1.2 మీటర్ల నుంచి కిందపడినా డ్యామేజీ కాని స్మార్ట్‌ఫోన్‌.. వన్‌ప్లస్‌ 15 తరహా డిజైన్‌ సహా ఫీచర్‌లు ఇవిగో..!

ఐటెల్ సంస్థ భారత్‌ మార్కెట్‌లో బడ్జెట్‌ స్మార్ట్‌ఫోన్‌ను లాంచ్‌ చేసింది. ఐటెల్‌ A100C పేరుతో స్మార్ట్‌ఫోన్‌ను (Itel A100C Smartphone) విడుదల చేసింది. ఈ ఐటెల్‌ స్మార్ట్‌ఫోన్‌.. త్వరలో విడుదల కానున్న వన్‌ప్లస్‌ 15 స్మార్ట్‌ఫోన్ డిజైన్‌ను పోలి ఉంది. అయితే ఈ స్మార్ట్‌ఫోన్‌ మిలిటరీ గ్రేడ్‌ సర్టిఫికేషన్‌లను కలిగి ఉంది. ఈ ఐటెల్‌ స్మార్ట్‌ఫోన్‌ స్పెసిఫికేషన్లు, ఫీచర్‌లు, ధర పూర్తి వివరాలు.

ఐటెల్ A100C స్మార్ట్‌ఫోన్‌ స్పెసిఫికేషన్‌లు, ఫీచర్‌లు :
ఈ ఐటెల్‌ స్మార్ట్‌ఫోన్‌ 6.6 అంగుళాల (720 x 1612 పిక్సల్స్‌) డిస్‌ప్లేను కలిగి ఉంది. ఈ డిస్‌ప్లే 90Hz రీఫ్రెష్‌ రేట్‌, 400 నిట్స్ బ్రైట్‌నెస్‌, 90 శాతం స్క్రీన్‌ టూ బాడీ రేషియోను కలిగి ఉంది. ఈ ఫోన్‌ 8.49mm థిక్‌నెస్‌ను కలిగి ఉంది.

1.22 మీటర్ల నుంచి కిందపడినా :
ఈ హ్యాండ్‌సెట్ MIL STD 810H మిలిటరీ గ్రేడ్‌ సర్టిఫికేషన్‌ను కలిగి ఉంది. ఈ ఫీచర్‌ కారణంగా స్మార్ట్‌ఫోన్ పొరపాటు 1.22 మీటర్ల నుంచి కిందపడినా డ్యామేజీ కాదని సంస్థ చెబుతోంది. మరియు అధిక ఉష్ణోగ్రత, తేమ నుంచి కూడా ఫోన్‌ను రక్షిస్తుంది.

ప్రాసెసర్‌, కెమెరా వివరాలు :
ఈ హ్యాండ్‌సెట్ Unisoc T7100 ఆక్టా కోర్‌ ప్రాసెసర్ ను కలిగి ఉంది. ఈ ప్రాసెసర్ 4GB ర్యామ్, 128GB స్టోరేజీతో జతచేసి ఉంది. ఈ ఫోన్‌ ఆండ్రాయిడ్‌ 15 గో ఎడిషన్‌ పైన పనిచేస్తుంది. కెమెరా విభాగం పరంగా ఐటెల్ స్మార్ట్‌ఫోన్‌ వెనుక వైపు 8MP కెమెరాను కలిగి ఉంది. సెల్ఫీ, వీడియో కాల్స్ కోసం 5MP కెమెరాను అమర్చి ఉంది.

32 రోజుల స్టాండ్‌బై టైం :
ఐటెల్‌ A100C స్మార్ట్‌ఫోన్‌ 5000mAh బ్యాటరీని కలిగి ఉంది. ఈ ఫోన్‌ను ఒక్కసారి ఛార్జింగ్‌ చేసి 8.5 గంటల వరకు గేమింగ్‌ కోసం ఉపయోగించుకోవచ్చని లేదా 27.7 గంటల కాలింగ్‌ సమయాన్ని పొందవచ్చని ఐటెల్‌ చెబుతోంది. ఈ ఫోన్‌ 32 రోజుల స్టాండ్‌బై సమయాన్ని పొందవచ్చని తెలిపింది.

భారత్‌ మార్కెట్‌లో ఐటెల్‌ A100C స్మార్ట్‌ఫోన్‌ ధర వివరాలు వెల్లడి కాలేదు. త్వరలో ‌స్టోరేజీ, ధర, సేల్‌ వివరాలు వెల్లడి కానున్నాయి. ఈ హ్యాండ్‌సెట్‌ భద్రత కోసం సైడ్‌ మౌంటెడ్‌ ఫింగర్‌ ప్రింట్‌ సెన్సర్‌ను కలిగి ఉంది. ఈ ఫోన్ ప్యూర్ బ్లాక్‌, టైటానియం గోల్డ్, బ్లేజ్‌ బ్లూ, సిల్క్‌ గ్రీన్‌ కలర్ వేరియంట్స్‌లో అందుబాటులో ఉంటుంది.

* గత నెలలో ఐటెల్‌ A90 లిమిటెడ్‌ ఎడిషన్‌ విడుదల చేసింది. ఈ స్పెషల్‌ ఎడిషన్‌ హ్యాండ్‌సెట్ MIL STD 810H షాక్‌ రెసిస్టెన్స్‌ను కలిగి ఉంది. మరియు IP54 రేటింగ్‌తో డస్ట్‌, వాటర్‌ రెసిస్టెంట్‌గా ఉంది. ఈ ఫోన్‌ 90Hz రీఫ్రెష్‌ రేట్‌తో 6.6 అంగుళాల HD+ IPS LCD డిస్‌ప్లేను కలిగి ఉంది.

ఈ లిమిటెడ్‌ ఎడిషన్‌ స్మార్ట్‌ఫోన్‌ Unisoc T7100 SoC చిప్‌సెట్‌, ఆండ్రాయిడ్ 14 గో ఎడిషన్‌ పైన పనిచేస్తోంది. 13MP కెమెరా, LED ఫ్లాష్‌, 5MP సెల్ఫీ కెమెరాను కలిగి ఉంది. 15W ఛార్జింగ్‌ సపోర్టుతో 5000mAh బ్యాటరీని కలిగి ఉంది.