‌, అమెజాన్ ద్వారా కొనుగోలు చేయవచ్చు. ఐకూ స్మార్ట్‌ఫోన్ రూ.35 వేల ధరలో లాంచ్‌ కానుందని తెలుస్తోంది.

ఈ సంవత్సరం మార్చి నెలలో ఐకూ నియో 10R స్మార్ట్‌ఫోన్‌ 6.78 అంగుళాల 1.5K అమోలెడ్‌ డిస్‌ప్లేను కలిగి ఉంది. స్నాప్‌డ్రాగన్‌ 8s జెన్‌ 3 ప్రాసెసర్‌, ఆండ్రాయిడ్ 15 ఆధారిత Funtouch OS 15 తో పనిచేస్తోంది. థర్మల్‌ మేనేజ్‌మెంట్‌ కోసం 6043mm వేపర్‌ కూలింగ్‌ ఛాంబర్‌ను కలిగి ఉంది.

ఈ ఫోన్ 80W వైర్‌ ఫాస్ట్‌ ఛార్జింగ్‌ సపోర్టుతో 6400mAh బ్యాటరీని కలిగి ఉంది. కెమెరా విభాగం పరంగా 50MP సోనీ IMX882 కెమెరా, 8MP అల్ట్రా వైడ్‌ యాంగిల్‌ లెన్స్‌, 32MP సెల్ఫీ కెమెరాను కలిగి ఉంది. 8GB ర్యామ్ + 128GB స్టోరేజీ ధర రూ.26,999, 8GB ర్యామ్ + 256GB స్టోరేజీ ధర రూ.28,999, 12GB ర్యామ్ + 256GB స్టోరేజీ వేరియంట్ ధర రూ.30,999 గా ఉంది.