రూ.6,790కే డ్యూయెల్ సెల్ఫీ కెమెరా ఫోన్,రూ.3,999కే 4జీ వోల్ట్ ఫోన్

మొబైల్ దిగ్గజాలు కార్బన్, పానాసోనిక్ కంపెనీ అత్యంత తక్కువ ధరలో స్మార్ట్‌ఫోన్లను రిలీజ్ చేశాయి.కార్బన్ తన నూతన స్మార్ట్‌ఫోన్ 'ఫ్రేమ్స్ ఎస్9'ను విడుదల చేయగా, పానాసోనిక్ పీ95 పేరుతో ఓ స్మార్ట్‌ఫోన్ ను మార్కెట్లోకి రిలీజ్ చేసింది. కార్బన్ స్మార్ట్‌ఫోన్ 'ఫ్రేమ్స్ ఎస్9 రూ.6,790 ధరకు వినియోగదారులకు లభిస్తున్నది. ఈ ఫోన్‌ను కొనుగోలు చేసిన కస్టమర్లకు ఎయిర్‌టెల్ రూ.2వేల వరకు క్యాష్‌బ్యాక్‌ను అందిస్తున్నది. రూ.169 ప్లాన్‌ను 36 నెలల పాటు రీచార్జి చేసుకుని వాడితే ఈ క్యాష్‌బ్యాక్ లభిస్తుంది. ఇక ఈ ఫోన్‌లో ముందు భాగంలో రెండు సెల్ఫీ కెమెరాలను అమర్చారు. వీటితో పవర్‌ఫుల్ క్వాలిటీ ఉన్న సెల్ఫీలను తీసుకోవచ్చు.

కార్బన్ ఫ్రేమ్స్ ఎస్9 ఫీచర్లు

5.2 ఇంచ్ హెచ్‌డీ ఐపీఎస్ డిస్‌ప్లే, 720 x 1280 పిక్సల్స్ స్క్రీన్ రిజల్యూషన్, 1.25 గిగాహెడ్జ్ క్వాడ్‌కోర్ ప్రాసెసర్, 2 జీబీ ర్యామ్, 16 జీబీ స్టోరేజ్, 64 జీబీ ఎక్స్‌పాండబుల్ స్టోరేజ్, డ్యుయల్ సిమ్, ఆండ్రాయిడ్ 7.0 నూగట్, 8 మెగాపిక్సల్ బ్యాక్ కెమెరా, 8 మెగాపిక్సల్ డ్యుయల్ సెల్ఫీ కెమెరాలు, 4జీ వీవోఎల్‌టీఈ, ఫింగర్‌ప్రింట్ సెన్సార్, 2900 ఎంఏహెచ్ బ్యాటరీ.

మొబైల్ నుండి రెల్వే టికెట్ క్యాన్సిల్ చేసుకుని రీఫండ్ పొందడం ఎలా, సింపుల్ స్టెప్స్ మీకోసం !

పానాసోనిక్ తన నూతన స్మార్ట్‌ఫోన్ 'పీ95' ను విడుదల చేసింది. బ్లూ, గోల్డ్, డార్క్ గ్రే రంగుల్లో ఈ ఫోన్ వినియోగదారులకు రూ.4,999 ధరకు ఫ్లిప్‌కార్ట్ సైట్‌లో లభిస్తున్నది. అయితే ఈ నెల 13వ తేదీ నుంచి 16వ తేదీ వరకు ఫ్లిప్‌కార్ట్ సైట్‌లో జరగనున్న బిగ్ షాపింగ్ డేస్ సేల్‌లో ఈ ఫోన్‌ను రూ.1వేయి తగ్గింపు ధరకు.. అంటే.. రూ.3,999 ధరకే కొనుగోలు చేయవచ్చు.

పానాసోనిక్ పీ95 ఫీచర్లు

5 ఇంచ్ హెచ్‌డీ డిస్‌ప్లే, 1280 x 720 పిక్సల్స్ స్క్రీన్ రిజల్యూషన్, 1.3 గిగాహెడ్జ్ క్వాడ్‌కోర్ స్నాప్‌డ్రాగన్ 210 ప్రాసెసర్, 1 జీబీ ర్యామ్, 16 జీబీ స్టోరేజ్, 128 జీబీ ఎక్స్‌పాండబుల్ స్టోరేజ్, ఆండ్రాయిడ్ 7.1.2 నూగట్, 8 మెగాపిక్సల్ బ్యాక్ కెమెరా, 5 మెగాపిక్సల్ సెల్ఫీ కెమెరా, 4జీ వీవోఎల్‌టీఈ, బ్లూటూత్ 4.1, 2300 ఎంఏహెచ్ బ్యాటరీ.