రూ.7,999కే లావా కొత్త స్మార్ట్‌ఫోన్ సేల్ మొదలు.. ఫీచర్లు, ఆఫర్లు చూస్తే ఫిదా అవ్వాల్సిందే!

ప్రముఖ ఇండియన్ స్మార్ట్‌ఫోన్ బ్రాండ్ ‘లావా’ నుంచి వస్తున్న బోల్డ్ N4 లైట్ (Lava Bold N4 Lite) మొదటి సేల్ రేపే (సెప్టెంబర్ 3) ప్రారంభం కానుంది. మధ్యాహ్నం 12 గంటల నుంచి ప్రముఖ ఇ-కామర్స్ సైట్ అమెజాన్‌లో ఈ ఫోన్ లభిస్తుంది. భారతదేశంలో బడ్జెట్ వినియోగదారులను లక్ష్యంగా చేసుకుని తీసుకొచ్చిన ఈ ఫోన్ ఎంఆర్‌పీ రూ.8,099 కాగా, ఆఫర్‌లో భాగంగా రూ.7,999 పరిచయ ధరకే అందుబాటులోకి వస్తోంది. క్లీన్ ఆండ్రాయిడ్ ఎక్స్‌పీరియన్స్, రోజంతా వచ్చే బిగ్ బ్యాటరీ, ఆకట్టుకునే బేసిక్ ఫీచర్లు ఈ ఫోన్ ప్రధాన ఆకర్షణగా నిలవనున్నాయి.

ఫీచర్ల విషయానికి వస్తే.. ఇందులో యూనిసోక్ 9863A ప్రాసెసర్‌తో పాటు ఆండ్రాయిడ్ 16 గో ఎడిషన్ అందించారు. 3GB ర్యామ్, 32GB స్టోరేజ్‌తో వచ్చే ఈ ఫోన్‌లో వర్చువల్ ర్యామ్ సపోర్ట్ కూడా ఉంది. 6.56 ఇంచుల డిస్‌ప్లే, 5,000mAh బ్యాటరీని ఇచ్చారు. బాక్స్‌లోనే 10W ఛార్జర్ లభిస్తుంది. ఎంపైర్ గోల్డ్, ఘోస్ట్ సిల్వర్ రంగుల్లో లభించే ఈ ఫోన్‌కు ‘ఉచిత హోమ్ సర్వీస్’ సౌకర్యాన్ని కంపెనీ అందిస్తోంది. మిలిటరీ గ్రేడ్ డ్యూరబిలిటీ (MIL-STD-810H), సైడ్ ఫింగర్‌ప్రింట్ సెన్సార్ భద్రతను మరింత పెంచుతాయి.

Lava Bold N4 Lite first sale: date, time, availability

ఈ ఫోన్‌ను ఆగస్టు 27నే అమెజాన్‌లో లిస్ట్ చేయగా, రేపు మధ్యాహ్నం 12 గంటల నుంచి అధికారిక సేల్ ప్రారంభం కానుంది. దీని ప్రారంభ ధర రూ.7,999గా ఉండనుంది. కొనుగోలు చేసే సమయంలో మీ బ్యాంక్ కార్డ్, ప్రొఫైల్‌ ఆధారంగా బ్యాంక్ డిస్కౌంట్లు, నో-కాస్ట్ ఈఎంఐ లేదా ఎక్స్చేంజ్ ఆఫర్లు లభించే అవకాశం ఉంది. కాబట్టి పేమెంట్ చేసేముందు అమెజాన్ ఆఫర్ బాక్స్‌ను ఒకసారి సరిచూసుకోవడం మంచిది.

Lava Bold N4 Lite specifications that matter

ఇందులోని ఆండ్రాయిడ్ గో వర్షన్ వల్ల ప్రాసెసర్ సాధారణమైనదే అయినప్పటికీ కాలింగ్, యూపీఐ పేమెంట్లు, సోషల్ మీడియా వాడకం, ఫోటోలు తీయడం వంటివి చాలా వేగంగా జరుగుతాయి. మైక్రో ఎస్‌డీ కార్డ్ ద్వారా స్టోరేజ్‌ను పెంచుకోవచ్చు. అయితే 32GB బేస్ స్టోరేజ్ మాత్రమే ఉన్నందున అనవసర యాప్‌లు లేకుండా చూసుకోవాలి. రెండేళ్ల సెక్యూరిటీ అప్‌డేట్లు, ఇంటి వద్దకే సర్వీస్ సౌకర్యం కల్పిస్తుండటం వల్ల మొదటిసారి స్మార్ట్‌ఫోన్ కొనేవారికి ఇది మంచి భరోసానిస్తుంది. ఇందులో 10W ఛార్జింగ్ మాత్రమే ఉన్నందున ఎక్కువ వాడేవారు రాత్రి పూటే ఛార్జింగ్ పెట్టుకోవడం బెటర్.

Lava Bold N4 Lite vs rivals under ₹8,000

రూ.8,000 లోపు విభాగంలో రెడ్‌మీ A3 (MIUI ఎక్స్‌పీరియన్స్) ఫ్లిప్‌కార్ట్‌లో దాదాపు రూ.7,679కి అందుబాటులో ఉంది. ఐటెల్ A60s మోడల్ 4GB/64GB వేరియంట్‌ను దాదాపు రూ.6,299కి ఇస్తోంది. టెక్నో పాప్ 8 కూడా 4GB/64GB మోడల్‌ను ప్రారంభంలో రూ.5,999కి తీసుకొచ్చింది. అయితే వీటితో పోలిస్తే లావా బోల్డ్ N4 లైట్ ప్రధాన బలం.. అనవసర యాప్‌లు లేని క్లీన్ సాఫ్ట్‌వేర్, ఉచిత డోర్‌స్టెప్ సర్వీస్, రోజంతా వచ్చే బ్యాటరీ లైఫ్. ఇంకా మంచి డీల్స్ కావాలనుకునే వారు రాబోయే పండుగ సీజన్ బ్యాంక్ ఆఫర్ల కోసం వేచి చూడవచ్చు.