రూ.15 వేల ధరలో సన్నని డిజైన్‌, అమోలెడ్‌ డిస్‌ప్లే సహా బెస్ట్‌ ఫీచర్లతో స్మార్ట్‌ఫోన్‌.. విడుదల వివరాలు!

Lava Blaze Amoled 2 Smartphone : లావా నుంచి ఇటీవల లావా బ్లేజ్‌ డ్రాగన్ స్మార్ట్‌ఫోన్‌ లాంచ్‌ అయింది. సేల్‌ కూడా ప్రారంభం అయింది. రూ.10 వేల ధర సెగ్మెంట్‌లో అందుబాటులోకి వచ్చింది. స్పెసిఫికేషన్‌లు, ఫీచర్ల పరంగా ఈ హ్యాండ్‌సెట్ ఆకట్టుకుంటుంది. దీంతోపాటు ఎక్కువ రోజులపాటు మన్నిక వచ్చేలా ప్రత్యేక ఫీచర్లను కలిగి ఉంది. లావా నుంచి త్వరలో మరో హ్యాండ్‌సెట్‌ లాంచ్‌ కానుంది.

రెండు కలర్‌ వేరియంట్స్ :
లావా బ్లేజ్‌ అమోలెడ్‌ 2 పేరుతో స్మార్ట్‌ఫోన్‌ను లాంచ్ చేయనుంది. గత సంవత్సరం విడుదల అయిన లావా బ్లేజ్‌ అమోలెడ్ హ్యాండ్‌సెట్‌కు తర్వాత తరం వెర్షన్‌గా రానుందని తెలుస్తోంది. తాజాగా ఈ ఫోన్‌ గురించి అనేక వివరాలు వెల్లడయ్యాయి. ఈ హ్యాండ్‌సెట్‌ బ్లాక్, వైట్‌ కలర్‌ వేరియంట్స్‌ లభిస్తుందని తెలుస్తోంది.

స్లిమ్ డిజైన్ :
లావా బ్లేజ్‌ అమోలెడ్ 2 స్మార్ట్‌ఫోన్‌ ఆకట్టుకొనే డిజైన్‌ను కలిగి ఉంది. దీంతోపాటు యూజర్లకు మెరుగైన అనుభూతిని అందిస్తుందని లావా చెబుతోంది. అయితే ఈ ఫోన్‌ సన్నని డిజైన్‌ను కలిగి ఉంటుందని తెలుస్తోంది. దీంతోపాటు 174 గ్రాముల బరువును మాత్రమే కలిగి ఉంటుంది.

ఎప్పుడు విడుదల కానుంది? :
ఈ హ్యాండ్‌సెట్‌ ఎక్కువ రోజులపాటు మన్నిక వచ్చే విధంగా ప్రీమియం గ్రేడ్ మెటీరియల్స్‌ను ఉపయోగించారు. దీంతోపాటు ఈ ఫోన్ IP64 రేటింగ్‌తో డస్ట్‌ మరియు వాటర్‌ రెసిస్టెంట్‌గా ఉంటుంది. ఈ లావా బ్లేజ్‌ అమోలెడ్‌ 5G స్మార్ట్‌ఫోన్‌ ఆగస్టు 11 వ తేదీన భారత్ మార్కెట్‌లో లాంచ్ కానుంది.

డిస్‌ప్లే వివరాలు :
లావా బ్లేజ్‌ అమోలెడ్ 2 స్మార్ట్‌ఫోన్‌ 120Hz రీఫ్రెష్‌ రేట్‌తో 6.67 అంగుళాల ఫుల్‌ HD+ అమోలెడ్ డిస్‌ప్లేను కలిగి ఉంటుంది. దీంతోపాటు పంచ్‌ హోల్‌ కటౌట్‌ డిజైన్‌ను కలిగి ఉంటుంది. అయితే భారత్ మార్కెట్లో ఈ ఫోన్‌ రూ.15 వేల కంటే తక్కువ ధరలో అందుబాటులోకి వస్తుంది..

ఈ లావా ఫోన్‌ మీడియాటెక్‌ డైమెన్సిటీ 7060 SoC చిప్‌సెట్‌తో పనిచేస్తుంది. ఈ చిప్‌సెట్‌ LPDDR5 ర్యామ్‌, UFS 3.1 స్టోరేజీతో జతచేసి ఉంటుందని తెలుస్తోంది. ఈ ఫోన్ 50MP సోనీ కెమెరాను కలిగి ఉంటుందని తెలుస్తోంది. దీంతోపాటు సెల్ఫీ, వీడియో కాల్‌ కోసం 8MP కెమెరాను కలిగి ఉంటుందని అంచనా వేస్తున్నారు.

IR బ్లాస్టర్ :
లావా బ్లేజ్ అమోలెడ్ 2 స్మార్ట్‌ఫోన్‌ 33W ఫాస్ట్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది. దీంతోపాటు మెరుగైన ఆడియో కోసం స్టీరియో స్పీకర్‌లను కలిగి ఉంటుంది. మరియు IR బ్లాస్టర్‌ను కూడా కలిగి ఉంటుందని తెలుస్తోంది.

* గత నెలలో విడుదల అయిన లావా బ్లేజ్‌ డ్రాగన్‌ 5G ఫోన్‌ రూ.9999 గా ఉంది. 120Hz రీఫ్రెష్‌ రేట్‌తో 6.75 అంగుళాల HD+ LCD డిస్‌ప్లేను కలిగి ఉంది. గోల్డ్‌ మిస్ట్‌, మిడ్‌నైట్ మిస్ట్‌ కలర్ వేరియంట్స్‌లో లభిస్తుంది. 18W వైర్ ఫాస్ట్ ఛార్జింగ్ సపోర్టుతో 5000mAh బ్యాటరీతో పనిచేస్తుంది.

ఈ ఫోన్ స్నాప్‌డ్రాగన్‌ 4 జెన్‌ 2 చిప్‌సెట్‌, ఆండ్రాయిడ్ 15 ఆధారిత క్లీన్ OS పైన పనిచేస్తోంది. కెమెరా విభాగం పరంగా వెనుక వైపు 50MP AI కెమెరాను కలిగి ఉంది. దీంతోపాటు సెల్ఫీ, వీడియో కాల్స్‌ కోసం 8MP కెమెరాను కలిగి ఉంది.