iQOO Anniversary sale రేపటి నుంచి ఐకూ ప్రత్యేక సేల్‌.. ఈ స్మార్ట్‌ఫోన్లపై భారీ డిస్కౌంట్‌.. లిస్ట్‌..!

ఐకూ సంస్థ నాలుగో వార్షికోత్సవం సందర్భంగా ప్రత్యేక సేల్ (iQOO 4th Anniversary sale) నిర్వహిస్తోంది. ఈ సేల్‌లో భాగంగా స్మార్ట్‌ఫోన్లపై ఆకర్షణీయమైన ఆఫర్ల ప్రకటన చేసింది. గరిష్ఠంగా రూ.25 వేల వరకు తగ్గింపును పొందవచ్చని తెలుస్తోంది. ఐకూ ఆన్‌లైన్‌ స్టోర్లు, అమెజాన్‌ ద్వారా కొనుగోలు చేయవచ్చు. ఏప్రిల్‌ 9 నుంచి 14వ తేదీ వరకు ఈ సేల్‌ జరగనుంది.

ఐకూ Z9 : ఈ స్మార్ట్‌ఫోన్‌ మీడియాటెక్‌ డైమెన్సిటి 7200 SoC ప్రాసెసర్‌ను కలిగి ఉంటుంది. 6.67 అంగుళాల అమోలెడ్‌ డిస్‌ప్లే, 44W ఛార్జింగ్ సపోర్టుతో 5000mAh బ్యాటరీని కలిగి ఉంటుంది. సెగ్మెంట్‌లోనే తొలిసారిగా 50MP సోనీ IMX882 ను కలిగి ఉంది. ఈ ఫోన్‌ సాధారణ ధర రూ.19,999 గా ఉంది. ఈ సేల్‌లో భాగంగా రూ.2000 తగ్గింపుతో రూ.17999 కే కొనుగోలు చేయవచ్చు.

ఐకూ Z7 ప్రో : ఈ హ్యాండ్‌సెట్ కర్వడ్‌ డిజైన్‌ సహా కర్వడ్ డిస్‌ప్లేను కలిగి ఉంది. మీడియాటెక్‌ డైమెన్సిటీ 7200 5G ప్రాసెసర్‌ను కలిగి ఉంది. 64MP ప్రైమరీ కెమెరాను కలిగి ఉంటుంది. 66W ఫాస్ట్‌ ఛార్జింగ్ సపోర్టును కలిగి ఉంటుంది. కేవలం 22 నిమిషాల్లో 1-50 శాతం ఛార్జింగ్‌ను పూర్తిచేయవచ్చు. ఈ ఫోన్‌ ధర రూ.23999 గా ఉంది. ఆఫర్‌లో భాగంగా రూ.20999 కే కొనుగోలు చేయవచ్చు.

ఐకూ నియో 7 ప్రో : ఈ ఫోన్‌ సాధారణ ధర రూ.34,999 గా ఉంది. ఐకూ వార్షిక ప్రత్యేక సేల్‌లో భాగంగా రూ.29,999 కే సొంతం చేసుకోవచ్చు. ఈ ఫోన్‌ 6.78 అంగుళాల డిస్‌ప్లేను కలిగి ఉంటుంది. మరియు 120W ఛార్జింగ్ సపోర్టుతో 5000mAh బ్యాటరీని కలిగి ఉంటుంది. క్వాల్‌కాం స్నాప్ డ్రాగన్‌ 8+ జెన్‌ 4 చిప్‌సెట్‌పైన పనిచేస్తోంది.

ఐకూ నియో 9 ప్రో : ఈ హ్యాండ్‌సెట్ 6.78 అంగుళాల డిస్‌ప్లేను కలిగి ఉంటుంది. స్నాప్‌డ్రాగన్‌ 8 జెన్‌ 2 చిప్‌సెట్‌పైన పనిచేస్తోంది. 8GB, 12GB ర్యామ్‌ మరియు 128GB, 256GB స్టోరేజీ వేరియంట్లలో లభిస్తుంది. 50MP +8MP వెనుక కెమెరాలు, 16MP సెల్ఫీ కెమెరాను కలిగి ఉంటుంది. ప్రీమియం లెధర్‌ డిజైన్‌ను కలిగి ఉంటుంది. ప్రస్తుతం ఈ హ్యాండ్‌సెట్‌ను రూ.32,999 కే కొనుగోలు చేయవచ్చు.

ఐకూ 11 : ఈ స్మార్ట్‌ఫోన్‌ ధర రూ.64999కు విడుదలైంది. ఐకూ నాలుగో వార్షికోత్సవ సేల్‌లో భాగంగా రూ.41999 కే కొనుగోలు చేయవచ్చు. స్నాప్‌డ్రాగన్‌ 8 జెన్‌ 2 చిప్‌సె‌ట్‌, 120W ఫాస్ట్‌ ఛార్జింగ్ సపోర్టుతో 5000mAh బ్యాటరీని కలిగి ఉంది. 50MP OIS+ 8MP+ 13MP వెనుక కెమెరాలతోపాటు అమర్చారు. 16MP సెల్ఫీ కెమెరాను కలిగి ఉంది.

ఐకూ 12 : స్నాప్‌ డ్రాగన్‌ 8 జెన్‌ 3 చిప్‌సెట్‌, 6.78 అంగుళాల అమోలెడ్‌ డిస్‌ప్లేను కలిగి ఉంటుంది. 50MP+64MP+50MP వెనుక కెమెరాలు, 16MP సెల్ఫీ కెమెరాను కలిగి ఉంది. 12GB, 16GB ర్యామ్‌ మరియు 256GB, 512GB స్టోరేజీ వేరియంట్లలో అందుబాటులో ఉంది. విడుదల సమయంలో ధర రూ.52999 గా ఉంది. ఈ సేల్‌లో భాగంగా రూ.3 వేల తగ్గింపుతో రూ. 49999 కే కొనుగోలు చేయవచ్చు.