రెండు డిస్‌ప్లేలు, 50MP సోనీ కెమెరా, 5000mAh బ్యాటరీతో స్మార్ట్‌ఫోన్‌ విడుదల..!

Lava Blaze Duo 3 Smartphone : లావా బ్లేజ్‌ డుయో 3 స్మార్ట్‌ఫోన్ భారత్‌ మార్కెట్‌ లో లాంచ్‌ అయింది. ఈ ఫోన్‌ రెండు కెమెరాలను కలిగి ఉంది. దీంతోపాటు ఈ హ్యాండ్‌సెట్‌ 50MP సోనీ కెమెరా, 5000mAh బ్యాటరీని కలిగి ఉంది. అయితే ఈ ఫోన్‌ డిజైన్‌ పరంగానూ ఆకట్టుకుంటుంది. ఈ ఫోన్‌ త్వరలో ఆండ్రాయిడ్‌ 16 OS అప్‌డేట్‌ ను పొందుతుందని చెబుతోంది. ఈ ఫోన్‌ స్పెసిఫికేషన్లు, ఫీచర్ల పూర్తి వివరాలు.

లావా బ్లేజ్‌ డుయో 3 స్మార్ట్‌ఫోన్‌ స్పెసిఫికేషన్లు, ఫీచర్లు :
ఈ స్మార్ట్‌ఫోన్ ఆకట్టుకొనే డిజైన్‌ ను కలిగి ఉంది. రెండు డిస్‌ప్లేతో అందుబాటులోకి వచ్చింది. ఈ ఫోన్‌ 6.67 అంగుళాల ఫుల్‌ HD+ ప్రైమరీ డిస్‌ప్లేను కలిగి ఉంది. 120Hz రీఫ్రెష్‌ రేట్‌, 1000 నిట్స్ ‌బ్రైట్‌నెస్‌ ను కలిగి ఉంది. ముందు వైపు పంచ్‌ హోల్‌ కటౌట్‌ ను కలిగి ఉంది.

వెనుక వైపు 1.6 అంగుళాల అమోలెడ్‌ డిస్‌ప్లేను కలిగి ఉంది. ఈ సెకండరీ కెమెరాతో నోటిఫికేషన్‌ లు తనిఖీ చేయడం, మ్యూజిక్‌ కంట్రోల్‌ సహా అనేక విధాలుగా ఉపయోగించుకోవచ్చు. ఇప్పటికే లావా నుంచి డ్యూయల్‌ డిస్‌ప్లేలతో రెండు ఫోన్‌ లు అందుబాటులోకి వచ్చాయి.

మీడియాటెక్‌ చిప్‌సెట్ :
ఈ స్మార్ట్‌ఫోన్ మీడియాటెక్‌ డైమెన్సిటీ 7060 చిప్‌సెట్‌ను కలిగి ఉంది. ఈ చిప్‌ 6GB LPDDR5 ర్యామ్, 128GB UFS 3.1 స్టోరేజీని సపోర్టు చేస్తుంది. ఈ ఫోన్‌ 6GB వరకు వర్చువల్‌ ర్యామ్‌ ఫీచర్‌ ను సపోర్టు చేస్తుంది. ఆండ్రాయిడ్‌ 15 ఆధారిత OS పైన పనిచేస్తుంది.

50MP కెమెరా, 5000mAh బ్యాటరీ :
కెమెరా విభాగం పరంగా వెనుక వైపు రెండు కెమెరాలు ఉన్నాయి. ఇందులో 50MP సోనీ IMX752 సెన్సర్‌, మరో కెమెరా ఉంది. సెల్ఫీ, వీడియో కాల్స్‌ కోసం 8MP కెమెరాను అమర్చి ఉంటుంది. ఈ ఫోన్‌ 33W ఫాస్ట్‌ ఛార్జింగ్‌ సపోర్టుతో 5000mAh బ్యాటరీతో పనిచేస్తుంది.

IR బ్లాస్టర్‌, స్టీరియో స్పీకర్లు :
ఈ ఫోన్‌ మెరుగైన ఆడియో కోసం స్టీరియో స్పీకర్‌లను కలిగి ఉంది. భద్రత కోసం ఇన్‌డిస్‌ప్లే ఫింగర్‌ ప్రింట్‌ సెన్సర్‌, ఫేస్‌ అన్‌లాక్‌ ఫీచర్‌లు ఉన్నాయి. IR బ్లాస్టర్‌, USB-C ఛార్జింగ్ పోర్టును కలిగి ఉంది.

ఈ ఫోన్‌ 7.55mm థిక్‌నెస్‌ ను కలిగి ఉంది. ఈ ఫోన్‌ ఆండ్రాయిడ్‌ 16 OS అప్‌డేట్‌తోపాటు రెండు సంవత్సరాల వరకు సెక్యూరిటీ అప్‌డేట్స్‌ ను పొందుతుందని లావా చెబుతోంది.

లావా బ్లేజ్ డుయో 3 స్మార్ట్‌ఫోన్‌ ధర, సేల్‌ :
లావా బ్లేజ్ డుయో 3 స్మార్ట్‌ఫోన్‌ ప్రారంభ ధర రూ.16999 గా ఉంది. ఇవాళ్టి నుంచే కొనుగోలు చేయవచ్చు. మూన్‌లైట్‌ బ్లాక్‌, ఇంపీరియల్‌ గోల్డ్‌ కలర్‌ వేరియంట్స్‌ లో లభిస్తుంది. అమెజాన్ లో కొనుగోలు చేయవచ్చు. SBI క్రెడిట్‌ కార్డులపై గరిష్ఠంగా రూ.1000 డిస్కౌంట్‌ను పొందవచ్చు.