రూ.7999 ధరకే 5G స్మార్ట్‌ఫోన్‌.. 5000mAh బ్యాటరీ, HD+ డిస్‌ప్లే సహా ఆకట్టుకొనే డిజైన్‌..!

ఎంట్రీ లెవల్ మోడల్స్‌కు భారత్‌లో మంచి డిమాండ్‌ ఉంటోంది. ఫలితంగా అనేక సంస్థలు ఈ ధర సెగ్మెంట్‌లో స్మార్ట్‌ఫోన్‌లను లాంచ్ చేస్తున్నాయి. ఈ సంవత్సరం మే నేలలో లావా షార్క్‌ స్మార్ట్‌ఫోన్‌ లాంచ్‌ అయింది. ఈ ఫోన్‌ ప్రారంభ ధర రూ.7999 గా ఉంది. ఈ ఫోన్ డిజైన్‌ పరంగా ఆకట్టుకుంటుంది. మరియు 5000mAh బ్యాటరీని కలిగి ఉంది. ప్రస్తుతం ఈ ఫోన్‌ను బ్యాంకు కార్డులపై డిస్కౌంట్ ధరకు కొనుగోలు చేయవచ్చు.

లావా షార్క్‌ 5G స్మార్ట్‌ఫోన్‌ (Lava Shark 5G Smartphone) 4GB ర్యామ్‌ + 64GB స్టోరేజీ వేరియంట్‌ ధర రూ.7999 గా ఉంది. ఎంపిక చేసిన బ్యాంకు కార్డులపై గరిష్ఠంగా రూ.750 వరకు డిస్కౌంట్‌ను పొందవచ్చు. ఈ ఫోన్ స్టెల్లర్‌ బ్లూ, స్టెల్లర్‌ గోల్డ్‌ కలర్‌ వేరియంట్స్‌లో లభిస్తోంది.

లావా షార్క్‌ 5G స్మార్ట్‌ఫోన్ స్పెసిఫికేషన్లు, ఫీచర్లు :
లావా షార్క్‌ 5G స్మార్ట్‌ఫోన్ 6.75 అంగుళాల HD+ డిస్‌ప్లేను కలిగి ఉంది. 90Hz రీఫ్రెష్‌ రేట్‌ ను కలిగి ఉంది. డిజైన్‌ పరంగానూ ఈ హ్యాండ్‌సెట్ ఆకట్టుకుంటుంది. మరియు ప్రీమియం గ్లోసీ డిజైన్‌తో అందుబాటులో ఉంది.

ఆండ్రాయిడ్ 15 :
ఈ హ్యాండ్‌సెట్‌ 6nm ఆక్టా కోర్‌ Unisoc T765 ప్రాసెసర్‌ను కలిగి ఉంది. ఈ ప్రాసెసర్ 4GB LPDDR4x ర్యామ్‌, 64GB UFS 2.2 స్టోరేజీతో జతచేసి ఉంటుంది. వర్చువల్‌ ర్యామ్ ఆప్షన్‌ కూడా ఉంది. ఈ లావా స్మార్ట్‌ఫోన్‌ ఆండ్రాయిడ్ 15 ఆధారిత OS పైన పనిచేస్తోంది.

5000mAh బ్యాటరీ :
కెమెరా విభాగం పరంగా వెనుక వైపు 13MP కెమెరా, ముందువైపు 5MP సెల్పీ కెమెరాను కలిగి ఉంది. మరియు 18W ఫాస్ట్ ఛార్జింగ్ సపోర్టుతో 5000mAh బ్యాటరీని కలిగి ఉంది. అయితే ఫోన్‌ రిటైల్‌ బాక్స్‌లో 10W ఛార్జర్‌ను అందిస్తోంది. ఈ హ్యాండ్‌సెట్‌ IP54 రేటింగ్‌తో డస్ట్‌, వాటర్‌ రెసిస్టెంట్‌గా ఉంది. సెక్యూరిటీ కోసం సైడ్‌ మౌంటెడ్‌ ఫింగర్‌ ప్రింట్‌ సెన్సార్‌, ఫేస్‌ అన్‌లాక్‌ ఫీచర్‌లను కలిగి ఉంది.

* లావా ప్లే అల్ట్రా 5G స్మార్ట్‌ఫోన్‌ :
గత నెల చివరి వారంలో లావా ప్లే అల్ట్రా 5G స్మార్ట్‌ఫోన్‌ విడుదల అయింది. ఆర్కిటిక్‌ ప్రాస్ట్‌, ఆర్కిటిక్‌ స్కేట్‌ కలర్‌ వేరియంట్స్‌లో లభిస్తుంది. ఈ ఫోన్‌ 6GB ర్యామ్‌ + 128GB స్టోరేజీ ధర రూ.14999, 8GB ర్యామ్ + 128GB స్టోరేజీ ధర రూ.16499 గా ఉంది.

లావా ప్లే అల్ట్రా 5G స్మార్ట్‌ఫోన్ 6.67 అంగుళాల ఫుల్‌ HD+ అమోలెడ్ డిస్‌ప్లేను కలిగి ఉంది. మీడియాటెక్‌ డైమెన్సిటీ 7300 ప్రాసెసర్‌, ఆండ్రాయిడ్‌ 15 ఆధారిత OS పైన పనిచేస్తోంది. 2 ఆండ్రాయిడ్‌ OS అప్‌డేట్స్‌, 3 సంవత్సరాల సెక్యూరిటీ అప్‌డేట్స్‌ను పొందుతుంది.

ఈ స్మార్ట్‌ఫోన్ 33W ఫాస్ట్‌ ఛార్జింగ్ సపోర్టుతో 5000mAh బ్యాటరీని కలిగి ఉంది. కెమెరా విభాగం పరంగా 64MP సోనీ IMX682 ప్రైమరీ కెమెరా, 5MP మ్యాక్రో కెమెరాను కలిగి ఉంది. మరియు 13MP సెల్ఫీ కెమెరాతో అందుబాటులోకి వచ్చింది.