తక్కువ ధరలో 50MP కెమెరా, 5000mAh బ్యాటరీ, FHD+ అమోలెడ్‌ డిస్‌ప్లేతో ఫోన్‌.. ఇవాళ్టి నుంచే సేల్!

భారత్‌లో లావా సంస్థ ఇటీవల అనేక ఫోన్‌లను లాంచ్‌ చేసింది. ఈ సంవత్సరం జనవరి నెలలో లావా బ్లేజ్‌ డుయో 3 స్మార్ట్‌ఫోన్‌ను లాంచ్‌ చేసింది. ఈ ఫోన్‌ డ్యూయల్‌ డిస్‌ప్లేను కలిగి ఉంది. ఫిబ్రవరి నెలలో ఎంట్రీ లెవల్ ధరలో లావా బోల్డ్‌ N2, లావా యువ స్టార్ 3 స్మార్ట్‌ఫోన్లు విడుదల అయ్యాయి. అయితే ఈ యువ ఫోన్‌ సేల్‌ ఇంకా ప్రారంభం కాలేదు.

అయితే గత వారం లావా నుంచి బడ్జెట్‌ ధరలో లావా బోల్డ్‌ 2 స్మార్ట్‌ఫోన్‌ విడుదల అయింది. ఈ హ్యాండ్‌సెట్‌ FHD+ డిస్‌ప్లే, 50MP AI కెమెరా, మీడియాటెక్‌ చిప్‌ను కలిగి ఉంది. ఈ హ్యాండ్‌సెట్‌ సేల్‌ ఇవాళ్టి నుంచి ప్రారంభం కానుంది. ఇంటి వద్దనే సర్వీసింగ్‌ చేస్తామని లావా హామీ ఇచ్చింది.

రూ.12999 ప్రారంభ ధర :
లావా బోల్డ్ 2 స్మార్ట్‌ఫోన్‌ (Lava Bold 2 Smartphone Sale) సేల్‌ ఇవాళ్టి మధ్యాహ్నం 12 గంటల నుంచి సేల్‌ ప్రారంభం కానుంది. 6GB ర్యామ్ + 128GB స్టోరేజీ ధర రూ.12999 గా ఉంది. అమెజాన్ ద్వారా ఈ ఫోన్‌ను కొనుగోలు చేయవచ్చు. ఈ ఫోన్ ఫెదర్‌ వైట్‌, మిడ్‌నైట్‌ బ్లాక్‌ కలర్‌ వేరియంట్స్‌లో లభిస్తుంది.

లావా ఫోన్ స్పెసిఫికేషన్లు, ఫీచర్లు :
లావా బోల్డ్ 2 5G స్మార్ట్‌ఫోన్‌ 6.67 అంగుళాల ఫుల్‌ HD+ అమోలెడ్ డిస్‌ప్లేతో లాంచ్ అయింది. 120Hz రీఫ్రెష్‌ రేట్‌ను కలిగి ఉంది. 7.55mm థిక్‌నెస్‌ను కలిగి ఉంది. IP64 రేటింగ్‌తో డస్ట్‌, స్ల్పాష్‌ రెసిస్టెంట్‌గా ఉంది.

మీడియాటెక్‌ చిప్‌, వర్చువల్‌ ర్యామ్ :
ఈ స్మార్ట్‌ఫోన్ మీడియాటెక్ డైమెన్సిటీ 7060 ప్రాసెసర్‌ ను కలిగి ఉంది. 6GB LPDDR5 ర్యామ్‌, 128GB UFS 3.1 స్టోరేజీతో జతచేసి ఉంది. ఆండ్రాయిడ్ 15 ఆధారిత OS పైన పనిచేస్తోంది. ఈ హ్యాండ్‌సెట్‌ వర్చువల్‌ ర్యామ్ ఫీచర్‌ కూడా ఉంది.

50MP కెమెరా, 5000mAh బ్యాటరీ :
కెమెరా విభాగం పరంగా వెనుక వైపు 50MP సోనీ AI కెమెరా ఉంది. సెల్ఫీ, వీడియో కాల్స్‌ కోసం ముందు వైపు 8MP సెల్ఫీ కెమెరా ఉంది. ఈ హ్యాండ్‌సెట్ 5000mAh బ్యాటరీతో పనిచేస్తుంది. 33W వైర్‌ ఛార్జింగ్ సపోర్టు ను కలిగి ఉంది. ఈ హ్యాండ్‌సెట్ ఇన్‌డిస్‌ప్లే ఫింగర్‌ ప్రింట్‌ సెన్సార్‌ ఉంది.