రూ.12999 ధరకు 50MP కెమెరా, ఫాస్ట్‌ ఛార్జింగ్‌, AMOLED డిస్‌ప్లేతో 5G స్మార్ట్‌ఫోన్‌ విడుదల..!

భారత్‌ మార్కెట్‌లో ప్రస్తుతం బడ్జెట్‌ ధరలో అనేక 5G ఫోన్‌లు ఉన్నాయి. బడ్జెట్‌ మోడల్స్‌కు అధిక డిమాండ్‌ ఉండడంతో ప్రముఖ బ్రాండ్‌లు కూడా ఈ ధరలో స్మార్ట్‌ఫోన్‌లను తీసుకొస్తున్నాయి. ఇటీవలే శాంసంగ్‌ సంస్థ రూ.15 వేల కంటే తక్కువ ధరలో గెలాక్సీ F70e, M17e ఫోన్‌లను తీసుకొచ్చింది.

అయితే తాజా లావా సంస్థ బడ్జెట్ ధరలో లావా బోల్డ్‌ 2 స్మార్ట్‌ఫోన్‌ ను (Lava Bold 2 Smartphone) విడుదల చేసింది. గత సంవత్సరం విడుదల అయిన బోల్డ్‌ వేరియంట్‌కు తర్వాత తరం వెర్షన్‌గా తీసుకొచ్చింది. ఈ హ్యాండ్‌సెట్ 50MP కెమెరా, ఫుల్‌ HD+ డిస్‌ప్లే, 50MP AI కెమెరాలను కలిగి ఉంది. ఇంటి వద్దనే సర్వీస్‌ చేస్తామని లావా సంస్థ చెబుతోంది.

లావా బోల్డ్ 2 5G స్మార్ట్‌ఫోన్‌ స్పెసిఫికేషన్లు, ఫీచర్లు :
ఈ స్మార్ట్‌ఫోన్‌ ఆకట్టుకొనే డిజైన్‌ను కలిగి ఉంది. ఫెదర్‌ వైట్‌, మిడ్‌నైట్‌ బ్లాక్‌ కలర్‌ వేరియంట్స్‌లో లభిస్తుంది. IP64 రేటింగ్‌తో డస్ట్‌, స్ల్పాష్‌ రెసిస్టెంట్‌గా ఉంది. 7.55mm థిక్‌నెస్‌ను కలిగి ఉంది.

అమోలెడ్‌ డిస్‌ప్లే :
ఈ లావా బోల్డ్‌ 2 5G స్మార్ట్‌ఫోన్ 6.67 అంగుళాల ఫుల్‌ HD+ అమోలెడ్ డిస్‌ప్లేను కలిగి ఉంది. 120Hz రీఫ్రెష్‌ రేట్‌ను కలిగి ఉంది. సెక్యూరిటీ కోసం ఇన్‌డిస్‌ప్లే ఫింగర్‌ ప్రింట్ స్కానర్‌, ఫేస్‌ అన్‌లాక్‌ ఫీచర్లు ఉన్నాయి.

ఈ హ్యాండ్‌సెట్‌ మీడియాటెక్ డైమెన్సిటీ 7060 చిప్‌సెట్ ను కలిగి ఉంది. 6GB LPDDR5 ర్యామ్‌, 128GB UFS 3.1 స్టోరేజీని సపోర్టు చేస్తుంది. ఆండ్రాయిడ్ 15 ఆధారిత OS పైన పనిచేస్తుంది. ఈ ఫోన్‌ 6GB ర్యామ్ + 128GB స్టోరేజీ వేరియంట్‌లోనే అందుబాటులోకి వచ్చింది. వర్చువల్‌ ర్యామ్‌ ఆప్షన్‌ను కూడా సపోర్టు చేస్తుంది.

50MP కెమెరా, ఫాస్ట్‌ ఛార్జింగ్‌ సపోర్టు :
కెమెరా విభాగం పరంగా వెనుక వైపు 50MP సోనీ AI కెమెరా, ముందు వైపు 8MP సెల్ఫీ కెమెరాను కలిగి ఉంది. ఈ ఫోన్‌ 33W వైర్‌ ఛార్జింగ్ సపోర్టుతో 5000mAh బ్యాటరీతో పనిచేస్తుంది. ఫాస్ట్‌ ఛార్జింగ్‌ను సపోర్టు చేస్తుంది.

లావా బోల్డ్ 2 స్మార్ట్‌ఫోన్‌ ధర, సేల్‌ వివరాలు :
ఈ హ్యాండ్‌సెట్‌ 6GB ర్యామ్ + 128GB స్టోరేజీ వేరియంట్ ధర రూ.12999 గా ఉంది. మార్చి 19 వ తేదీ నుంచి సేల్‌ ప్రారంభం కానుంది. అమెజాన్ (Amazon) ద్వారా కొనుగోలు చేయవచ్చు.

గత నెలలో బోల్డ్‌ సిరీస్‌ నుంచి లావా బోల్డ్‌ N2 స్మార్ట్‌ఫోన్ అందుబాటులోకి వచ్చింది. ఈ హ్యాండ్‌సెట్‌ 4GB ర్యామ్ + 64GB స్టోరేజీ ధర రూ.7499 గా ఉంది. 90Hz రీఫ్రెష్‌ రేట్‌తో 6.75 అంగుళాల HD+ డిస్‌ప్లేను కలిగి ఉంది. 5000mAh బ్యాటరీతో పనిచేస్తోంది.

ఈ ఫోన్‌ Unisoc SC9863A ప్రాసెసర్‌, ఆండ్రాయిడ్‌ 15 గో వెర్షన్ పైన పనిచేస్తోంది. 13MP కెమెరాతోపాటు 5MP సెల్ఫీ కెమెరా ఉంది. IP64 రేటింగ్‌తో డస్ట్‌, వాటర్‌ రెసిస్టెంట్‌గా ఉంది. సైడ్‌ మౌంటెడ్‌ ఫింగర్‌ ప్రింట్‌ సెన్సర్‌ ఉంది.