₹20 వేల లోపు కర్వ్‌డ్ డిస్‌ప్లే, 6000mAh బ్యాటరీతో లవా విరాట్ కర్వ్ 5G వచ్చేసింది!

దేశీయ స్మార్ట్‌ఫోన్ బ్రాండ్ ‘లవా’ (Lava) తన కొత్త 5G ఫోన్‌ను భారత మార్కెట్‌లో గ్రాండ్‌గా లాంచ్ చేసింది. 'విరాట్ కర్వ్ 5G' (Virat Curve 5G) పేరుతో ఈరోజు (సెప్టెంబర్ 21, 2026) తీసుకొచ్చిన ఈ డివైజ్‌లో 120Hz కర్వ్‌డ్ AMOLED డిస్‌ప్లే, వెనుక వైపు ఒక మినీ డిస్‌ప్లే, భారీ 6,000mAh బ్యాటరీ వంటి క్రేజీ ఫీచర్లు ఉన్నాయి. 6GB RAM + 128GB స్టోరేజ్ వేరియంట్ ధర ₹23,999 కాగా.. బ్యాంక్ ఆఫర్లతో దీని ఎఫెక్టివ్ ప్రైస్ కేవలం ₹19,999 అవుతుంది. సెప్టెంబర్ 28న రాత్రి 7 గంటల నుంచి ఫ్లిప్‌కార్ట్‌ (Flipkart) వేదికగా దీని తొలి సేల్ ప్రారంభం కానుంది.

ఈ ఫోన్ వెనుక ఉండే మినీ డిస్‌ప్లే కేవలం ప్రచారం కోసం ఇచ్చింది కాదు, అలర్ట్‌లు చూసుకునేందుకు బాగా ఉపయోపడుతుంది. ఫోన్ స్క్రీన్ ఆన్ చేయకుండానే సమయం, నోటిఫికేషన్లు, బ్యాటరీ శాతం, వాల్యూమ్‌తో పాటు ఎమోజీలు, నచ్చిన టెక్స్ట్‌ను ఇందులో చూడవచ్చు. 6.67 అంగుళాల కర్వ్‌డ్ ప్యానెల్‌తో రావడం వల్ల గ్రిప్ బాగుండటమే కాకుండా సెల్ఫీలు తేలికగా తీసుకోవచ్చు. ఇక 120Hz రీఫ్రెష్ రేట్ ఉండటంతో రీల్స్ స్క్రోల్ చేసినా, షార్ట్స్ చూసినా లేదా గేమింగ్ ఆడినా ఫోన్ చాలా స్మూత్‌గా రన్ అవుతుంది.

లవా విరాట్ కర్వ్ 5G ధర, సేల్ తేదీ, పూర్తి వివరాలు

ఈ ఫోన్లో 6nm ప్రాసెసింగ్‌తో పనిచేసే మిడ్-రేంజ్ ప్రాసెసర్ 'మీడియాటెక్ డైమెన్సిటీ 7100' ని ఉపయోగించారు. పెర్ఫార్మెన్స్ పరంగా AnTuTu బెంచ్‌మార్క్‌లలో ఇది దాదాపు 7,80,000 స్కోర్ సాధించగా, Geekbenchలో 995 (సింగిల్ కోర్), 2925 (మల్టీ కోర్) స్కోర్‌లను నమోదు చేసింది. దీంతో మల్టీటాస్కింగ్, మీడియం గ్రాఫిక్స్ గేమింగ్ ఎటువంటి ఆటంకం లేకుండా సాగుతాయి. ఇందులోని 6,000mAh బ్యాటరీ 45W ఛార్జింగ్‌కు సపోర్ట్ చేస్తుంది (బాక్స్‌లో 33W ఛార్జర్ ఇస్తున్నారు). ఫోటోగ్రఫీ కోసం EIS సపోర్ట్‌తో 50MP Sony IMX752 ప్రైమరీ కెమెరాను అందించారు. ఆండ్రాయిడ్ 16 ఓఎస్‌తో వచ్చే ఈ ఫోన్‌కు రెండు మేజర్ సాఫ్ట్‌వేర్ అప్‌డేట్లు ఇస్తామని కంపెనీ స్పష్టం చేసింది.

₹25,000 లోపు లవా విరాట్ కర్వ్ 5Gకి పోటీగా ఉన్న ఫోన్లు

నేటి యువత, కంటెంట్ క్రియేటర్లు కేవలం మెగాపిక్సెల్స్ కంటే బ్యాటరీ లైఫ్, డిస్‌ప్లే క్వాలిటీకే ఎక్కువ ప్రాధాన్యమిస్తున్నారు. ₹25,000 లోపు కేటగిరీలో లవాకి గట్టి పోటీనిచ్చే మోడల్స్ మార్కెట్లో ఉన్నాయి. మోటో భారీ బ్యాటరీలతో ముందుకు రాగా, రియల్‌మీ స్పీడ్ మరియు బ్యాటరీపై, రెడ్‌మీ బ్రైట్ AMOLED డిస్‌ప్లేలపై దృష్టి పెట్టాయి. మీ అవసరాలకు ఏది సరిపోతుందో తెలుసుకోవడానికి ఈ పట్టిక చూడండి.

ఆఫర్లతో కలిపి ₹20,000 లోపే కర్వ్‌డ్ AMOLED స్క్రీన్ దొరకడం ఈ రోజుల్లో చాలా అరుదు. HDFC, ICICI, SBI మరియు Axis బ్యాంక్ కార్డులపై లభించే ఆఫర్లతో ఈ ఫోన్ తక్కువ ధరకే లభిస్తోంది. ఫ్లిప్‌కార్ట్‌లో సెప్టెంబర్ 28 నుంచి సేల్ ప్రారంభమవుతుంది. అయితే, ఈ ఫోన్ కేవలం 6GB + 128GB అనే ఒకే వేరియంట్‌లో రావడం, అలాగే వెనుక వైపు ఒకే ప్రైమరీ కెమెరా ఉండటం వల్ల వైడ్-యాంగిల్ వంటి ఫోటోగ్రఫీ ఆప్షన్లు పరిమితంగా ఉంటాయని గమనించాలి.