రూ.9999 కే 50MP కెమెరా, 6000mAh బ్యాటరీ 5G స్మార్ట్‌ఫోన్‌.. రూ.500 డిస్కౌంట్‌తో ఇవాళ్టి నుంచే సేల్‌!

iQOO Z10 Lite 5G Sale : భారత్ మార్కెట్‌లో ఐకూ Z10 సిరీస్ నుంచి అనేక మోడల్స్‌ అందుబాటులోకి వచ్చాయి. ఇందులో ఐకూ Z10 ఏకంగా 7300mAh బ్యాటరీతో అందుబాటులోకి వచ్చింది. ఐకూ Z10x 5G స్మార్ట్‌ఫోన్‌ 6500mAh బ్యాటరీతో అందుబాటులోకి వచ్చింది. ఈ సిరీస్‌ నుంచి ఇటీవలే మరో ఫోన్‌ లాంచ్‌ అయింది. ఐకూ Z10 లైట్‌ 5G పేరుతో విడుదల అయింది. ఈ ఫోన్‌ సేల్‌ ఇవాళ్టి నుంచి ప్రారంభం కానుంది. ఈ ఫోన్‌ ధర రూ.9999 గా ఉంది.

ఐకూ Z10 లైట్‌ 5G స్మార్ట్‌ఫోన్ సేల్‌ ఇవాళ్టి మధ్యాహ్నం 12 గంటల నుంచి ప్రారంభం కానుంది. ఒప్పో ఇండియా ఇ-స్టోర్‌, అమెజాన్ ద్వారా కొనుగోలు చేయవచ్చు. ఈ ఫోన్ 4GB ర్యామ్ + 128GB స్టోరేజీ ధర రూ.9999, 6GB ర్యామ్ + 128GB స్టోరేజీ ధర రూ.10999, 8GB ర్యామ్ + 256GB స్టోరేజీ వేరియంట్ రూ.12999 గా ఉంది.

ఈ బ్యాంకు కార్డుపై డిస్కౌంట్ :
తొలి సేల్‌లో భాగంగా SBI కార్డు ద్వారా కొనుగోలు చేస్తే రూ.500 డిస్కౌంట్‌ను పొందవచ్చు. అంతే ఫోన్‌ ప్రారంభ ధర రూ.9499 కే సొంతం చేసుకోవచ్చు. ఈ ఐకూ స్మార్ట్‌ఫోన్ సైబర్‌ గ్రీన్‌, టైటానియం బ్లూ వంటి రెండు కలర్‌ వేరియంట్స్‌లో లభిస్తుంది.

డిస్‌ప్లే వివరాలు :
ఐకూ Z10 లైట్‌ 5G స్మార్ట్‌ఫోన్ 6.74 అంగుళాల HD+ LCD డిస్‌ప్లేను కలిగి ఉంది. ఈ డిస్‌ప్లే 90Hz రీఫ్రెష్‌ రేట్‌, 1000 నిట్స్ పీక్‌ బ్రైట్‌ను కలిగి ఉంది. ఈ ఫోన్‌ MIL STD 810H, SGS 5 స్టార్‌ యాంటీ ఫాల్‌ సర్టిఫికేషన్‌లను కలిగి ఉంది. ఈ ఫోన్ IP64 రేటింగ్‌ తో డస్ట్ మరియు స్ల్పాష్‌ రెసిస్టెంట్‌గా ఉంది.

50MP కెమెరా, 6000mAh బ్యాటరీ :
కెమెరా విభాగం పరంగా ఐకూ Z10 లైట్ 5G హ్యాండ్‌సెట్ వెనుక వైపు డ్యూయల్‌ కెమెరాలను కలిగి ఉంది. 50MP సోనీ AI కెమెరా, 2MP కెమెరాలను కలిగి ఉంది. మరియు 5MP సెల్ఫీ కెమెరాతో అందుబాటులోకి వచ్చింది. బ్యాటరీ పరంగా ఈ ఫోన్ 15W ఛార్జింగ్‌ సపోర్టుతో 6000mAh బ్యాటరీతో పనిచేస్తుంది.

చిప్‌సెట్‌, OS వివరాలు :
ఈ హ్యాండ్‌సెట్ మీడియాటెక్‌ డైమెన్సిటీ 6300 చిప్‌సెట్‌, ఆండ్రాయిడ్ 15 ఆధారిత Funtouch OS 15 ను కలిగి ఉంది. ఈ ఫోన్‌ రెండు ఆండ్రాయిడ్ OS అప్‌డేట్స్‌, 3 సంవత్సరాల సెక్యూరిటీ అప్‌డేట్స్‌ను పొందుతుందని ఐకూ తెలిపింది. ఈ ఫోన్‌ AI Document Mode, AI Erase, AI Photo Enhance వంటి ఆర్టిఫిషియల్‌ ఇంటెలిజెన్స్‌ (AI) ఫీచర్‌లను కలిగి ఉంది.

ఈ హ్యాండ్‌సెట్ కనెక్టివిటీ పరంగా 5G, బ్లూటూత్‌, వైఫై, USB-C ఛార్జింగ్ పోర్టును కలిగి ఉంది. మరియు ఎక్కువ సమయం వినియోగించినా కళ్లకు ఎటువంటి ఇబ్బంది లేకుండా Eye ప్రొటెక్షన్‌, పవర్‌ సేవింగ్‌ కోసం డార్క్‌ మోడ్‌ను కూడా సపోర్టు చేస్తుంది.