రూ.9999 ధరకే 6000mAh బ్యాటరీ, 50MP సోనీ AI కెమెరా, 128GB స్టోరేజీ 5G స్మార్ట్‌ఫోన్‌..!

Updated: Wednesday, June 18, 2025, 12:57 [IST]

iQOO Z10 Lite 5G Smartphone Launch : ఐకూ Z10 లైట్‌ 5G స్మార్ట్‌ఫోన్ భారత్ మార్కెట్‌లో విడుదల అయింది. రూ.10 వేల ధరలో అందుబాటులోకి వచ్చింది. ఈ ఫోన్ 6000mAh భారీ బ్యాటరీ, 50MP ప్రైమరీ కెమెరాను కలిగి ఉంది. ఈ ఫోన్ రెండు కలర్ వేరియంట్స్‌లో లభిస్తుంది. IP64 రేటింగ్‌తో డస్ట్ మరియు వాటర్‌ రెసిస్టెంట్‌గా ఉంది. ఈ ఐకూ ఫోన్‌ స్పెసిఫికేషన్‌లు, ఫీచర్‌ల పూర్తి వివరాలు.

ఐకూ Z10 లైట్‌ 5G స్మార్ట్‌ఫోన్ స్పెసిఫికేషన్‌లు, ఫీచర్‌లు :
ఈ స్మార్ట్‌ఫోన్‌ 6.74 అంగుళాల HD+ LCD డిస్‌ప్లేతో లాంచ్‌ అయింది. 90Hz రీఫ్రెష్‌ రేట్‌, 1000 నిట్స్ పీక్‌ బ్రైట్‌ను కలిగి ఉంది. Eye ప్రొటెక్షన్‌, పవర్‌ సేవింగ్‌ కోసం డార్క్‌ మోడ్‌ను కూడా సపోర్టు చేస్తుంది.

చిప్‌సెట్‌ :
ఈ ఐకూ బడ్జెట్‌ స్మార్ట్‌ఫోన్‌ మీడియాటెక్‌ డైమెన్సిటీ 6300 చిప్‌సెట్‌తో పనిచేస్తుంది. ఈ చిప్‌సెట్‌ 8GB ర్యామ్‌తో జతచేసి ఉంది. ఈ ఫోన్‌ 128GB, 256GB స్టోరేజీ వేరియంట్స్‌లో లభిస్తుంది. ఈ హ్యాండ్‌సెట్ ఆండ్రాయిడ్ 15 ఆధారిత Funtouch OS 15 ను కలిగి ఉంది.

50MP కెమెరా, AI ఫీచర్‌లు :
కెమెరా విభాగం పరంగా ఈ హ్యాండ్‌సెట్ వెనుక వైపు డ్యూయల్‌ కెమెరాలను కలిగి ఉంటుంది. ఇందులో 50MP సోనీ AI కెమెరా, 2MP కెమెరాలను కలిగి ఉంది. సెల్ఫీ, వీడియో కాల్స్ కోసం 5MP కెమెరాను అమర్చి ఉంది. ఈ ఫోన్‌ AI డాక్యుమెంట్‌ మోడ్‌, AI Erase, AI Photo Enhance వంటి ఆర్టిఫిషియల్‌ ఇంటెలిజెన్స్‌ ఫీచర్‌లను కలిగి ఉంది.

6000mAh భారీ బ్యాటరీ :
ఈ హ్యాండ్‌సెట్‌ 15W ఛార్జింగ్‌ సపోర్టుతో 6000mAh బ్యాటరీని కలిగి ఉంది. ఈ ఫోన్‌ను ఒక్కసారి పూర్తిగా ఛార్జింగ్‌ చేసి 70 గంటల మ్యూజిక్‌ ప్లేబ్యాక్‌ లేదా 37 గంటల కాలింగ్‌ కోసం ఉపయోగించుకోవచ్చు. ఈ ఫోన్‌ రెండు ఆండ్రాయిడ్ OS అప్‌డేట్స్‌, 3 సంవత్సరాల సెక్యూరిటీ అప్‌డేట్స్‌ను పొందుతుంది.

IP64 రేటింగ్‌తో :
ఈ ఐకూ హ్యాండ్‌సెట్ MIL STD 810H, SGS 5 స్టార్‌ యాంటీ ఫాల్‌ సర్టిఫికేషన్‌లను కలిగి ఉంది. ఈ ఫోన్ IP64 రేటింగ్‌ తో డస్ట్ మరియు స్ల్పాష్‌ రెసిస్టెన్స్‌ను కలిగి ఉంది. ఈ ఫోన్ 5G, బ్లూటూత్‌, వైఫై, USB-C ఛార్జింగ్ పోర్టును కలిగి ఉంటుంది.

The game is about to change. 🗓️⚡

Launched at ₹9,499*, the all-new #iQOOZ10Lite brings you the Segment's Biggest Battery 5G Smartphone** and the Segment's Brightest 5G Smartphone*** — all packed in one powerhouse.

🛒 Sale goes live 25th June, 12PM. Only on @amazonIN &… pic.twitter.com/Kpe8J7Ws1Y
— iQOO India (@IqooInd) June 18, 2025

ఐకూ Z10 లైట్‌ 5G స్మార్ట్‌ఫోన్ ధర, సేల్‌ వివరాలు :
ఈ హ్యాండ్‌సెట్‌ 4GB ర్యామ్ + 128GB స్టోరేజీ వేరియంట్ ధర రూ.9999 గా ఉంది. అదే 6GB ర్యామ్ + 128GB స్టోరేజీ ధర రూ.10999, 8GB ర్యామ్ + 256GB స్టోరేజీ వేరియంట్ రూ.12999 గా ఉంది.

ఈ ఫోన్‌ సేల్ జూన్‌ 25 వ తేదీ నుంచి ప్రారంభం కానుంది. ఐకూ ఇండియా ఇ-స్టోర్‌, అమెజాన్‌ ద్వారా కొనుగోలు చేయవచ్చు. ఈ ఐకూ స్మార్ట్‌ఫోన్ సైబర్‌ గ్రీన్‌, టైటానియం బ్లూ కలర్‌ వేరియంట్స్‌లో లభిస్తుంది.